me.jpg

Endy Chow
白色恤衫$5,000
黑色領呔$1,800
深藍併湖水綠色飛機師褸$18,500 all Dior Homme
黑白色印字圖案窄身長褲$3,000
黑色牛皮短 boots$4,700 both Versus

cover face

Endy Chow 周國賢 困境求存

Ads by Google

做了大半小時聽眾,眼前周國賢( Endy)這張熟悉的面孔,孩子氣、叛逆與固執不再,變得成熟穩重。
「以前我武裝自己,要做好人,乜都要贏,唔係真正嘅我。」
其實十幾年的抑壓,早讓他埋下情緒病,一度被「阿愁」支配迷失嘅自己,逼得自己無路可逃。
「我曾出現幻覺,又嗌又喊,拎唔起我最愛嘅結他,創作唔到,有一段時間要靠酒精麻醉自己。」
自然療法醫好情緒病,重獲新生,在多倫多生活的兩年時間,改變了他的心態。
現在強勢回歸,工作排得密麻麻,出唱片、開演唱會兼拍電影,夫妻與父女間的感情更勝從前。
今天的他能夠再站起來,變得更強,不再懼怕任何困境,因為他已找出一條致勝之道。

 

 

其他影片
周國賢迷失期 男人最痛時

18K白金鑲鑽及藍寶石十字架頸鏈$274,450 Damiani

彩色現鈔圖案 tee$2,490 Vivienne Westwood

淺灰色粗針織冷外套$13,200 Roberto Cavalli

Profile
 

Endy Chow
電藍色併黑白印花線條針織上衣$1,990
黑色綁帶 boots$2,290 both BLACKBARRETT
藍色印花修腳褲$6,500 Alexander McQueen from Joyce

Endy Chow
出生日期: 1979年 12月 11日
出生地:香港
身高: 5呎 10吋
體重: 143磅
語言:廣東話、普通話、英語及日語
簡歷: 13歲,移民紐西蘭,組成樂隊 Zarahn,開始作曲。 98年,留學日本,主修哲學時結識現任韓籍太太李美英, 02年回港定居並結婚。 03年,簽約華納唱片公司,翌年推出首張個人專輯《溫室汽球》,大獲好評。 06年,改以樂隊 Zarahn進軍樂壇。
10年,加盟博美娛樂唱片,兩年後成立製作公司 Vague Eyes。 15年,轉會簽約維高文化。
主要作品:專輯《溫室汽球》( 04),《光》( 05),《十二優》( 06),《 12A Acoustic》( 07),《 College》( 09),《 Implode》( 10),《 This Is Not The End》( 11),《 Live A Life》( 12)。電視劇《黃金歲月 III》( 04),《廉政行動 2011》( 11)。電影《戀上你的床》( 03),《半醉人間》( 06),《老夫子之小水虎傳奇》( 11),《那夜凌晨,我坐上了旺角開往大埔的紅 VAN》( 14)
Instagram: endychowjaugwokyin

唱出正能量
 
告別香港樂壇兩年半,沒有被遺忘,反而更受歡迎,令他始料不及,「重踏舞台起初有啲緊張,我愈唱愈興奮,唱到唔想離開舞台。我冇諗過反應咁熱烈,依家會喺 11月中加開 part 2,我驚自己再一次感觸落淚。」眼前的周國賢一下子變得感性。
「以前我好心雄,覺得自己係明星,擁有好多嘢,說話未必係真心,去到多倫多冇人識,先醒覺自己都係一個普通人。依家嘅周國賢唔再係歌手,而係傳播媒介,希望可以透過音樂傳播正能量。」
工作排得密麻麻,開演唱會、拍電影及出唱片,而他與麥浚龍( Juno)合唱《羅生門》外傳《雷克雅未克》,更成為熱話,「今次同佢第三次合作,我哋好 friend好有默契,大家頻率相近,少說話多思考。」佢仲話很欣賞 Juno既自信又大膽。
計我話,周國賢在音樂同生活有了新方向,重新出發比前更活得自在快樂。

重建關係
 
13年,周國賢處於迷失狀態,情緒跌入谷底,悲觀到冇動力工作,「屋企人唔知我咁嚴重,每次趁屋企冇人就大嗌,嗌完又喊,喊完又嗌,仲亂丟嘢,差啲掉爛我支結他。」
即使未處理好自己的情緒問題,仍選擇當起「湊女公」陪大女到多倫多升學,「有一段時間我沉迷酒精,晚晚飲醉,長期口腫面腫似拉斯維加斯瞓街嘅醉酒佬。直至,我唔小心喺大女面前喊過一次,佢意識到我情緒有問題,驚到唔敢接近我,我知自己唔尋求協助,遲早會行到嗰步(自殺)。我發覺以前對太太同女付出唔多,冇真正關心佢哋,直到獨力照顧大女九個月,大家有吵鬧亦有一齊解決問題,我發覺到呢啲先係家庭生活。」
一場暴雪令兩父女經歷生死,重新建立父女關係,「多倫多停電七日,積雪太厚開唔到車房,好多樹倒塌,零下近四十度冇暖氣好凍,成個世界好似得番我同佢。嗰刻我扮鎮定𠱁個女,叫佢好似細個玩騎膊馬跳上我膊頭,佢攬得我好實,仲愈攬愈實,大家以為死梗,會係我哋『最後一次擁抱』,攬到喊咗出嚟!」
這次死過翻生,周國賢尋求自然療法醫好自己,「人生要經得起考驗,困境只是修練,令自己變強,變強先可以保護到屋企人。」修練成功,相信他從今以後,對困境抱着一種正面的態度。

