再開另一間啫!(設計對白)

Ads by Google

前度胡杏兒有着落,回復自由身的黃宗澤去年被爆跟名模楊崢姊弟戀見光死後,又傳出被四洲太子女戴凱欣睇中,女方更主動合作搞糖水鋪生意,拉近距離。不過,數月前太子女戀上做金融的新歡後,索性連糖水鋪都執埋,閂黃宗澤水喉。

 


劃清界線
上週四(九月十日)晚,四洲太子女戴凱欣,帶住在上海從事金融業,每月只定期返港幾日的男友 Justin出席時裝品牌活動,近日投資日式蛋糕店做到有聲有色的她,對於同黃宗澤在九龍城合資開的糖水鋪突然結業,未有否認,更刻意將朋友關係降級,與舊拍檔劃清界線。
「我不嬲同佢( Bosco)都好少聯絡,佢係朋友嘅朋友,(會唔會再合作搞其他食肆?)都係睇番朋友嘅意見,其實我主力係睇四洲,好少睇甜品鋪。」戴凱欣毫不留情說。
有指鍾意同圈中人交朋友的戴凱欣,當年曾視黃宗澤為偶像,去年知道對方打算開糖水鋪「笑甜甜」,戴凱欣索性剎停自己搞 cafe的計劃,改為入股糖水鋪,開張後,又落手落腳帶朋友撐場。

戴凱欣孖男友出席時裝品牌活動,心情靚爆。

糖水鋪開張初期,戴凱欣會親自落鋪幫手。

Bosco投資的第一間蠔吧,有 Co媽打理睇鋪,半年已經回本。

位於九龍城的「笑甜甜」(圓圖),有新老闆頂手後,轉名兼以合桃甜品為主打。


丘凱敏跟戴凱欣老友鬼鬼,經常到糖水鋪幫襯。

蠔吧初開時,三哥苗僑偉都有去捧場。
飲食王國
由於黃宗澤大部分時間留在國內拍劇,二人雖然是生意合作伙伴,但見面機會甚少,加上黃宗澤曾公開以「只係普通朋友」澄清二人並非情侶關係,令做晒主動的戴凱欣好無癮,有拖拍加上有人提出將鋪頭頂手,太子女順水推舟,斬纜!事實上,一直銳意在飲食業大展拳腳的黃宗澤,近年賺人仔賺到笑,早已有足夠財力,唔使靠水喉亦可以發圍。
「 Bosco喺內地撈得好掂,拍一套三十集電視劇收過千萬人仔,所以佢好少返嚟;但 Bosco自己鍾意煮嘢食,之前喺九龍城開咗蠔吧,掟咗成四百萬出嚟搞,最初澤媽都好緊張,成日落去看鋪,好多時仲等到收鋪先走人,而家生意上晒軌道,又賺到錢,佢哋都吼緊啲啱地點嘅鋪位,諗住再開其他類型嘅食店。」知情者說。

Bosco近日返娘家拍《警犬巴打》,同鍾嘉欣演情侶,不過近年的他似乎收心,已經少有跟對手傳緋聞。

在內地劇《偏偏喜歡你》,雖做男二,但劇中角色被指「帥爆」而上位。

黃宗澤跟內地演員戚薇合作內地劇《少年神探狄仁傑》,因反應不俗,他亦因而人氣急升。

近日有劇在身要開工, Bosco仍堅持跟陳志健操弗練大隻。
買鋪發大

戴凱欣跟男友愛得甜蜜,二人早前孖住出席時裝設計師何國鉦的 party。

據了解,黃宗澤每次返香港,都會花時間周圍搵鋪位,主力是上環、西環一帶潮人新區。「 Bosco睇咗好多鋪,基仔(古巨基)之前用千幾萬買嗰個中環鋪位, Bosco都有睇過,不過覺得做食肆地方唔夠大,所以最後都冇要到。加上近排樓市麻麻有機會落價,佢話睇定啲,唔使心急。」知情者說。
藝人老闆
做生意,力不到不為財,藝人做老闆更加,能夠殺出血路的例如陳豪、譚小環和袁彌明,無時無刻都會將自己的生意掛在口邊,好 hard sell。
陳豪


吸取了 11年大馬經營咖啡店失利教訓後,陳豪再投資千萬在荃灣開設咖啡店門市和工場外,更拓展個人咖啡豆和茶葉品牌,由入口、烘焙、研發、零售及批發,一條龍親力親為。
譚小環


與友人投資百萬在銅鑼灣渣甸坊開魚蛋檔,開業唔使一年,已成功歸本賺到錢,近月小環決定錢搵錢,擴充魚蛋小食生意,年底在太子開分店。
袁彌明


06年在網上賣外國美容用品,由寄賣起步,之後在銅鑼灣開第一間樓上鋪,生意愈做愈大,目前已擴充至五家分店。零售淡市,但袁彌明冇有怕,決定將銅鑼灣的樓上鋪,搬到要月租十九萬的波斯富街地面鋪。
撰文、攝影、攝錄:娛樂組
nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()