成為史上第一個擁有超過萬五個負評嘅梁烈唯,上週一( 14日)出席公開活動時,只有苦笑說:「多謝關心」。

真面目

負負得正 過萬負評冇嘢撈 梁烈唯揾師傅改名轉運

Ads by Google

娛圈好多藝人都篤信風水,有人種生機、有人養鬼仔,擺風水陣就係最簡單嘅一種催旺手法。
早前因一張敬禮相而被高登仔過萬負評的梁烈唯,一向甚信風水,家中亦早已擺好風水陣,但去年婚後工作量卻大大減少,據知唯唯近日因成為「負皮王」,而再搵師傅救急,希望可以改名谷運。

 


36歲梁烈唯入行 16年, 12年的《缺宅男女》令他急彈上位,之後大台亦安排他參演多部大作,《飛虎》更升呢做男二。
婚後事業插水

唯唯去年 1月與拍拖 11年的女友 Tina註冊結婚,但婚後工作量卻大不如前。

正當事業高峰期,去年 1月唯唯與拍拖 11年的圈外女友駱保雯( Tina)註冊結婚,不過婚後工作量卻插水式下滑。向來篤信風水的唯唯馬上豪花十多萬找風水師上門睇風水兼擺陣。
唯唯家中放滿石麒麟、玉象、金風車等風水擺設。據知最近還找風水師傅幫拖,想轉變家中風水陣兼改名轉運。早年唯唯原住女友的赤柱公屋,風水師曾說過搬到深井會對事業有利,之後唯唯寧願住天台屋都要搬入深井。 12年唯唯彈起後,即以萬五蚊月租租住同在深井、 7百呎的海雲軒望海單位 keep住運勢。
擺陣谷運
唯唯篤信風水,出道多年一直都有搵風水師教擺陣,祈求事事順利,在唯唯的微博中亦不難發現家中的風水佈置。

風車催財
網上圖片

佛珠旺緣
網上圖片

麒麟擋煞
網上圖片

玉象吸水
網上圖片
個名改完再改

唯唯婚後 job唔多,大多靠到內地登台,韓風 look上台呃 like賺錢。網上圖片

其實梁烈唯去年底先將原名梁烈唯改成梁烈維,「因為年紀大了,不想再多口,所以改用繑絲邊,而呢個部首係代表要向目標堅持同埋努力嘅意思。」不過 2個月唔夠,唯唯再宣布由維變回唯。「改咗『維』字一個月,覺得自己好唔開心,情緒好波動,都驚自己有抑鬱症,咁啱有個師傅同我講『維』呢個字啱女仔,仲會令我唔開心,話有機會變基,所以都係用番『唯』。」
事業跌入谷底,連同網民都踩多腳。本月 8日有高登仔以「大家點睇梁烈唯?」開 post,截至週一( 21日)已有 15,427個負評,更有網民指他冇進步、擦鞋仔等。雖然唯唯已用「多謝關心」作回應,不過面對無 job兼大量負評,呢鋪好大鑊!希望唯唯再改名後,會翻到身啦!
敬禮惹禍

就係呢張閱兵敬禮相,令高登仔好不滿。網上圖片

高登仔睇唯唯唔順眼,開 post「大家點睇梁烈唯」,截至週一( 21日)已有 15,427個負評,啲留言絕到喊出嚟。

上月底與黃宗澤為新劇《警犬巴打》煞科後,至今仍未有新工作。網上圖片

冇劇拍冇工開,唯唯近日大把時間 hea,即約老死陳敏之(左)飯聚。網上圖片

王浩信劇接劇,打波為運動;相反唯唯時間多,打波係打發時間。網上圖片
改名有運行?
改名轉運好普遍,劉德華都唔用原名劉福榮啦!
大台唔少花旦、小生都有改過名,以下幾位改過名嘅藝人,暫時得林峯改名後最掂喎!
林峯=林匯文


原名林匯文,期間又改過名做林逸峯,不過簽大台時已經改名做林峯。 99年加入大台, 08年終於捱出名堂,去年與大台完約後即回復與英皇續約,換取更大自由度。
吳卓羲=吳兆棠


原名吳兆棠嘅吳卓羲,同樣入行前就改咗名,不過有頭威無尾陣,即將與大台完約的他,香港似乎無乜 job囉。
馬賽=司馬賽兒


08年參加選美時就已經改名做馬賽,去年被大台冷待事業冇起色,早前宣布用回原名司馬賽兒,「我一路都想改番,因為我覺得叫馬賽好男仔,賽兒就 sweet啲!」
李詩韻=李施嬅


李詩韻於 7月因其祖母離世,為表孝心決定用回原名李施嬅。「嫲嫲離世了,很懷念這個名,因為覺得比較親切。希望大家以後可以叫我李施嬅。」
採訪、撰文:娛樂組
攝影:攝影組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()