全知言

$16,888最貴飛照買?  57歲麥當娜威水史有排數

 

Ads by Google

明年 2月國際巨星 Madonna即將嚟香港亞博開個唱,本週五( 25日)就開始賣飛,最平$ 688至$ 16,888不等,仲唔係香港史上最勁?
其實 57歲 Madonna仲有好多勁嘢你未必知,例如佢係全世界賣唱片賣得最多嘅女歌手(超過 3億張),當年高中畢業時成績表上全 A嘅優異生、 20歲時拎住 35蚊美金獨自去紐約闖世界……你又覺得 Madonna最勁係乜先?

 


林德信  Yoga最 fit

網上圖片

Madonna實在太勁喇,我細細個幾歲都已經留意佢啲音樂。我記得我讀緊書嘅時候佢就玩啲電子音樂!我好欣賞佢,因為佢好早期已經開始玩 yoga,我都覺得佢咁多年嚟 keep得咁健康,我覺得真係好犀利!
周秀娜 意志最強
我覺得 Madonna最勁嘅一件事係佢有好好嘅體力啦,好欣賞佢呢一份意志力同埋堅毅。每一次見佢喺舞台上面都覺得佢好有活力,好有 energy,我覺得要 keep住向佢學習就係呢一樣嘢!

網上圖片
洪卓立 製作認真
我覺得佢製作方面係好犀利嘅,因為睇親佢嘅演唱會,係唔似我哋香港咁得一、兩部機嘅角度去拍嘅,佢係好多好多部機,可能係十部機以上嘅團隊去做,好多時睇都唔係睇一個演唱會,而係一個由三、四十個人製作嘅一個 MV,但原來係一個演唱會嚟!

美聯社圖片
J.Arie 百變形象
Madonna所有嘅形象,百變嘅造型係好深入民心嘅!其實有好多香港嘅電影都有採用到落去,包括佢導彈戰衣嘅造型,即係梳條馬尾嗰個啦!原來做歌手呢一個職業,係要多變嘅!

《壹週刊》圖片
黃又南 態度專業


其實佢可以唔唱㗎,但係佢仍然堅持佢嘅工作都係好專業。唔係話佢一把年紀,但都唔係一個後生,即係二、三十歲,但係佢仍然係 keep到自己個 body又好,狀態又好,即係呢一個係我哋做晚輩應該要學習嘅嘢。
王宗堯 無限驚喜

Madonna當然係永遠嘅天后啦,佢永遠都有好多 surprise俾我哋啦,而 Guy Ritchie同 Madonna結婚嗰時亦都係一個聲名大噪嘅導演,真係好勁,而佢哋兩個最勁嘅一樣嘢就係,佢哋兩個一齊拍過一套戲,但係嗰套戲係非常之唔收得(《 Swept Away》)!所以有陣時最好同最好嘅結合,未必會有最好嘅結果嘅!
街坊: 57歲都開個唱

路透社圖片

藝人明星主要都係講 Madonna舞台上嘅勁嘢,估唔到市民睇嘢嘅角度真係唔同啲喎!


阿揚 18歲
我對佢嘅印象就比較負面嘅,好似有啲吸毒定唔知咩嘅新聞?但係我都覺得幾佩服嘅,既然佢吸毒,不過佢 50幾歲都開到演唱會,咁呢個都幾勁!


陳先生 18歲
毅力啦!不過驚佢會整親,因為佢演唱會巡迴,即係要演出好多場,攰㗎嘛!


西西 20歲
Madonna最勁呀?我諗唱歌啦、或者佢形象比較出眾囉!夠 hit啦,旋律夠洗腦啩!咩 LOVE Madonna Madonna嗰首係咪呀?我唔記得咗喇!
即時報料 facepop
熱線: 9222 0828
電郵: facenews@nextmedia.com
facebook: Face Magazine inbox
line、 we chat id: facemagazine

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()