探熱針

先睹為快:好易中 馬國明暗食黃心穎半年

Ads by Google

陳豪被陳茵私有化後,馬國明成為 TVB第一筍盤,男神保密功夫到家,除了胡定欣,其他緋聞真假難分,有唔濫情做包裝,加埋天然呆,令他飽嘗「美食」。據知,今年初飛甩𡃁模徐佳琦( Jackie)後,馬明已極速搭上心穎 BB,食女唔只冇失手,仲好快手!

 


借故埋身
姣婆遇着脂粉客,當然一撻即着!黃心穎一直傾慕男神馬國明,未有合作機會前,只要在公司活動見到,心穎 BB都必定咬住唔放,借機影合照埋身。
「 Jacqueline喺美國長大,性格鬼妹鍾意黐仔玩,所以同合作嘅男仔都特別玩得埋,但啲女仔就會覺得佢姣。之前佢未有機會同馬明合作拍劇,但只要喺公司見到,次次都要即刻合照,十足 fans咁。」知情者說。

馬明與黃心穎拍住拖開工拍新劇《為食神探》,私下飯局亦以孖公仔出現,唔介意黐住影相,巧 sweet。

 

黃心穎每逢在公司活動見到馬明,都會爭取機會合照埋身,成功引起他的注意,一撻即着。

合作《為食神探》時,馬明與黃心穎已行埋,故他細心地為女友撐傘遮太陽,岑麗香則自己照顧自己,明眼人一睇便看出分別所在。

在新一季的《學是學非》節目中,馬明被邀請當嘉賓,與女友齊齊亮相,合照時刻意保持距離。

生日送貴錶
心穎 BB夠主動,冇女不歡的馬明當然更加飢不擇食,話咁易就着咗。據了解,今年馬明生日(二月十三日),當時已經是男神地下女友的黃心穎,更大手筆送了一隻幾萬元的手錶,給男友做生日禮物。
「佢哋撻着之後仲有機會一齊拍《為食神探》,對足兩個幾月,有次兩個拍床上激戰, Jacqueline勁放,大家唔知見佢咁入戲,都讚不絕口,其實當日佢哋根本真係情侶。」一名劇組人員說。

上月中,馬明與唐詩詠齊齊飛到澳洲出席公司安排的活動,兩人不斷上載甜蜜如情侶的合照,結果被誤會蜜運中。

隨傳隨到
同劇接劇的馬明拍拖,心穎 BB要見男友,唯有跟足對方指示,做半夜外賣妹。
「同馬明拍拖好似同超級巨星拍拖咁,唔係成日可以見,好多時 Jacqueline要隨傳隨到,半夜去男友太古城屋企,見光就要離開!其實唔只 Jacqueline係等 call女友,每個同馬明拍拖嘅,都係咁樣見面。」

八月底,馬明與王浩信、鍾嘉欣等人飛到馬來西亞出席公司活動,大受當地影迷歡迎。

𡃁模 Jackie自從年初被馬明飛甩,情傷一段日子後,現在全心投入工作。
曖昧訊息
有關感情事,馬明低調處理。去年八月,他與𡃁模徐佳琦 Jackie拍拖,其間見面次數不足十次;今年初,更懷疑女方放料給傳媒,唔想公開戀情阻礙「搵食」的馬明,立即
斬纜。
憑住天然呆,睇落老實,加上一直被外界封為男神中的筍盤,馬明食女,如入無人之境,毫無難度。
「同馬明合作過嘅女仔,一定知佢係乜人,溝女模式都係收工後狂 send message俾獵物,問對方有冇掛住佢,又會讚好靚好靚之類呀!李詩韻以前都試過收到馬明呢類 message,但馬明好醒目,明明係目標,但啲 message唔會講到好白,模棱兩可,好含糊,可能佢覺得咁,就算萬一啲對話有機會流出,佢都解到畫。」知情者說。

黃心穎與家姐黃心美的感情很好,經常孖住出街。

不用開工的日子,黃心穎會陪父母家人享受天倫樂,係個孝順女。
面懵心精
被指是大台頭號筍盤的馬國明,將自己包裝成怕醜仔,其實是𠝹女高手,唔少和他傳過緋聞的女藝人不虞有詐,誤入口中。


曾華倩
06年,馬國明跟大他九年的曾華倩合作電視劇《古靈精探》撻着,雖然二人一直否認,但亦冇避忌,馬明照舊和對方食飯行街睇戲,曾華倩亦大方接送男友收工。


胡定欣
「姊弟戀」結束後, 08年跟胡定欣參加湖南衞視節目《舞動奇跡 2》舞出愛火花,有指胡定欣在伍詠薇壯膽下,主動出擊,不過拍拖一年多,馬明難頂公主胡定欣,主動提出分手。


李施嬅
10年,與當時仍叫李詩韻的李施嬅合作《鐵馬尋橋》,馬明擺明車馬,買早餐送消夜,又要求加嘴戲做情侶,曾經私下向朋友表示似被馬明追求、自己對對方亦有 feel的李施嬅以為有下文,但男方卻未有進一步行動,只做緋聞男友。


唐詩詠
馬明除了向李詩韻獻殷勤,對在《鐵馬尋橋》做他細妹的唐詩詠,亦不避嫌表示好感,當時女方對崔建邦仍未死心,不過馬明並未放棄,隨後數年,一直暗地發放「等你」訊息,直至唐詩詠情定洪永城才收手。


朱晨麗
12年,二人合作電視劇《名媛望族》時,馬明又重施故技對朱晨麗特別照顧,甚至公然在電視城 canteen替對方挽袋,之後又為朱晨麗改花名「 morning朱」,勁氹!


徐佳琦
經朋友撮合,馬明與有翻版林嘉欣之稱的𡃁模徐佳琦拍拖,但他一直擔心女友會借戀情出位,一直選擇半夜拍拖屋企見面。一起年半,女方亦見過馬明父母,今年初戀情被踢爆後,即散。
拍拖要收兵

入場睇 show前,黃心穎與黃心美姊妹二人,在博覽館前興奮自拍。

 

除了家姐陪睇 show外,還有位四眼男觀音兵陪伴左右,證明黃心穎有市場!
新一代電精
出道未幾即被無綫力捧的黃心穎,每次開劇都會鎖定一個對手做觀音兵,被冠新一代「姣精」。


歐陽震華
拍《東坡喜事》時,自知冇拍古裝劇經驗的黃心穎,先向男一歐陽震華埋手,頻頻放電詐嬌,甚至玩胸壓,鬼妹仔做擋箭牌。


王浩信
同一劇集,跟王浩信有不少對手戲的黃心穎全程黐住對方,因而被傳是第三者,介入王浩信跟陳自瑤婚姻。


李思捷
二人被指拍電視劇《以和為貴》撻着,李思捷做司機接送黃心穎出入,老中青乜都殺的李思捷更講明會力追,不過女方又無反應。
撰文、攝影、攝錄:娛樂組
nextplus.nextmedia.com

, ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()