收入未穩定的 Tony,現時仍與父母同住,一放假就會同哥哥一家飲茶食飯,兩兄弟亦會傾通頂講心事,關係好密切!

真面目

王瑋彤( Tony)唔靠關係 藝訓班出局入行做男模 王浩信細佬 Tony:阿哥叫我靠自己

Ads by Google

入行 10年的王浩信,由歌手開始慢慢捱,到今日受大台力捧,做埋男一。
32歲終於捱出頭,原來王浩信有個細自己 7年、 25歲的細佬王瑋彤( Tony),無論身高樣貌同把聲都同阿哥餅印一樣。有個男一做大佬,搞到原本在美國讀完 Business的 Tony都心郁郁入行,月前膽粗粗參加藝訓班,可惜第二輪面試被 foul出局,無緣同阿哥做同事。
同大佬感情深厚,成日一齊飲茶做 gym,不過王浩信唔想細佬靠關係入行,「阿哥好贊成我乜都試下,但叫我要靠自己,好似佢當年咁慢慢捱下!」

 


身高 6呎 2的王瑋彤( Tony),外形跟王浩信有 9成相似,兩兄弟同樣由美國讀完大學回港,哥哥讀設計、細佬則讀商科。

初入行的 Tony身形唔錯,不過仲有 baby fat,要勤力操 fit先拍得住大佬個爆肌 body!

珍姐都話似

餅印兄弟
Tony同王浩信相差 7年,但兩兄弟感情好好冇代溝,哥哥每套電視劇, Tony都會煲晒每一集。網上圖片

畢業後回港試過做保險同銀行,不過性格外向的王瑋彤唔習慣朝 9晚 5刻板生活,見哥哥撈得掂,同家人商量後決定試一試。鍾意做戲的 Tony,上月到大台面試藝訓班,首輪已有多位高層在場做評審,當時戲劇製作總監兼王浩信伯樂曾勵珍,一見 Tony已經忍唔住話,「嘩,乜你咁似王浩信嘅!」可惜最後都過唔到 second-in,被 foul出局!好在 Tony生得高大有型,做唔成藝員,亦可以向男模發展。現時唔少大牌如 Lancôme、 Michael Kors亦有搵佢出騷。
大佬陪做 gym
大台係阿哥地頭都冇用, Tony話雖然大佬好支持佢入行,但就唔肯出面幫手拉關係,「我成日同哥哥傾偈,佢有同我講當年最霉時係點樣捱,可能佢都係一步一步捱上去嘅人,所以好想我靠自己努力同實力做到成績!」
唔打人情牌唔代表唔錫細佬, Tony話哥哥有介紹其他藝人朋友俾佢認識,「阿哥會帶我見下佢啲朋友,好似黃長興、袁偉豪等等,又會同我一齊做 gym練大隻。佢話做呢行最緊要係有禮貌、對人好,千祈唔好當其他人係敵人,同行唔一定如敵國!」睇王浩信咁多年都冇乜是非,就知佢冇老點細佬啦!

同胞讚
Tony今年 8月參加內地相睇節目,《非常完美》,被讚係來自香港的暖男。電視畫面

拍廣告
Tony(左)曾為政府拍過有關零售的宣傳片。 網上圖片

男模騷
已簽約 Z model旗下的 Tony(左),平時接落唔少 job,早前就同王宗堯(右二)、伍家謙(右)一齊行騷。 網上圖片
採訪、撰文:娛樂組
攝影:范仲良

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()