袁嘉敏(右)拍《鴨王》時扮大牌得罪監製王晶(左),《鴨王 2》順理成章由「晶女郎」文凱玲(中)攝位補上。

真面目

大換血 得罪王晶冇得翻生 袁嘉敏被飛 奀星攝位

Ads by Google

港姐出身的 30歲「大波 Candy」袁嘉敏,把口唔收周圍辣火頭,拍《豪情 3D》搞到同杜汶澤反晒面,今年初拍《鴨王》又要求多多,連同劇演員何浩文 Dominic及何佩瑜 Jeana都怕咗佢唔敢埋身。
人緣唔好,《鴨王》監製王晶索性將袁嘉敏飛出《鴨王 2》,改由兩位晶女郎文凱玲及「 E Cup超蓮」鍾采羲補上。新戲繼續賣肉玩雞鴨戀,但兩個女角唔使露點,唔似袁嘉敏咁大犧牲。
得罪方丈,不過袁嘉敏依然寸嘴未驚過,話即使再搵佢都未必拍,「整到我上次咁就唔好啦!」

 


據知袁嘉敏年初拍《鴨王》時諸多要求又扮大牌,辣㷫其他演員同一班工作人員,搞到監製王晶好不滿,落 order永不錄用。

袁嘉敏喺《鴨王》因露點而成為焦點,可惜因為態度差冇得留低。

WhatsApp覆唔恨拍
袁嘉敏以 WhatsApp回覆本刊,暗寸同王晶合作唔愉快,根本唔恨接續集。

《鴨王》賣肉吸客,續集繼續用性感做賣點,電影公司招募茄喱啡講明要搵大隻仔和比堅尼美女。《蘋果日報》圖片

網上圖片

鍾采羲︰佢多負評
王晶話大台冇胡杏兒唔係世界末日,更何況只係冇咗個袁嘉敏。簽落大把新女的王晶,決定起用同「大波 Candy」一樣係港姐出身的文凱玲,以及「 E Cup超蓮」鍾采羲補上拍續集。
無端端由奀星變主角,有望上位,「 E Cup超蓮」鍾采羲當然要加多腳幫老闆出氣,「我聽公司同事講過,話佢( Candy)拍攝時有困難,唔係好合作!初時睇新聞(話佢麻煩)都唔知真定假,後尾聽同事講先知係真,啲人都俾幾多負評佢!」愈踩愈 high,鍾采羲仲扮傻寸袁嘉敏,「舊年女主角係佢咩?唔係 Jeana咩?不過佢嘅 attention大啲,因為露點嘛!」
晶女郎玩晒

曾屬施念慈旗下的 Iris鍾采羲, 3年前出過性感寫真《 Sexy Icon 2012》。

Iris(右)同賭王千金何超盈(中)非常老友,經常一齊出街夜蒲。

《壹週刊》圖片

入行前做過空姐的文凱玲, 10年參選過港姐,上年正式簽俾王晶,仲喺《唐伯虎衝上雲霄》有露股罅(上圖)。《忽然 1周》圖片
接登台夠住豪宅
被飛出局、又俾人唱通街,照理好冇面,點知寸嘴 Candy又搵到個靚位落台,她以 WhatsApp回覆《 FACE》,「無接過(《鴨王 2》),而且我個角色原本戲中已經被槍殺死咗!《鴨王》其實係為捧個男仔,我哋只係 side character!」仲講到自己唔恨拍續集,「睇下幾多片酬啦!又睇下個造型啦,又要整到我上次咁就唔好啦!」
其實多得《鴨王》帶挈,袁今年接多咗大陸登台騷,快錢好易搵,住過鐵皮屋的袁嘉敏,早前去睇山頂豪宅。唔使點做都有本事交 4萬蚊租,區區一套《鴨王 2》算得咩先?

雖然新戲被飛,但袁嘉敏現時靠北上登台賺唔少錢。《蘋果日報》圖片

財來自有方,袁嘉敏早前睇山頂豪宅,盛惠 4萬幾月租。《壹週刊》圖片
晶女郎愈捧愈 cheap

《壹週刊》圖片

一提「晶女郎」,第一時間諗起邱淑貞,當年豆斗拍過《赤裸羔羊》、《香港奇案之強姦》等由王晶監製的經典港產片,其後在影圈爆紅!可惜之後無以為繼,近年的孟瑤、胡然等雖然都擁有人間胸器,可惜撈唔起,拍親都係做配角。

《蘋果日報》圖片

張敏
87年已起用張敏拍《精裝追女仔》,其後的賭片同《逃學威龍》系列亦由張敏擔正,當紅時幾乎套套戲都見到佢!

《蘋果日報》圖片

關秀媚
98年的《龍在江湖》搵關秀媚拍方中信,其後的《黑馬王子》、《千王之王 2000》等都有份。


孟瑤
來自山西的孟瑤, 03年入行,不過拍過幾齣電影都紅唔起, 08年在《我老婆係賭聖》做女一,同年嫁俾大陸富商周磊, 10年生埋仔添!

《蘋果日報》圖片

胡然
11年簽約王晶旗下,有份拍《賭城風雲》系列做角色「紫衣」,不過戲份少之又少,睇完都唔記得佢係咩樣!
採訪、撰文、攝影:娛樂組

,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()