Lynn同郭可頌密遊溫哥華,為免得失米飯班主,二人出入前後腳。

探熱針

斷正:熊黛林有約縛住 拍拖要偷雞

Ads by Google

近年強攻內地節目的熊黛琳,早前以五十萬一集酬勞,接拍湖北衞視真人騷《如果愛》,同主持韓版《 Running Man》走紅的韓星李光洙拍拖做情侶。為令觀眾更投入,電視台同 Lynn約法三章,節目播放期間,感情事一定要低調。為此, Lynn早前偷雞同男友郭可頌去溫哥華,亦十分小心,前後腳出入,但回程時終於斷正。

 


約法三章
上月尾,熊黛林同郭可盈胞弟郭可頌拍拖飛溫哥華放假充電,出發當日坐夜機,去到機場後,郭可頌先落車到櫃位 check in寄行李,同一時間, Lynn則自行從另一邊閘口入閘。
在加拿大逗留了一星期,返到香港,二人又刻意前後腳分開閘口出,郭可頌留低攞行李, Lynn自己一個出閘先上車等。
「 Lynn有拖拍唔係秘密,但因為喺《如果愛》入面佢同李光洙係一對,為咗令觀眾投入到,簽約嗰陣,電視台講明做節目呢段時間,唔好高調私人戀情。所以 Lynn都好小心,唔會喺公眾場所拍拖,免得記者影到佢同男友一齊,俾電視台詐型。」知情者透露。

落機後, Lynn先出閘上車,郭可頌留守等行李,之後再急急腳行去會合女友。

Lynn接拍內地真人騷《如果愛》同李光洙拍拖扮情侶,電視台約法三章,要求 Lynn將私人感情低調處理。
百密一疏
五十萬一集,咁易執!莫講話拍拖小心,唔嫁都冇所謂!
但百密一疏,由加拿大返港當晚,郭可頌送 Lynn返嘉亨灣後,落車搬行李再送女友返回第三座,做完觀音兵後才獨自返回位於同屋苑的第五座寓所。斷正!

上機當晚,郭可頌到登機櫃位 check in𨍭移視線時, Lynn已從另一個閘口入閘。

郭可頌幫 Lynn拎行李落車。

去年底,郭可頌同熊黛林到台灣溫馨二人世界,當時拍拖未足三個月。

度假一星期返港,二人同車返回嘉亨灣寓所。

同鍾麗緹(橙衫)等合拍真人騷,令 Lynn穩袋六百萬,荷包脹,亦令她人氣更上一層樓。
撰文、攝影、攝錄:娛樂組
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()