FFx出道咗年半,到上星期先紅,問佢哋有咩優勝過 As One同 Super Girls?佢哋話:「我哋勤力啲,同埋我哋全部都純天然,冇加工。」

真面目

位已上 高登仔問係咪處女  FFx最索 Christy:有啲尷尬

Ads by Google

呢個年代點擊率就係一切,被網民封為 MK Pop女團嘅 FFx,以 900蚊製作費拍成〈 Sugar Baby〉 MV,上載 YouTube一星期已過 150萬點擊,但亦有 3萬 7負評, 4位團員亦成為巴打攻擊和起底對象。
週日( 20日) FFx接受《 FACE》訪問,除咗騷舞技、歌喉,更大方落妝任影,又親自解答高登巴打尖銳問題。被巴打讚素顏最索的 Christy就話自己堅係 E cup身材,不過 Christy話好怕俾人望實,所以經常着鬆身衫;至於班巴打最關心佢係咪處女, Christy就話:「呢個問題我有啲尷尬。」好在佢話𠵱家冇拍拖喎,機會嚟喇!

 


一首〈 Sugar Baby〉令出道了年半嘅女子組合 FFx忽然爆紅,至週一( 21日)已過 150萬點擊,不過負評亦接近 4萬。人紅新聞多, FFx 4人連身世都被起底,不過 4女應該好享受。

FFx新歌〈 Sugar Baby〉上週二( 15日)上載至 YouTube,至週一( 21日)已超過 150萬點擊,但負評接近 4萬,不過有人鬧好過冇人知。 YouTube畫面

零妝 pure
Chrsity被巴打選為最索, 16歲咁年輕,叫佢索顏冇難度,落妝前後都 pure。

唔少巴打喺網上揾 Christy舊相,仲討論佢非常私人嘅問題,不過 Chrsity就話:「呢個問題我有啲尷尬,不過我拍過3次拖。」網上圖片
「減緊肥啦!」
唔少巴打話佢哋出嚟唱歌係為咗識有錢仔揾老闆,成員之一 21歲嘅 Shirely楊澤怡就話:「唔介意被人話 MK,因為旺角我哋都成日去,係香港嘅文化嚟。負評我哋有睇,但希望俾機會我哋改,我哋真係想成為跳唱組合,唔係着水着出寫真嘅𡃁模。」被巴打話好肥嘅 Ceci李詩詠就話:「如果有老闆,個 MV就唔使得 900蚊拍啦,我係圓潤啲,我減緊㗎喇!」
由於 MV內 4位勁濃妝,被網民質疑真實年紀,成員 Mizaki潘穎琳說:「嗰次我哋第一次用化妝師咋,先至出事,平時我哋 4個好淡妝。」
FFx一地負皮,但只得 16歲,正於將軍澳讀緊中六嘅 Christy周葆諭,就被巴打睇中話佢係 4個中最靚,而且身材 34E有潛質。 Christy話:「有次去內衣鋪,有人幫我度先知,我冇飲木瓜奶喎!我覺得性感唔係睇條事業綫幾長嘅,同埋我好怕人哋太留意我身材,平時鍾意着鬆身衫遮住。」

FFx之前雖然冇人識,不過都經常出騷,大陸登台騷 2萬一場,人氣夠,嚟緊月底仲會去大學出騷。網上圖片

直擊落妝樣
被巴打質疑落妝後勁醜, FFx即示範卸妝,過程仲被我哋直擊,完全唔驚。

FFx早前仲同李逸朗拍電影《男極探射燈》,戲中 4位成員飾演記者,經理人就話唔會為上位拍寫真或者太性感演出喎。網上圖片

有人話佢喜愛夜蒲成日去尖沙咀 Why Club,她說:「我問成員先知邊度嚟,我冇去過,我好怕嘈嘅地方,去過夜場,但只係揾朋友之後即刻走。」訪問期間, Christy親上高登睇巴打負評,有人叫佢單飛發展,她就表示冇諗過,更有唔少網友話佢係處女,她說:「呢個問題我有啲尷尬喎!其實我拍過三次拖,有個男友喺年半前因為我要入 FFx,所以分咗手,𠵱家就冇拍拖。」單係 34E,已經可以做女神啦!
經理人被麥曦茵追$500!
FFx上週被瘋狂洗版,連佢哋經理人 Sam都有是非,被導演麥曦茵公開代朋友追數 500蚊,攪到 Sam人格好以有問題,不過 Sam就話:「佢所講嗰位朋友其實係佢媽咪,我同佢媽咪識咗好耐同合作好多次,一直都冇問題,佢所講嘅 500蚊係剪片費用,我未收片所以未畀啫,佢媽咪都知,呢個星期會搞掂佢,其實事前已經畀咗 5,000蚊佢媽咪做製作。」都係嗰句,人紅新聞多啦。

麥曦茵喺 fb話代朋友追數,實則佢朋友就係佢阿媽!不過麥母同阿 Sam關係良好,二人現已解決嗰 500蚊嘅問題。《蘋果日報》圖片

FFx經理人 Sam之前主要搞國內登台 show,曾經幫過謝天華、徐子珊喺國內登台,現全力搞 FFx!《蘋果日報》圖片
採訪、撰文:娛樂組
攝影:攝影組

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()