凍齡媽咪
雖然已經 37歲,不過林雅詩每日都有湯水飲,加上全職照顧囝囝做少奶奶,保養得宜好合理吖,只係大眼仔效果有啲過火啫!

真面目

林雅詩 再剝過 從良 12年 瞞夫拍寫真  37歲林雅詩:婚姻好難講

Ads by Google

90年代絕對係三級片當紅年代,葉玉卿、葉子媚貴為三級片一姐就唔使講,其後一連串《強姦》系列,就令肯搏肯脫、 97年香港小姐林雅詩( Grace)成功接棒做新一代三級女神。
林雅詩 03年拍完最後一部三級片後即收山專心拍拖, 2年後與工程師溫文英奉子成婚。停工 12年的林雅詩最近卻密謀復出,下月推出首本個人寫真,準備打入國內市場,她說:「女人有番自己事業好啲嘅!」婚變要靠自己?林雅詩則笑住答:「婚姻嘅嘢好難講。」

 


半百失婚羅霖月前推出寫真有話題,成為 33歲榕姨勁敵,估唔到姨姨級人馬最近再多一個加入戰團,就係 97年參加香港小姐落選、 37歲的林雅詩( Grace)照辦煮碗,下月將推出以 Cosplay為主題的個人寫真集。

當年在極短時間接下多部三級片,成為千禧年初嘅三級女神。

工程師老公
05年奉子成婚,同年即誕下囝囝,結婚 10年,林雅詩以「都 ok嘅」形容婚姻現狀。《蘋果日報》圖片
「似羅霖梗唔得!」
「之前有個 partner喺動漫節叫我扮女美國隊長,出嚟效果大家都好鍾意。所有 idea自己好鍾意,咁不如出本書自己留番,或者用嚟試水溫,嚟緊都會走大陸線。」林雅詩用 6位數字投資的寫真集,以美國隊長和神奇女俠做主題,與羅霖的女人味寫真集完全兩回事。「似羅霖我梗係唔得啦,佢咁犀利,我要向佢學習添啦!」

下月推出首本個人寫真集,林雅詩講到明冇諗住賺錢,純粹留倩影兼試水溫喎!

咪咪再現
口口聲聲唔想再以舊時形象復出,但復出頭炮,點都要畀少少甜頭觀眾嘅!

在港暫時未接賺錢 job時,週日( 13日)林雅詩在商場義賣仁濟慈善獎券。
未同老公講
寫真集正準備得如火如荼即將出街,據知林雅詩同 9歲大囝囝備定案,但原來老公溫文英仲未知情!「無刻意講過!我工作嘅嘢同佢好分開,各有各嘅!佢做嘅嘢我唔會干涉佢,我做嘅嘢,佢都唔會點干涉我。」
講到各行各路咁,又頻頻接內地酒吧騷儲私己錢,結婚 10年的林雅詩莫非婚姻出現危機?「暫時都 ok嘅。將來大家都唔知發生咩事,始終婚姻嘅嘢好難講,女人我覺得要有番自己事業好啲嘅!」
從良 12年,林雅詩復出希望形象健康啲,「我都唔想太性感,想健康啲媽媽形象。」

林雅詩年代的三級電影,女主角來來去去都係麥家琪(右二)和顏仟汶(右一),林雅詩仲話:「我同仟汶真係好 friend,早排至約過出嚟。」《蘋果日報》圖片

已經接過多次內地酒吧騷嘅林雅詩,自言第一次出騷時唔識驚,客人遞酒上台佢都照飲。網上圖片

拍三級片時已經混熟嘅梁焯滿,與林雅詩仍然 keep住聯絡。網上圖片
3年 12部搏到盡
97年參加香港小姐加入娛樂圈的林雅詩( Grace),落選後在大台劇集飾演閒角,後來得導演王晶嘗識, 00年接拍第一部三級片《獸性新人類 II》始為人熟悉。
「嗰陣時拍完啲片,我會驚人認得我,我會戴晒帽、眼鏡,因為驚人指指點點。」當年一口氣接拍 12部脫戲,賺到名氣賺到錢,但辛苦背後無人知。「以前未結婚梗係想多啲 job,唔開心都算啦,冇眼睇都要做、都要接,夾硬頂硬上。」好彩 02年遇上老公溫文英, 03年正式離開三級女星之名做少奶奶。

03年《九龍的天空之魔鬼屠夫》

03年《男界女界》
採訪、撰文:娛樂組
攝影:林迅景

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()