探熱針

紅館睇騷:唔敢彈平板祖兒 克勤:問番知道嘅人啦!

Ads by Google

李克勤容祖兒破天荒合作開騷,克勤仲配合跳埋辣身舞,連續十二場,晚晚要抱起祖兒,但有一大禁忌。「教練之前講明唔可以舉啞鈴,試過舉完之後對手無力,差啲抱唔起佢!」克勤說。
辣舞身體接觸多,對祖兒的平板身材,克勤第一時間傳波。「都係問番知道嘅人!」
咁即係問……?

 


打破門戶之見
明明唔同碼頭,年齡更相差十二年,李克勤和容祖兒卻 friend到可以打破門戶隔膜,合作開騷,罕!
唱強過跳的克勤一次過反轉大突破,被四個 dancers托起傾斜四十五度唱歌,還要連環抱起祖兒,考佢腰力同臂力。
跳舞身體難免有接觸,冇乜機會掂其他女人的克勤話冇尷尬。
「咁熟,真係無乜嘢喎!無乜感覺!其實個 show唔同環節有唔同意思,好似第一 part,係講嗌交,我哋反而似打交多啲,到《神魂顛倒》嗰段係有啲挑逗成分,有少少身體接觸,係幾得意;但大家太熟,所以無乜尷尬。」李克勤說。

做慣傾斜 45度舞姿的祖兒,今次演唱會便將絕技傳授克勤。

容祖兒也有一個托住克勤的動作,難怪二人都要減十多磅上台。

彩排《分身術》時,被 dancers托起拉傷腰骨,祖兒要定時戴腰封護腰。

由於不能用啞鈴練力,夾歌期間,克勤就做拉筋動作鬆定筋。

克勤下午三點幾就返紅館,與 Hi King研究舞步。

抱完祖兒後,另一動作就係要㩒住祖兒大髀,將對方成個人頂起。
唔敢彈
台上祖兒自嘲身材平平無奇,克勤冇回應,更即時交波。「我自問唔敢評論人哋,都係問番應該知道嘅人!」
鍾意挑戰高難度的祖兒,開騷前不小心拉傷腰骨,每天彩排,都要戴住腰封。「其實醫生有俾止痛藥我,但無必要我都盡量唔食!」容祖兒說。

除咗辣舞,克勤還學埋彈結他。

狂操開騷,祖兒瘦了 18磅,克勤也瘦了 13磅。

盧淑儀與兩個仔跟好姊妹蔡少芬齊齊睇騷。
最貴睡衣
演唱會舞台和服裝由朱祖兒負責設計,製作費冇得慳,買衫更加冇手軟,當中一套配合舞台宇宙恒星的西裝,克勤入面打底的一件襯衫,竟然是一件三萬元的 Valentino睡衣。
「咁大個仔未著過咁貴嘅睡衣,真係好堅!」克勤說。


克勤展示朱祖兒幫佢買的一件價值三萬元的睡衣做西裝入面嘅襯衫。

後台一角放滿 Star Wars玩具,等兩個仔嚟到有得玩。
撰文、攝影、攝錄:娛樂組
nextplus.nextmedia.com 

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()