next1.jpg

與 Randy返停車場取車,記者問到阿佘是否與男友拍拖,她一直甜笑。

Ads by Google

娛頭
8月溝佘  9月嗒𡃁模 男友揸姣模搵房爆 佘詩曼上錯玩家
無綫花旦港姐小花排住隊嫁,四十歲的花旦王佘詩曼亦曾場言想盡快找個伴,做新娘!為早日達到目的,有指阿佘在家中布催情局,又周圍去拜神作法求姻緣,果然,隨即被影到約會紋身大隻男,久旱阿佘更大方默認,公開落訂。
不過千揀萬揀,揀着個花心蘿蔔!和佘詩曼約會的大隻男叫 Randy,私生活非常多姿多彩,記者發現他與李思捷的前度、𡃁模 Naomi孖咇蒲到半夜三更,之後又當街摸籮搵房爆,擺明玩家,佘詩曼又中伏!

 


對新歡開綠燈
身為五料視后,佘詩曼名利雙收,唯獨感情一面倒鏡花水月,緋聞女王至今仍然交白卷。
與舊愛鄭嘉穎分手多時的佘詩曼,去年傳出翻撻,指女方返內地工作期間,鄭嘉穎為對方安排司機接送,照顧周到。不過,四十歲花旦始終不敵處女港姐陳凱琳,「父女戀」被公開後,復合再無望。
要重新出發,阿佘被指在新居擺催情局,甚至遠道到外地寺廟求神作法,希望早日遇到有緣人。未幾,即被發現與紋身大隻男拍拖到數碼港睇戲,態度親暱,男方更情不自禁出手攬「佘腰」,事後阿佘被問到新戀情時更直言:「我正在開心放假,享受正常生活!」對新歡開晒綠燈,戀情曝光後,網友紛紛祝福,希望阿佘找到自己的幸福。

佘詩曼新歡 Randy現年約 32歲,已有一子,是混血兒。

今年 5月, 40歲生日的佘詩曼在微博大晒神秘人送上心形蠟燭慶生,她甜蜜留言:「感謝每一位出現在我生命的人。」

9月 12日,佘詩曼與樂易玲於大坑飯聚,被問到其新歡 Randy,她即面露甜笑,不發一言地上車。
送醉佘返屋企
出名蒲得的佘詩曼,近年修心養性,已甚少劈天光!但「黃金盛女」最近又秘密「出山」,身邊朋友有飯局派對,阿佘都積極參與,為結識新朋友主動出擊。
「同阿佘約會嗰個紋身大隻男叫 Randy Chan,兩個都係喺朋友 party度識嘅, Randy喺外國長大,家境都唔錯㗎!佢有個仔,上年先返嚟香港做嘢。
「 Randy鬼仔性格個人比較熱情,阿佘飲咗酒就好玩得,兩個一拍即合。之後大家再約出嚟玩,我哋已經見阿佘主動俾咗自己部電話 Randy保管,都 feel到佢哋係着咗㗎啦! Randy平時同我哋都係講英文,但佢對住阿佘就會好落力咁講埋啲唔鹹唔淡嘅中文,又不時 WhatsApp噓寒問暖,阿佘直頭冧到暈咗啦,有次飲 high酒,佢都肯俾 Randy送返屋企,擺明係對佢有意思!」佘詩曼身邊朋友說。

今年 8月,佘詩曼被發現與 Randy拍拖到數碼港睇戲,男友更情不自禁出手攬「佘腰」。

自誇中環情聖
據了解,做旅遊業的 Randy家住荃灣,生活、性格偏向洋化的他喜愛夜蒲𠝹女,甚至向身邊朋友自誇是「中環情聖」,只要是他的目標獵物,幾乎無人能走得出其五指山!
今個月初(九月二日)晚上八時,本刊發現 Randy一個人在尖沙咀區出現,似是在等朋友,之後收到電話,即急急腳行去 The One門口。原來是約了曾經介入李思捷與春卷戀情的𡃁模 Naomi(馮鎵瀠),一見面, Randy即主動給 Naomi一個愛的抱抱,之後二人一齊行到韓國街食韓國料理,撐枱腳期間,有說有笑,飯後二人轉場到諾士佛台 China Bar,兩杯落肚後,更加旁若無人,愈挨愈埋。

經常向朋友自誇是「中環情聖」的 Randy,原來經常向女星集郵,包括靚女陳凱琳同劉心悠。

高手過招
飲至凌晨三點離開,初時二人並不親密,但行到斜路時,面對身材火辣的 Naomi,猴擒 Randy即使出一招擒拿手,攬着女方 pat pat行,經過一間酒店時, Randy竟然有所表示,但 Naomi拉住男方耍手擰頭;速食不果, Randy只好繼續拖實 Naomi行向佐敦方向,尋找下一個落手機會。
其間,二人經過一條小巷, Randy又按捺不住,拉 Naomi走入巷內,擾攘了五分鐘,只見 Naomi不斷擰頭嗌走, Randy最終無奈送女方上的士。
高手過招,中環情聖不敵老蘭溝仔王。

