探熱針

搵定後路 黐富太林夏薇 有仔胡定欣繼續釣金龜

Ads by Google

在好友單立文、胡蓓蔚大力撥之下,胡定欣同唱片監製 Terry(陳明道)撻着,但男友只得一層自住樓揸手,釣金龜大計,不言休!見林夏薇嫁得有米男 Jason,進身富太之列,胡定欣於是發力 mark實成功做了攞 Hermes揸波子的林夏薇閨密,打入對方的富貴朋友圈。

 


主動扮老友

近日胡定欣 mark緊富太林夏薇,拍劇期間熱情交往,一改過往 cool爆作風。

平日 cool爆的胡定欣,圈中老友只限於「胡說八道會」的胡杏兒、姚子羚、胡蓓蔚、李施嬅、黃智雯等人,但最近卻忽然加多個富貴人妻林夏薇。
「 Nancy(胡定欣)唔會計錯數,開《公公出宮》嗰陣見到林夏薇富貴晒,拎住 Hermes揸架波子開工,就好似上咗身咁,對佢做晒主動,唔使埋位一定黐住林夏薇吹水,扮到同人哋好夾咁。後來劇組要去開平拍外景,喺當地冇嘢玩,兩個好快就黐埋做閨密,不過對住同劇嘅王君馨、唐詩詠、陳自瑤就冇嘢講,胡定欣就係咁現實。」知情者說。
對林夏薇忽然重視,胡定欣更視對方為金龜介紹所。
「 Nancy都三十四歲,連杏兒都嫁,其他好姊妹又有晒碼頭,佢梗係急啦!同林夏薇做老友,都係想黐埋玩,搏人哋預埋佢去吓啲富貴人派對,識多啲人。咁做唔影響佢同 Terry拍拖,又有機會釣金龜一舉兩得。」

早前林夏薇在山頂豪宅秘密舉行婚禮,努力成為她姊妹淘的胡定欣,與學緊珠寶設計的徐子珊有份出席。

胡定欣與男友 Terry拍拖半年,經常讓男方在她香閏過夜,但有指胡其實騎牛搵馬,望有朝一日如林夏薇一樣,埋到水井。

「胡說八道會」各有有米對象,除人妻胡蓓蔚,最快上岸的是年底下嫁夜場老闆 Phil的胡杏兒。
騎牛搵馬
胡定欣去年底宣布同廣告界才俊沈栢淳( Patt)甩拖後,光速搵到大自己十三年的音樂人新歡 Terry,但有指 Terry雖然一把年紀,但依然唔定性,令拍拖半年的胡定欣勁缺安全感,覺得對方並非 Mr. Right。
「佢初時以為 Terry離過婚會定性啲,點知成日去 party好貪玩。 Nancy比較慢熱,又唔係鍾意劈酒嗰類人,陪 Terry去 party都係就個男友,自己一啲都唔 enjoy;加上 Terry份人好大細路,鍾意俾人照顧,所以身邊朋友都唔睇好呢段關係。」知情者說。
朋友唔睇好,自己又唔滿意,胡定欣騎牛搵馬,唯有靠晒有錢太林夏薇。

進身有錢太太的林夏薇,挽 Hermes袋,戴廿萬名錶同媽咪去 high tea。

Terry雖已融入女友的社交圈,但胡定欣仍努力物色金龜,一眾好友暗裡亦唔睇好呢段關係。
黐啱人
做娛樂圈,要識得把握時機,更加要識得連結人事關係,黐到啱嘅人,升呢話咁易。

周柏豪

07年出道的周柏豪,一直發展平平,直到 10年黐到賭王三房女何超雲、何超蓮傳緋聞,知名度急升。及後再密黐余文樂,成功塑造潮人形象上位。

周麗淇

近年主力在內地發展的周麗淇,因家姐周汶錡關係,朋友圈中不乏名人紅星,包括劉嘉玲、甘比、關之琳等,升晒呢。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()