鄭希怡 狂煲《新紮師兄》 

全知言

最想邊位花旦回巢?張曼玉完勝喎!

 

Ads by Google

睇劇同睇波一樣,有星先多人捧,大台花旦陸續離巢,就連胡杏兒、不死子珊都話走,大台劇孭飛嘅女一,叫座力真係削咗啲,難怪收視唔多有高潮。雖然好多明星都希望張曼玉回巢拍劇,不過曼玉姐姐神出鬼沒,家陣鍾意用老牛聲唱歌多過做戲,睇多啲翠如 BB啦,睇睇吓就鍾意㗎喇!好似係咁!

 


鄭希怡 狂煲《新紮師兄》

《新紮師兄》

「我最想張曼玉可以拍劇,雖然呢個諗法都好渺茫,但我真係好鍾意睇佢做戲,因為以前《新紮師兄》係我好鍾意嘅一套劇,我自己去買 VCD返屋企睇,呢套劇我起碼睇咗 3、 4次喇,佢肯返就得喇,佢做咩角色都好好睇。」
胡耀輝 冇曼玉唔睇大台


「唔使講一定係張曼玉,如果冇張曼玉我唔睇無記,至於我想佢拍劇種呢,真係冇辦法,一定係音樂劇啦,你見佢唱歌唱成咁,好睇佢音樂劇點處理,同埋無記會點樣拍囉。」
王梓軒 想曼玉拍民初
「我諗到係張曼玉呀,我冇睇過佢啲劇,但睇哂佢電影嘅演出,佢做戲好犀利,節奏好精準,好希望喺電視機都睇到佢嘅演出,亦希望佢提升到我哋嘅演技,我想睇佢拍民初劇喎,嗰啲髮型,服飾好襯佢。」

《花樣年華》
雨僑 最愛嘉欣零死角
「唔知李嘉欣姐姐算唔算回巢拍劇呢?印象唔係拍過好多劇,但佢係我心目中嘅超級大美人,佢以前拍嘅《原振俠》印像好深刻,好想睇到佢再拍電視,好想睇佢試下扮醜,想睇出名零死角嘅佢,扮醜可以有幾醜。

《原振俠》
盧凱彤 懷念小龍女
「我第一時間諗到李若彤,因為細個時候佢做姑姑呢個角色,我覺得非常之適合,如果佢回巢,其實我想佢都好似姑姑咁,唔使講嘢,冇咩對白,佢剩係做花瓶嘅角色已經好好睇。」

《神鵰俠侶》
街坊:陳法拉靚女!
一眾明星就想影后張曼玉回巢,不過對後生仔嚟講,實在太久遠喇,佢哋最想就係陳法拉回歸,唔係因為演技,係因為一個字靚,講完!
Enson 20歲
「陳法拉囉,因為之前都好多人宅男鍾意佢,《衝上雲霄 II》最深刻囉,嗰陣收視都好高,有佢係有影響。」

《衝上雲霄 II》


Yoyo 18歲
「陳法拉因為我超鍾意《衝上雲霄 II》佢做 Holiday呢個角色,又靚又叻,其他新人都唔知佢係邊個嚟。」
葉生 18歲
「陳法拉,因為靚女,嗰陣佢做《家好月圓》好靚女痳,如果佢返嚟會留意下囉。」

《家好月圓》
即時報料 facepop
熱線: 9222 0828
電郵: facenews@nextmedia.com
facebook: Face Magazine inbox
line、 we chat id: facemagazine

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()