今個月初, Randy與 Naomi約會,一見面,男方即主動攬住。

 

面對身材火辣的 Naomi, Randy猴擒摸着女方 pat pat,二人扭作一團,十足連體嬰。

二人全程有講有笑,好熟絡。

晚飯後,阿佘男友 Randy同 Naomi轉場到諾士佛台 China Bar,兩杯落肚,愈挨愈近。

途經酒店, Randy試探搏一搏,可惜 Naomi即拉住對方耍手擰頭。

有牙齒印

去年, Naomi硬搶佘詩曼好姊妹 Georgia的十年男友 Patrick,做慣小三的 Naomi公然與 Patrick豪放攬啜,之後更被正印掌摑,搞到報警收場。

Naomi做小三有前科,除了介入李思捷和春卷外,去年亦曾硬搶佘詩曼好姊妹 Georgia的十年楊姓男友( Patrick),為此兩女不但在 fb互片, Naomi更多次以「老女人」稱呼 Georgia外,又經常在夜場公然與 Patrick豪放攬啜、影床照拍片,後來因為踩正印場,被 Georgia掌摑,最後搞到報警收場。
「 Naomi同佘詩曼個老死 Georgia爭仔,搞到好大鑊,嗰陣 Naomi經常去 Georgia有股份間 gay吧踩場,有幾次阿佘都喺度,仲出口幫 Georgia當場鬧爆 Naomi。 Naomi嗰時已經好唔 like阿佘多管閒事,今次明知 Randy係阿佘條仔,仲唔乘機剃番佢眼眉咩!」知情者說。
全香港人都識
同阿佘有積怨的 Naomi卻表示,唔知道 Randy原來是對方男友。
壹:壹週刊  N: Naomi
壹:我哋見到你同個男仔去蒲,對方仲摸你 pat pat,你哋拍拖?
N:冇呀,冇呀……拖手可能有,摸籮應該冇嘅,可能飲醉酒扶住我行啫。
壹:個男仔想同你去酒店爆房?
N:呢個一定冇可能,唔會囉,除非佢係謝霆鋒啦!
壹:知唔知 Randy係佘詩曼男朋友?
N:吓!我唔知佢係人哋男朋友喎!真係唔知。(佢冇同你提過?)好 surprise,你咁講,我知佢有 date其他女仔嘅,但我唔知道係邊個,佢有講話係一個全香港人都識嘅人,我以為係梁齊昕囉!
壹:佢冇同你透露過係邊個?
N:冇喎!如果係真,唔好意思,我真係唔知,對唔住!你都打得嚟講到咁,都費事得罪人啦!我驚俾人打㗎!

佘詩曼與任職名牌公關的 Georgia Lai(左一)分屬好姊妹,據知阿佘曾在夜場幫姊妹鬧爆 Naomi。

Naomi與 Georgia在 fb互片,更多次以「老女人」稱呼對方。
爛滾賤男
十個男人九個滾,圈中情侶聚少離多,好易把持唔住,出軌偷食,睇少眼都唔掂!


彭懷安( Eddie)
與朱慧敏拍拖三年多,今年二月宣布結婚,但 Eddie婚前卻被斷正夜會𡃁模,又與長腿索女宿一宵,朱慧敏於是取消酒席煞停婚事,出走美國散心一個月。


吳浩康
偷食慣匪吳浩康,今年初又再斷正,當街啜爆 35E巨胸女 Yvette,一而再挑戰女友底線,鍾舒漫決心斬纜,取消婚期兼宣布回復單身。


陳偉成( Avis)
一向花弗的陳偉成,趁女友周秀娜出埠工作,即拖 19歲嫩模羅彩玲回家仲影埋床照,娜姐徹底死心,結束六年情。
大小通吃
05年亞洲小姐選美出身的 Naomi(馮鎵瀠), 12年自爆隆胸,由 32B變成 32C,升 cup後大騷惹火身材,「谷」行寫真並參演電影《喜愛夜蒲 2》及《蒲李老祖》,入行多年,身邊不乏異性,包括李思捷。


傳為李思捷自殺
12年, Naomi被指做小三暗撻李思捷,二人在澳門密會兼過夜,事件曝光後,李思捷即撇,有傳女方曾為此自殺入院。


佘詩曼好姊妹男友 Patrick
愛做小三的 Naomi,去年硬撬佘詩曼好姊妹 Georgia拍拖十多年男友 Patrick,二人於夜場又攬又啜,又與正印於 fb互片,其後更發生衝突被正印掌摑,報警收場。


台灣藝人林智賢
到台灣拍攝性感雜誌封面期間, Naomi搭上小茱莉前男友林智賢,二人撐枱腳時互相餵食,態度親暱,離開時更繑到實,並將整個頭靠在林智賢肩上。
撰文、攝影、攝錄:娛樂組
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()