80年
細細個開始作曲, 13歲已經喺紐西蘭組成樂隊 Zarahn,要寫個「服」字俾佢。

14年
周國賢獨自回港做音樂,時刻掛住三個女,現已計劃聖誕節返溫哥華聚天倫。

15年
重踏舞台開演唱會,好多人勁搶飛,真係有錢都買唔到,我諗佢下次要去紅館開喇。

感情不變

 

Endy Chow
紅黑色格仔絨褸$9,300
紅黑色格仔西褲連西裝褸$9,000
both Hugo from Hugo Boss
啡紫色綴 logo膠質 loafers$2,900 Vivienne Westwood

之前有傳周國賢與太太感情有變,新歌《我們都不是無辜的》,又咁啱講述夫妻關係,「我哋每個人爭執時,都會覺得自己無辜,你係令我受傷嘅人,唔會喺對方角度去睇件事。爭執或誤會發生,唔係一個人做出嚟;而係雙方面,如果每個人內心可以保留小朋友嘅純真,唔好互相攻擊同怪責,呢個世界會少啲紛爭。」說得有道理,但我唔鍾意遊花園喎。
「我哋兩公婆感情 OK,佢只係投訴聽唔明我啲歌,冇計,韓文我學極唔識,佢又唔識廣東話,不過佢最擔心係見我成日同藍奕邦夾歌,哈哈!其實我既專一又花心,花心因為我想擁有太太每一種心情,專一係我只鍾意女人,唔鍾意男人。」
Endy認為真正嘅愛情不是佔有與控制,而是諒解、信任和給予對方自由,仲話兩公婆性格一正一負才能互相學習,「我同太太管教阿囡方式好唔同,韓國人道德觀念重,我就順其自然,我哋係一水一火,但知道自己角色定位,所以唔會嗌交,而且佢一見我跳舞就笑。」識得講笑同有閒情冧嬌妻,雨過天晴,好了。

後記

 

Endy Chow
18K白金鑲鑽圈形頸鏈$69,900
18K白金單行鑲鑽戒指$47,600 both Nirav Modi
18K白金鑲綠寶石及黑鑽蝴蝶結心口針$199,450 Damiani 
黑色及啡紅色圖案絲質併布西裝褸$15,100 
Uma Wang from Lane Crawford

以前絕不談家事的周國賢,忽然「周爸爸」上身,與我大談女兒經,分享喜與樂,晒吓幸福。
「大女 13歲,以自己係韓國人為傲,成日上網睇 K-Pop學跳舞,仲做排舞師捉兩個妹一齊跳,但講明唔受我玩囉!」笑容甜到呢。
「我作曲到深夜,要同佢哋視像電話完先瞓得着!」有女萬事足,明晒!
眼前的周國賢,已走出陰霾放下包袱,無事不可對人言,他的真人真事話我知,人生沒有事事如意,放下執着便看淡一切,我也忍不住笑他以健康大使的身份回來。

Shop List

 
BLACKBARRETT 銅鑼灣時代廣場 509-510號鋪  2506 0386
Damiani 中環置地廣場 224-225號鋪  2598 1488
Dior Homme 中環置地廣場 218-219號鋪  2162 8008
Dolce& Gabbana 中環歷山大廈 G02號鋪  2877 5558
Hogan 金鐘太古廣場 251號鋪  2918 0181
HugoBoss 中環中建大廈 3號鋪  2796 6228
Joyce 中環皇后大道中 16-18號地下  2810 1120
Lane Crawford 中環國際金融中心 3樓  2118 3376
Nirav Modi 尖沙咀圓方 2037號鋪  2376 0008
Roberto Cavalli 金鐘太古廣場 205號鋪  2116 1700
Vivienne Westwood 銅鑼灣百德新街 42-48號 B-D地下  2894 9088
Versus 尖沙咀海港城海洋中心 2242號鋪  2199 7768
撰文:劉慰思
形象: Annie Hung
攝影: Fung Chan
化妝: Winki Winki@VCW Makeup
髮型: Eve@QUEEN's PRIVATE i SALON

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()