車厘子同正印 Carmen本來同兆尊企埋一齊傾偈,發現《壹》仔後,兩個女人第一時間彈開。

同你吟一吟

鄧兆尊三人世界

Ads by Google

齊人福唔易享!巴閉如賭王何鴻燊,逢大時大節甚至自己生日,都要逐房去報到;兩個禮拜多咗兩個女嘅洗米華仲忙,陪 Mandy Lieu周圍飛完,又要撲返澳門交人,同諗計氹番正印洗米嫂。 

 


不過有例外!可以一腳踏兩船,又令到兩個女人和睦相處,有鄧兆尊。有日《壹》仔喺中環見到兆尊同小艾仲有細妹碧玉戙咗喺路邊等司機車到,當時同佢哋一齊嘅仲有兩個女人,一個係以前做過安德尊助手兼女友嘅車厘子,另一個戴眼鏡嘅叫 Carmen,係同兆尊拍咗好多年拖嘅正印女友。
當年兆尊喺安德尊手上撬走車厘子,已經同 Carmen拍咗拖好耐,正印可以同兆尊喺永祥大廈同居,日對夜對,車厘子做細嘅,就要自己住開。兩個女人分好庄閒,有規有矩,相處冇問題。
三人行唔嫌逼!司機到上車,車厘子都係讓正印上先,有規有矩!


洗米華,學嘢啦!

車到!兆尊坐車頭,小艾同碧玉坐後座,好規矩嘅車厘子就俾正印 Carmen上車先。

車厘子原本係安德尊助手兼女友,當年「雙尊爭女」,兆尊勝出,仲氹掂正印接受小三!十幾年來,三人行冇拗撬。 (《蘋果日報》圖片)
撰文:八珍
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()