談到有官二代埋身時,周麗淇表現避忌,以笑帶過。

探熱針

袋完三百萬黃鑽 周麗淇急撇落馬官二代

Ads by Google

有傳 36歲周麗淇( Niki)為了強國石油大亨,於是狠撇 30歲內地小生徐正曦; Niki愛攀權貴,亦非新鮮事。年前她曾跟大陸官二代搞姊弟戀,當時更收下價值三百萬黃鑽生日禮物;拍拖近一年,男友父親突然失勢落馬,她為自保即斬纜,勁現實!

 


北京箍仔
有嫁得豪的家姐周汶錡做示範,周麗淇與有錢人亦特別容易結緣!近年密返內地拍劇,更不乏官二代、富二代埋身,據了解,一一年同紗廠闊少拍拖期間, Niki曾劈腿快撻強國官二代;雖然對方細幾年,但對她十分嗒糖,追足幾個月,甚至特登人肉速遞到港獻殷勤,其時, Niki亦曾為了對方飛北京幾次,在官二代的朋友圈,二人是公開一對。
同年八月,官二代約埋成班朋友,組團去西非旅行為 Niki慶祝生日,為氹女友,更在當地豪擲三百萬,買了一粒黃鑽,作為生日禮物。之後, Niki亦戴過該黃鑽出席公開場合。

跟官二代拍拖數月,周麗淇便獲贈三百萬黃鑽,仲戴住出席活動。

家姐嫁個有錢人,更生了個可愛 BB,令周麗淇羨慕不已,希望同樣嫁得風光。

一一年戀官二代時,周麗淇不時飛北京箍仔,更去公園拍拖。
美國陪讀
官二代父親在國內有錢有面, Niki為了箍實筍盤,自西非回港後,不惜停工飛到美國陪男友讀書,在波士頓冧仔個多月。至一一年尾,傳出男友父親在官場失勢,初時二人還有保持聯絡,但到了一二年三月,官二代父親確定要落馬,翻身無望, Niki即狠心斬纜。
「官二代班朋友都見過晒 Niki,當時因為男友關係, Niki同前人大委員長萬里孫女萬寶寶都幾 friend,後來大家都知佢現實,其他官二代圈子都唔再同佢來往,而家 Niki只係黐班富二代。」知情人說。

近年北上吸金的周麗淇,生日也在大陸度過,生日蛋糕特別有強國 feel。

剛在大陸出席完鞋騷,努力吸北水。

徐正曦被周麗淇狠飛前,買了一架瑪莎拉蒂跑車給她,他付了五十萬首期,但周麗淇當成自己買的。

徐正曦人財兩失
有變色龍本領的 Niki,撇官二代後一度翻撻紗廠闊少,之後再搭上內地小生徐正曦。拍拖兩年,徐正曦突然出局,又係錢作怪。
「近年 Niki喺內地時間多咗,都識咗唔少富二代,但講到實力雄厚,而家呢個石油大亨應該屬頭幾位, Niki好鍾意黃鑽,拍拖冇耐又𦧲到對方送五卡黃鑽俾佢。要攞正牌拖新仔, Niki擺出姿態,高調撇舊愛。徐正曦財力遠不及官二代或富二代,但對 Niki就盡量做到最好,之前 Niki住貝沙灣每月五萬幾蚊租,都係徐正曦負責。
徐正曦為送 Maserati跑車給 Niki,向公司借糧,但都只係夠俾首期五十萬。其實架車係要一百二十萬; Niki話自己用九十萬買返嚟,因為唔係佢買,佢根本唔知價。總之,徐正曦就人財兩空!」知情人說。
對於有富二代新歡, Niki接受本刊訪問時,表現避忌。
壹:壹週刊周:周麗淇
壹:因為有富二代追緊你,所以同徐正曦分手?
周:(猶豫)真係有咁奇怪嘅新聞?
壹:聽講有好多富二代追你,你亦收過好多名貴禮物喎。
周:有啲咁嘅新聞?我唔知嘅。
壹:追你嘅富二代好多後生過你,你唔介意姊弟戀?
周:全部都唔係事實。

周麗淇跟紗廠闊少多年來都有交往,就算期間出現過官二代和徐正曦,二人仍時有見面。

周麗淇愛黐有錢人,主動 mark實甘比。

周麗淇曾帶石油大亨出席關之琳的飯局,新戀情已在朋友圈曝光。

被周麗淇叮出局後,徐正曦火速跟中英混血演員宋妍菲撻着。
有錢有勢
圈中女藝人有唔少都嫁咗俾富二代,不過國內開放後,同官二代的接觸機會擴大,嫁入官家的女星亦開始多,夫家做官,唔只有錢,更有勢力有面子,更威!


吳辰君
來自台灣的吳辰君, 12年與交往三年,父親廖暉是全國政協副主席的內地官二代、鳳凰衞視高層廖懷南( Aaron)結婚並定居北京, 14年為老公誕下女兒。


任家萱
S.H.E.成員之一的任家萱( Selina), 08年與律師張承中拍拖, 09年訂婚, 11年 10月結婚,張承中是台灣官二代,父親張世良是政治人物,曾任新黨第 1、 2、 4屆立法委員。


侯佩岑
04年 6月,侯佩岑被拍下與國民黨主席連戰的兒子連勝文約會,男方更當着朋友面前親吻女友的臉頰,令戀情浮面。
撰文、攝影、攝錄:娛樂組
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()