文章分類☆熱門標籤:

 

鄭金鈴( Ling)
港大韓國研究及比較文學系 Yr.4
Ling試過去一個月德國旅行,「當地嘅人比較冷漠,加上日日食腸同薯仔,食到我喉嚨痛發燒,我都係鍾意亞洲多啲!」

U花 U草

鄭金鈴( Ling)自薦拍片 港大文學女做韓版杜如風

Ads by Google

韓國除了化妝品、燒肉吸引之外, K-pop綜藝節目都是港人至愛。讀緊港大韓國研究及比較文學系的鄭金鈴( Ling)就係百分百韓飯,為見自己最愛的《兩天一夜》班底,試過特登飛去韓國探六位主持人兼送新年禮物,又試過喺機場等九個鐘。

 


21歲阿 Ling升港大就開始學韓文,「我一直想學一種外語,好似識多一種超能力咁,我一向好鍾意睇韓國綜藝旅遊節目《兩天一夜》,以前有李昇基、 MC夢、殷志源等主持,我誇張到飛去韓國送新年禮物畀佢哋,所以上到大學就索性修讀韓文。上年九月去咗韓國延世大學做一個學期交換生,韓國讀書好辛苦,除咗其他科目,星期一至五都要上埋韓文堂,所以要等到中秋節先有得抖吓,不過亦都因為日日同韓國人相處,韓文進步咗,連酒量都好咗好多!」

希望成為旅遊節目主持的 Ling,仲膽粗粗寫計劃書給韓國觀光公社搵贊助拍旅遊節目,以短片形式介紹非一般的 14日韓國之旅,「我哋以濟洲島作為起點,由韓國南邊環遊到北邊,每個地方我哋自設不同即興任務,同陌生人互動,例如同韓國人一齊跳鄭多燕、街頭表演唱歌等等,最後韓國官方仲贊助我哋住宿同車資,慳咗幾千蚊,所以呢排要趕剪片出片,希望啲人睇完會去多啲首爾以外嘅地方!啲人去日本會諗起杜如風,如果去韓國會諗起我阿 Ling就好喇!」

由拍攝、籌備行程、剪接都由 Ling和兩位朋友包辦,「平均每條片 8分鐘,大家去 YouTube搜尋『 14日環遊韓國』就睇到喇!」

Ling(中)熱愛韓國文化,去到當地交流,穿穿韓服又點少得!「其實我都好鍾意 G-Dragon㗎!成日唱佢啲歌!」

讀緊港大的 Ling希望在學校都可以宣揚韓國文化,「港大有近 400個韓國學生,遲啲可能搵佢哋拍吓片!」
撰文:葉浩婷
攝影:范仲良
化妝及形象: Kika Wong

, ,
創作者介紹

明星八掛大分享★☆

tvb4life 發表在 痞客邦 PIXNET 留言(1) 人氣()


留言列表 (1)

發表留言
  • 賣帽少女?

您尚未登入,將以訪客身份留言。亦可以上方服務帳號登入留言

請輸入暱稱 ( 最多顯示 6 個中文字元 )

請輸入標題 ( 最多顯示 9 個中文字元 )

請輸入內容 ( 最多 140 個中文字元 )

請輸入左方認證碼:

看不懂,換張圖

請輸入驗證碼