臨出場前,衞蘭(左)都有啲緊張,不過有妹妹衞詩陪住,當堂定晒。

真面目

好碼頭 衞蘭撇黎明 柏豪帶隊「復出」 衞蘭:𠵱家有屋企嘅感覺

Ads by Google

曾被老闆黎明笑指「肥過部電單車」嘅 Janice衞蘭,心淡離巢後唞足大半年,最終孖住妹妹衞詩簽約華納,總算有個新開始!
新環境新人事,上週三( 9日),周柏豪領軍一班同門師弟妹到北京開騷,衞蘭衞詩擔任神秘嘉賓,之不過,自知身形仍有待修身嘅衞蘭,如今一星期做足 6日瑜伽,仲刻意節食減肥,務求以最佳狀態示人。簽約新公司,衞蘭笑晒口話:「好熱鬧!𠵱家有屋企嘅感覺!」乜以前跟黎明嗰陣冇咩? 


繼美國後,華納再次晒冷移師北京進行「癲峰聲鬥士」,繼續由周柏豪同連詩雅兵分兩隊進行 PK賽,剛剛加盟嘅衞蘭衞詩就首次登場!成功泊到好碼頭,衞蘭都唔敢怠慢,開始節食減肥,綵排當日都只係食咗個麵包作正餐,就算喺後台面對一枱美食,衞蘭都只係望下就算,好大決心喎!

事隔大半年,衞蘭已經轉投新公司,出場時人人拍爛手掌,狀態大勇㗎!

正值減肥時期,衞蘭對住一枱美食都不為所動。

開騷前衞蘭(左)都係食個麵包頂肚就算,意志果然夠堅定呀!

衞蘭新加入,連詩雅寫出「 Janice We love u」以示歡迎。

衞蘭話閒時會做瑜伽 keep fit,夜晚 6點後就唔食嘢。網上圖片

可以集齊公司所有歌手開騷,先去美國再去北京,有得玩、又可以增進歌手之間感情。
「日日都有做運動!」
衞蘭接受《 FACE》訪問,她說:「進入新環境、新同事、新老闆,初頭有少少唔係好適應,因為我比較怕醜!華納同事好好,令到我好有屋企嘅感覺!自己都好期待返去 studio錄新歌!(減肥中?)我唔係食好多零食嘅人!𠵱家日日都有做運動, at least一個鐘,有時做吓瑜伽,盡量 6點前食嘢!」至於柏豪對衞蘭表現亦讚不絕口,柏豪說:「直頭正啦!兩姊妹好唔同風格!一個好柔,好似天使聲、一個好 show到 technique,好有力量!」
一班香港歌手難得到北京開騷,眾人都表現落力,一哥周柏豪用人力車拉住連詩雅揭開序幕,之後每隊各自派出成員進行 PK,結果由網民以手機投票選出,最後由柏豪 A隊勝出;不過 B隊的衞蘭,可能太耐冇見歌迷,唱〈我願意〉和〈記得〉時反應超好,連隊長 Shiga都喺台下舉牌支持呀!

好大隻呀!
開騷前,柏豪專登到 gym room操肌,仲剝衫騷出一排排結實肌肉。網上圖片

一哥柏豪谷肌
柏豪親自落場示範正宗嘅操肌方法,一眾師妹望住對大手瓜嘩嘩聲。

連詩雅帶住 A2A做側身平板支撐動作,柏豪就帶住小師妹 Jude做較容易嘅無影櫈。

長時間綵排,一到放飯時間,柏豪都忍唔住大啖啖咁食!

雖然柏豪同 Dear Jane主音 Tim屬唔同隊,不過正當 Tim演唱時,作為大師兄嘅柏豪唔介意配合演出。

上回在美國比賽輸咗,所以柏豪要用人力車拉住連詩雅出場,拉足全場,柏豪氣都冇喘過,好好體能。
採訪、撰文:張志威(北京)
攝影:楊學(北京)

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()