#殭屍#林德信
林德信呢個殭屍 look,睇落都幾嚇人,同以往官仔骨骨,截然不同嘅感覺。

貼圖區

爆粗•殭屍•土地問題 「香港都唔 X係人住!」

Ads by Google

由林家棟監製嘅新戲《死開啲啦》,食正香港現時面臨嘅土地問題話題,講到戲中做殭屍嘅林德信都要屈服喺地產霸權之下,劇情夠晒玩嘢仲堅係本土戲喎!
劇情有創意,角色配搭仲勁有新鮮感!事關監製林家棟親自欽點太陽娛樂新人 J.Arie雷琛瑜擔正女主角,戲中飾演港女兼有連場爆粗場口,拍埋做殭屍嘅男一林德信同張繼聰,鮮味羸晒啦!得監製睇得起,首次擔正嘅 J.Arie,除咗港女格勁爆粗外,仲有一場破格出浴鏡頭,新人嚟講,好大膽㗎!至於戲中一句「香港都唔 X係人住!」,更加中晒港人心聲啦!

 



#擔正女一#J.Arie
J.Arie首次擔正,除咗有爆粗嘅破格演出,仲有一場出浴鏡頭演出添!

林德信戲中飾演殭屍,對住港女 J.Arie竟慢慢萌生愛意,不過就略嫌兩人冇乜激情戲份囉!

#甘草#搶鏡
同場有甘草演員吳浣儀同河國榮, J.Arie大把機會可以偷師啦!

因為土地問題,身為殭屍嘅林德信都難逃搵地方暫避嘅厄運,正正係香港人心聲!

對於 J.Arie首次表現,家棟有讚冇彈,二人其後更成為師徒關係,家棟仲睇好佢係影壇上嘅表現添! 網上圖片

#hehe#張繼聰
林德信同張繼聰關係瞹昧,單睇張繼聰俾林德信攬住嗰個冧樣,就知有啲嘢!

林德信平時雖然斯斯文文,但拍起打戲時,一樣唔留力喎!

#盧覓雪#女殭
盧覓雪同張繼聰戲中同樣都做殭屍,仲為咗收樓而不擇手段添!覓雪都要扮殭屍呀!

#飲血#殺雞
林德信雖然做殭屍,不過就唔似盧覓雪同張繼聰咁壞事做盡,周圍亂吸人血,平時為生存都係飲雞血咋。

採訪、撰文:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()