蔡思貝簽咗 10年死約,力谷是常識,今年已拍三套劇,上週六( 12日)喺上環為新劇《純熟意外》拍外景,又做女一,心情當然開朗。

真面目

嘥青春 花旦走晒 蔡思貝陳凱琳賣身 10年

Ads by Google

小生花旦今年逐一離巢,胡杏兒、徐子珊走咗,𠵱家連一哥陳豪都話想走,真係戥大台擔心。人工唔加、製作縮皮,但又想班人唔走,極高層又諗到屎橋喇,就係簽長約。
據知蔡思貝、陳凱琳等有人氣又後生嘅姐仔,原來上年已分別簽下 10年死約,二人即成為力捧花旦;而三位應屆港姐上星期亦見咗戲劇總監曾勵珍,據知珍姐亦想十優港姐冠軍麥明詩簽呢份長命約。
去到 2025先完約,到時仲係咪一台獨大?

 

 

胡杏兒、陳茵媺兩位曾經係大台一綫花旦,亦試過一齊出騷,家吓兩位都離巢。《蘋果日報》圖片

今年大台爆發小生花旦逃亡潮,上星期胡杏兒以 2,400萬轉會簽蕭定一,而不死子珊已靜靜雞完咗約、陳茵媺又完約,一個月冇咗三個花旦,大台都算重傷。花旦荒持續,據知一眾高層都積極同尚餘一年約嘅小生花旦,提早續約以免再爆發逃亡潮。

珍姐特別錫陳凱琳,之前《四個女仔 3個 BAR》祝捷會,珍姐喺台上同陳凱琳合照,台下陳凱琳亦傍實珍姐坐。網上圖片

網上圖片

《當鐵馬遇上戰車》
網上圖片

《潮流教主》
網上圖片
睇中麥明詩

麥明詩為港姐冠軍兼係十優生,又出身劍橋法律系,最重要有觀眾緣,大台梗係想同佢簽長約啦。

由於大台以往只係同花旦簽 3年至 5年約,隔幾年就會有人扭計,為免同樣事件再出現,極高層原來上年已開始有新招應對,就係簽 10年長約。今年上位極快嘅兩位 13年港姐冠、亞軍陳凱琳和蔡思貝,劇接劇兼做女一已係事實,當其他花旦仲捱緊騾仔時,兩位出道兩年就做女一,上得快,原來因為兩位上年已簽下 10年死約,而且 5年後仲可加簽,陳凱琳、蔡思貝兩位今年都係 24歲,即係去到 33歲先完約,到時少女都變中女。
大台亦算盡,力谷兩位同時,亦希望佢哋做「人辦」,簽長約就上位快,令其他小生花旦願意同大台簽長約。而上週三位應屆港姐亦見過戲劇總監曾勵珍,據知珍姐對十優港姐麥明詩相當欣賞,亦希望佢簽呢張 10年賣身契,不過麥明詩似乎想從政居多,簽 10年真係太長,應該唔肯。
一年走 5花旦
北上掘金好賺,拍一集收入好過喺大台拍一年,加上大台製作馬虎,對花旦嘅吸引力越嚟越低。今年就有 5位花旦離巢,其中胡杏兒以 2,400萬簽約蕭定一,聽講呢下激親大台,當然大台冇嚟採訪啦,方丈份人係點……你知啦。

網上圖片

郭羡妮今年 5月已同大台完約,全力北上拍劇掘金,上週大台宣傳台慶劇《無雙譜》,她有份演出但冇份宣傳。

《蘋果日報》圖片

胡杏兒上週以 2,400萬簽約蕭定一 3年,但大台就冇派人嚟採訪,仲叫杏兒唔需要出席《陪著你走》所有宣傳活動。

網上圖片

據知陳茵媺今年 7月亦完約,已在馬來西亞同杜汶澤為電影《開飯喇!》開工。


徐子珊今個月已剛剛完約,家陣每日到中環返學讀珠寶設計,據知唔少公司有意簽佢。

網上圖片

苟芸慧同大台合約 10月完,今年除咗玩賽車,亦入股「點心代表」做老闆。
採訪、撰文、攝影:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()