周佩榆 Elise 19歲
科大工商管理系 Yr.2
嚟緊 Elise聖誕已經 plan咗去上海旅行,佢仲話:「睇到朋友去上海外灘嘅旅行相真係好吸引,到時我一定着旗袍!」

U花 U草 周佩榆 Elise

當潮流愛新鮮 科大 Elise偏愛懷舊大上海

Ads by Google

年青人總會試過愛潮流追名牌,冇一兩件潮牌喺身好難返學,偏偏讀科大工商管理 Yr.2嘅周佩榆 Elise卻偏好懷舊, like爆上海灘 3、 40年代嘅氛圍兼服飾:「我由細到大都好鍾意睇張愛玲小說,尤其係《半生緣》,男女主角第一次就係喺漫天飄雪嘅環境下着住羊皮大衣、手套邂逅,可能因為咁薰陶到我成日 FF活喺嗰個年代場景,即係類似上海灘時期着旗袍大褸、鬈髮紅唇,真係好靚!」

 


冇得坐時光機倒流幾十年返去,惟有現實去啲懷舊地方止吓癮, Elise話:「平時我好鍾意去冰室 hea,因為感覺好似遠離繁囂,可以放慢步伐。可惜家懷舊冰室所剩無幾,好似坪洲「祺森冰室」保留舊式鐵閘、風扇,懷舊嘅綠色卡座,啲嘢又好食嘅真係買少見少,所以一得閒我就會搭船入去懷舊吓,有時仲會特登去旺角豪華戲院,但重點都唔係睇戲,只係想入場坐吓 feel吓,幻想返番舊時!」

除咗去冰室,其實 170cm高嘅 Elise平時都鍾意行山做 Yama Girl同打泰拳 keep fit,難怪擁有令人羨慕嘅模特兒身材。

本身係模特兒嘅 Elise話最愛接啲懷舊 job,可以寓工作於娛樂,滿足「一己私慾」, 4個月前佢為咗扮陳寶珠,仲剪咗留了 3年嘅長髮!

雖然口味比其他同學特別,鍾意懷舊不跟潮流,但 Elise勁受同學歡迎兼出晒名係科大工商管理系系花,仲影靚相幫學系宣傳。
撰文:彭家駿
攝影:范仲良
鳴謝: Hot Culture& www.soulyeah.com

, ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()