同你吟一吟

猷君俾錢做觀音兵 四太仔變阿四

Ads by Google

上個禮拜一(九月七日),《壹》仔喺太古廣場見到何猷君架七人車停咗喺一邊,過冇耐,就見到佢兩隻手攞住幾大袋名牌,身邊有個著跌膊高衩裙嘅女子一齊,望真啲,原來係愈整愈靚嘅組合 By 2細孖 Yumi。

 


行去上車都有一段路,猷君拎住大袋細袋,倒瀉籮蟹,但佢寧願自己做阿四,都唔肯俾女友幫吓手,好有風度。
Yumi由台灣人肉速遞到港,猷君做完觀音兵兼人肉 credit card後,當晚 Yumi約咗朋友喺雲咸街一個私竇夜蒲,另外有局嘅猷君自己搞掂,將司機同車,讓俾女友任用。
見到 20歲何猷君同 23歲 Yumi,八珍諗起當日同向佐拍拖,想盡辦法做小向太嘅 Race, Yumi撻着猷君都有一年,早排亦傳過二人會閃婚,搞到四太叫記者唔好嚇佢。
據我所知,四太同向太好老死,應該會自動過料,交流心得。都係嗰隻,拍吓拖冇嘢,想入門,老媽子批個頭俾你坐好過。

猷君買嘢俾女友,仲要做埋阿四,其中一袋大嘅似乎仲好重吓,搞到論論盡盡,喺附近等車嘅人都好奇望吓。

終於行到去架車度,見自己個狼狽樣入晒鏡,猷君一臉尷尬。

男友司機送到門口,朋友亦專登落樓接駕,熱情 Yumi撲前就攬,嘩,條裙個衩好高吓喎!

現年 23歲嘅孖妹組合 By 2,新加坡人台灣發展, 08年出道至今,個樣變到自己阿媽都唔認得。
撰文:八珍
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()