今年六月,何雁詩搭上日韓新歡 Wateru,拍拖三個月,二人愛得痴纏。

探熱針

新歡上場: Dry咗半年何雁詩轉食六呎韓男

Ads by Google

○九年參加第一屆《超級巨聲》簽約無綫後,何雁詩終憑《四個女仔三個 BAR》成功「入屋」,事業有新進展,但瘟仔更緊要;去年與拍拖多年的謝東閔分手,「食齋」半年,最近搭上日韓新歡 Wateru,拍拖三個月,為 mark實靚仔男友,何雁詩幾乎每晚在男友所開的韓國餐廳打躉,做跟得女友。

 


返港即見
由「巨聲幫」升呢做「女神」的何雁詩,先後同過幫中的木偶哥林師傑和謝東閔拍拖,專吼高大靚仔的她,和謝東閔甩拖半年,今年六月,速上經營韓國餐廳、三十歲出頭的日韓混血兒 Wateru。
九月三日晚,剛與家人去完旅行返港的何雁詩,已急不及待,人肉速遞到餐廳會新歡。

貼心 Wateru送女友上的士前,先耳語一番,何雁詩甜爆冧笑。

略帶醉意的何雁詩由高自己一個頭的 Wateru拖實行。
晚上八時,白 tee牛仔褲便裝打扮的何雁詩,孖住一名女性友人到男友位於尖沙咀的上樓韓國餐廳,坐在餐廳露天位。
現場所見,熟晒架步的何雁詩,自動波去拎酒,自己招呼自己,而忙於招呼客人的 Wateru,只要一有空檔,就會埋枱陪女友傾偈,每次見男友走埋枱,擺出溫柔樣的何雁詩就望住對方,眼都唔眨,聽完男友講嘢,她又會笑晒俾足反應,表現冧爆。

在男友餐廳打躉到凌晨三點,扁晒嘴的何雁詩開始現醉態, Wateru立即上前又氹又摸頭。

 

何雁詩去年跟同是「巨聲幫」出身的謝東閔分手,但二人再見亦是朋友。
一拍即合
「 Stephanie(何雁詩)同 Wateru係响呢間韓國餐廳識嘅,兩個都鬼聲鬼氣,所以一拍即合,差不多日日都見佢哋一齊!間餐廳係 Wareru同啲朋友一齊合作搞,開咗差唔多年幾,生意都唔錯。
「 Wateru係日韓混血兒,兩個人溝通以英文為主, Stephanie不時叫埋班姊妹好似陳瀅、阿 Moon(劉佩玥)嚟幫襯,輪流陪佢上去食飯,等男友收工,又成日喺 Instagram打卡,幫餐廳宣傳,有時亦會幫手招呼客人,好似佢自己有份一樣,對 Wateru特別認真!」

Wateru全晚忙於招呼客人,何雁詩熟晒架步,自己招呼自己。

 

何雁詩經常叫埋姊妹陳瀅、阿 Moon等到男友餐廳食飯,以便陪她等男友收工。
男友摸面
拍拖三個月,正值熱戀期,當晚何雁詩在男友餐廳磨到凌晨三點都唔願走, Wateru見女友開始有醉意,即摸吓對方面珠,然後護送落樓。
生得細粒的何雁詩聽晒話,任由身高六呎的 Wateru拖住離開。

何雁詩雖然生得細粒,但身材熱爆,早前更大方在 Instagram晒三點式性感照。

專吼「巨聲」男
入行六年的何雁詩,出道以來緋聞不絕,個個唔係有米就係「巨聲幫」型男,好識食。


林師傑
09年,參加第一屆《超級巨聲》認識剛與女友分手的林師傑,二人於圓方拍拖斷正,但拍咗一陣就散。


謝東閔
13年,暗撻「巨聲幫」有米師弟謝東閔,拍拖一年多,何雁詩經常做埋司機管接管送,二人更發展至同居關係。


張子丰( Fred)
去年被拍到與環星唱片公司太子爺張子丰( Fred)於大坑撐枱腳,其間更玩自拍,態度親暱。
撰文、攝影、攝錄:娛樂組
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()