背心熱褲,陳瀅 pat pat吸睛,高登巴打又會俾幾多個 Like呢?

探熱針

廣告女王:勁過陳凱琳 陳瀅兩年執二百萬

Ads by Google

花旦清倉!無綫積極捧港姐出身的陳凱琳上位,未卸任已經劇接劇,得閒死唔得閒病,更遑論唧期接廣告商演賺快錢;全靠陳凱琳,令高登巴打新寵陳瀅有機可乘,不夠兩年,拍超過十個廣告,吸金超過二百萬。對於自己賺得勁過陳凱琳,她謙虛回應:「我唔似得佢(陳凱琳)有大台撐腰!」

 

陳瀅(左二)有份在《四個女仔三個 BAR》中擔正,更意外跑出,成為高登新寵。

兩年來陳凱琳密密拍劇,廣告有人搵冇期拍,最大收穫就是同鄭嘉穎撻着,有名無利。
全裸老細冇詐型
《女人俱樂部》去年中播畢後,同劇大部分後生版演員都唔見影,唯獨不是無綫「親生」的陳瀅, keep住有工開。今年初,陳瀅更憑《四個女仔三個 BAR》被高登巴打封為新寵,人氣急升,廣告商排隊送合約,即使上月全裸上陣拍攝圖像文學《半透明的舞孃》,米飯班主都冇詐型。
不足兩年,陳瀅已拍超過十個廣告,廣告收入超過二百萬,遠遠拋離同期出道,代言廣告數得出的港姐冠軍陳凱琳。「哈哈,咁我唔同,佢有大台撐腰,我盡量做好自己,希望可以 keep住有人搵。」陳瀅說。

拍攝期間工作人員不停補 cream,令陳瀅皮膚睇落有光澤。

愛犬 Diesel全程跟實陳瀅,還不時拱手請請。

Diesel聽教聽話,陳瀅一聲令下,即乖乖坐低。

唔係無綫親生女,但陳瀅演出機會多,上月孖住蔡思貝等拍新劇《潮流教主》。
好吸得


90後的陳瀅 25歲,去年在《女人俱樂部》飾演後生版陳慧珊火速彈起,成為高登頭寵,加上五官無添加,極得廣告商歡心,成為新一代吸金 CM女王。
一個月操出馬甲線
同蔡思貝拍完《潮流教主》,陳瀅隨即就位,為代言的「神纖油」拍平面廣告。據知廣告原定一個月前開工,但劇集要趕起貨,加上想再操 fit啲身形,於是同廣告商商議,延後一個月,交換條件是交出馬甲線。
「我同 client講俾多一個月我,就俾條線(馬甲)你睇!原來真係唔容易,呢段時間,日日做個半鐘 strength training,做好多 push up,開頭唔習慣會好攰,成身肌肉痠痛,又戒埋澱粉質,但無輕之餘仲反而重咗,好在朋友都話我睇落 firm咗瘦咗,教練亦同我解釋話脂肪輕過肌肉,我先冇咁擔心!開工前四日,我全面禁食,只係飲果汁代正餐,總算見到條(馬甲)線,交到功課!」陳瀅說。

陳瀅有觀眾緣,不夠兩年已拍了十多個廣告,賺唔少。

轉妝換鞋,陳瀅兩隻愛犬寸步不離。

拍廣告前四日,陳瀅以果汁代替一日三餐。

抱着狗狗一齊睇拍攝效果,有愛犬陪開工, happy!
跟尾狗陪開工

上月陳瀅全裸拍攝圖像文學,引起不少回響。

拍廣告當日,事前已請示過的陳瀅,帶住兩隻寶貝狗狗 Diesel(芝娃娃)同 Baymax(松鼠)到現場, studio方面更 set咗個臨時安樂窩,方便一對寶貝休息。
「我好開心呀!一嚟到就 set壇擺陣,佢哋(兩隻狗狗)未試過陪我去開工㗎,之前又忙住拍劇,無時間陪佢哋。」
兩隻狗狗訓練有素,在 studio少有亂吠,只是跟着主人,又擺出不同甫士,爭取陳瀅注意,只見主人一聲令下, Diesel馬上坐低,絕冇阻礙拍攝。
成為新一代的 CM天后,陳瀅有兩隻跟尾狗陪搵錢,特別醒神。
撰文、攝影、攝錄:娛樂組
nextb@nextmedia.com

, ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()