小春豪掟 7,027萬買入逸瓏灣,但新居以個人名義持有,未有寫上老婆應采兒名字。

探熱針

7千萬買逸瓏灣 陳小春住王祖藍樓下

Ads by Google

舊年做咗政協委員的陳小春,抗戰勝利 70周年當日在微博晒鞠相以示愛國,係好合理嘅!賺人仔賺到笑的他,在內地一年拍四個電視劇三部電影,富貴到豪掟七千萬買入大埔逸瓏灣三千八百呎相連單位,新居喺王祖藍樓下,他日小春子想游水,上樓拍門搞掂。

 


樓上樓下
上月,王祖藍以一億一千四百萬買入大埔逸瓏灣頂樓連私人泳池的複式單位,同樣北上搵錢香港買樓的陳小春,最近亦以七千萬買下王祖藍樓下的相連單位做鄰居。
「逸瓏灣有兩期一共十八座,小春咁啱揀中咗祖藍同一座,單位實用面積有三千八百呎,四廳八房,小春諗住將單位打通,除咗主人房、囝囝小春子睡房、衣帽間、書房,仲會 set間私人影院同一個遊戲房。」陳小春身邊人說。

小春購入的相連單位,面積 3800呎,與王祖藍同座同坐向。

小春將敬禮相,更換成個人微博頭像。

上週六,小春聯同伊健等好友到三藩市開騷掘金。
豬籠入水
小春子 Jasper已經兩歲,開始返學前班,為了將來,陳小春過去一年有九成時間留守內地,一年拍了四個電視劇和三部電影。
「小春同丁丁(應采兒)喺國內都有一定知名度,舊年兩公婆幫深圳衞視做《極速前進》(《 Amazing Race》中國版),酬勞有成八百萬人仔;生咗小春子之後,丁丁復出都拍咗三套劇,兩個真係豬籠入水。」

大部分時間在國內工作的小春,經常在微博表示想念兒子及老婆。

 

去年底,陳小春夫妻檔做內地真人騷《極速前進》,走勻紐約巴黎印尼等多個國家。
寫老婆名
為方便工作,年多前已在北京置業的陳小春,多年來一直住大埔康樂園,到一二年才搬入現居的天賦海灣。
「小春喺康樂園有兩間屋,已經揸咗好多年,因為生小朋友搬咗入天賦海灣後,佢哋好鍾意屋苑嘅環境,始終康樂園有番咁上下樓齡,所以舊年就的起心肝放晒兩間屋,小春仲第一時間喺天賦海灣買咗個單位,寫老婆名。」陳小春身邊人說。

小春應采兒不介意夫妻檔拍劇,有錢收兼乘機拍拖。

小春新居平面圖
3800呎新居有 4廳 8房,兼睇晒成個吐露港。
戴罩防菌
上週四(九月三日),陳小春同鄭伊健、謝天華、錢嘉樂、林曉峰一班「古惑佬」到美國三藩市做《友情歲月》演唱會,因為小春子開學,應采兒並未有同行。
週一(七日)下午一時多,應采兒和媽咪乘七人車到沙田新城市廣場行街,商場人來人往,家有兩歲 B的應采兒,全程戴住口罩,十分謹慎。

唔想將細菌帶返屋企,應采兒口罩長戴。

應采兒同媽咪到沙田新城市廣場 shopping,買衫又買電話殼,之後一齊到滿記吃糖水。

 

想明年追個女的應采兒,在 ig晒兒子返學相。

儲磚頭養老


於國內密做密賺的陳小春,多年來買賣物業超過十個,去年豪宅熱,小春以高價沽出兩個持貨多年的康樂園單位,賺近五百萬,兩公婆現時持有過億物業,仲有兩年就五張的陳小春,唔使憂!

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()