face.jpg

36歲 Niki過生日前已向舊愛徐正曦提出分手,並於一個月前正式搭上新歡,北京居港張姓石油大亨。

封面

徐正曦借糧送 120萬瑪莎拉蒂 周麗淇揸乾前度上石油大亨

Ads by Google

兩年戀情突然死亡, 36歲周麗淇同 30歲內地小生徐正曦呢頭分手,嗰頭就爆出徐正曦有 19歲混血新歡喎……姊弟戀觸礁就一定係弟弟貪新忘舊衰花心?信嗰個就真係要贈你一句「少年,你太年輕了!」
實情係小鮮肉嫩口,卻敵不過石油王香口, Niki三個月前結識強國石油大亨即撇徐正曦,最慘係臨俾人撇,徐正曦至向公司借百萬糧買名車向娘娘進貢,小鮮肉人車兩失,陰功囉!

 


曾幾何時, Niki都係有情飲水飽嗰班,陪賺人仔發蹟前嘅鄭嘉穎度過最霉日子、又因為一套劇《大漢賢后衞子夫》就日久生情,戀上身份、年齡都差大截嘅徐正曦。不過女人青春有限,有嫁得豪家姐做先驅、又同班闊太 friend愈黐愈埋, 36歲先開始講金唔算心,其實算開竅遲!

去年新車落地的百二萬瑪莎拉蒂超跑,雖然車牌係 NC(Niki Chow)、又登記在 Niki公司名下,不過其實是徐正曦向寰宇借糧所贈。

《蘋果日報》圖片

相戀兩年,周麗淇失驚無神在借微博說保重,變相公佈與徐正曦分手。
問公司借百萬
分手原因,外界一致揣測係女方重事業、男方太花心。係就係重事業喇,不過係仔唔係女,拍拖近兩年,徐正曦一口氣拍咗七套內地電視劇,來港時間不足一個月,除了撻着初期美國之旅, Niki同徐正曦見面時間少得可憐。
據悉,女方旁敲側擊、男方又有意用物質彌補,去年重手買入全新名跑瑪莎拉蒂攞嚟氹女友。一炮過 120萬車價,登記車主仲係 Niki名,豪就豪喇,不過原來得個做字,徐正曦實際袋落袋係有限錢,為女竟然問經理人公司寰宇老闆開聲借,借完錢俾人飛。周一,《 FACE》致電寰宇老闆林小明,問到二人分手消息,林老闆好坦白:「你哋寫咗我先至知!」至於係唔係借咗百幾萬俾徐正曦買車,老闆即刻落閘:「呢樣唔方便答!」

兩年前因為拍劇撻着,徐正曦兩年內連拍七劇搵銀,相反 Niki看淡事業專注在社交圈向上爬。

周一徐正曦回覆本刊仍然𥘵護舊愛,不過就再次聲明,絕非外間所傳有十九歲混血新歡。

當年初撻着黐住遊埠已成過去,近一年兩位聚少離多, Niki亦非昔日有情飲水飽的青春少艾。網上圖片

周一本刊致電寰宇老闆林小明,對徐正曦借糧傳聞,林生唔否認只答:「唔方便講!」(真實對白)
石油 Vs五金  35歲超班富豪


由名模變名媛,周汶錡嫁得風光一樣都想妹妹周麗淇有好着落,近年積極在富豪圈為 Niki物色對象。據悉 Niki新歡亦靠家姐搭路,身家比起父母經營五金生意的徐正曦簡直係冇得比。
想窮都難


靠屋企、靠拍戲,心水清都知唔係長遠之計,新歡張生來自北京做石油,一單生意上落徐正曦拍一世都補唔番。
唔使借糧


買架百萬跑車都要問公司借糧,張生出手闊綽,據悉初相識未認證身份,已經聽話奉上名牌袋氹 Niki一笑。
住緊 house


徐正曦名下無物業,相反張姓新歡山頂有全幢大宅自住,近月出入上流場合,已經把 Niki帶在身邊正式介紹俾朋友圈。
山頂有 house
Niki係唔係當真事業心重?其實有數得計。之前歌影視劇四棲發展,過去兩年 Niki除了兩套內地劇和大台《流氓皇帝》外,工作唔多。慳返嚟嘅時間用嚟做乜?咪就係識朋友囉!
又係多得家姐 Kathy, Niki朋友圈從蔡卓妍等等同輩明星,晉級至甘比、關之琳、楊小娟等等城中頂級名媛之輩。而就在 Niki耳渲目染得多,品味要求大幅度提升之際,終於在社交場合認識 35歲北京人張姓富商。據悉,新歡雖然又係年幼過 Niki,不過年齡差距輕易被新歡的石油家底蓋過,而且香港和北京都有不少物業,山頂更有一幢 house,一相識就送手袋、帶 Niki出入上流場合,加速 Niki撇仔之心。好在有人算有良心,撇完舊嘅至開始新戀情,拍拖一個月, Niki已經以女友身份火速攻陷男方社交圈。
愈黐愈豪


初出道同鄭嘉穎拍拖、老死係蔡卓妍,近年 Niki社交網絡幾級跳,專傍名媛。有份投資美髮店開張,新晉閨密甘比都嚟捧場。
玩得疏爽


拍戲少玩樂多,仲要黐埋胞姐 Kathy班富貴朋友一齊班,群得關之琳、范姜多, Niki眼界品味同生活指數都漸漸同班名媛名流開齊。
姐妹情深

《壹週刊》圖片

同家姐感情深厚,家姐周汶錡豪嫁法籍珠寶高層,又喺法國莊園舉行童話婚禮,一樣都想妹妹有着落嫁得好。
放慢腳步
外傳女方因為專注事業提出分手,實情同徐正曦拍拖兩年, Niki加埋只拍咗一套大台劇同兩部強國劇,新劇《卧底》剛在內地舉行記召,提起分手 Niki亦不痛不癢談笑風生。

《卧底》

《家年華》
徐正曦:完全被動!
欠債貼錢賠上感情再俾人屈另結 19歲新歡,難得徐正曦接受本刊電話訪問時,仲堅持要攬晒所有責任上身:「(分手)我完全被動,要我做最衰人沒關係,但是我真的沒有第三者!沒有拍到我跟別人接吻、擁抱、卿卿我我,就是因為我沒有第三個這麼簡單。我把時間花在工作上,沒有好好照顧自己喜歡的人、沒有做一個男人應該做的事,不能接受一個這樣的男朋友我能理解。(有冇傾過婚事?)我沒有求過婚,我很努力去做,我對自己沒有信心!」沒做男人應該做的事?即係乜呢?好可疑喎!
愈愛愈貴


人望高處水向低流係人之常情,想當年大把青春就話講心唔講金,不過群得班上等人多、又已經踏入三十六歲, Niki愈愛愈富貴其實都算遲開竅。
神秘初戀

《蘋果日報》圖片

霉穎之前,零緋聞周麗淇感情狀況極神秘,有傳其正印為拍拖五年的莫少聰外甥 Jordan。
擘腿霉穎


06年拍《天幕下的戀人》時撻着鄭嘉穎,當年嘉穎未喺強國走紅仲係霉穎,可惜 Niki一片痴心換來霉穎颱風天偷食佘詩曼,好寃!
逼走才俊


09年經周汶錡穿針,戀上紗廠太子爺 Eric,一度以為入得豪門走去巴黎睇婚紗、又單方面向朋友宣布喜訊,誰不知逼婚不成又分手。
愈貼愈愛
愛人獅子大開口,明明冇錢都要借返嚟,娛樂圈傻更更嘅其實又點止一個徐正曦?
貼到破產


白頭佬愛上話過「飯可以唔食,但衫唔可以唔買」嘅前 B嫂,陳曜旻當年為咗章小蕙賠上名聲、婚姻,又做埋章小蕙借錢擔保人,搞到破產。
貼住遊埠

網上圖片

當何家千金愛二打六,陳山聰要威要潮又要陪全天候陪超雲,唔想打份電視台工就冇收入,唯有拍拖期間衣食住行都全靠超雲照住。
貼埋里數

《忽然 1周》圖片

當天后愛上師兄,要倒貼是常識吧?黐住上報黐坐祖兒褓姆車、黐住祖兒去朋友飯局已經係碎料,最經典都係陪出埠,祖兒要貼飛行里數幫劉浩龍 upgrade上商務機位。
貼電話費


當拿督女愛上賤男,莊思敏出名勤力爛做唔靠父蔭,不過佢舊愛吳浩康唔係呢!當年拍拖,屋租、咭數一概靠女友,分手四年竟然電話費仲係前度找緊。
撰文:娛樂組
攝影:攝影組

,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()