探熱針

放監 完約償心願 徐子珊開演唱會

Ads by Google

無綫花旦相繼逃亡,繼胡杏兒離巢開婚紗店做老闆,在無綫十一年的徐子珊亦炒公司魷魚,一直認為自己在唱歌跳舞方面潛質未露的她,回復自由身翌日,即解放影演唱會海報,為十一月上台唱《 Hit Me》熱身。

 


冇車冇助手
上週六(八月二十九日)下午三點幾,冇助手冇司機冇保母車的徐子珊,自己揸住凌志坐駕到旺角,將車泊在路邊,就拎住個大袋走入一幢工廠大廈,逗留三粒鐘後,在演唱會製作人伍健雄陪同下離開。
據了解,徐子珊上週五才正式約滿無綫,第二日已急不及待開工,為十一月在 Star Hall舉行的《我們的女神演唱會》影海報。

拍海報當日,徐子珊單拖攞住大袋開工,唔似以前有一班人跟住服侍。

夏文汐定居上海多年,她當日也自備私伙裙影海報,之後更將跟工作人員合照放上微博,十分投入。

最後埋位
急住開工,因為一班有份演出演唱會的老中青「女神」包括夏文汐、余安安、宣萱以及唱家班林志美、麥潔文和盧巧音等人,都先後埋位,獨欠徐子珊,宣傳海報才可以完成。
「子珊一直都鍾意唱歌,加上佢有舞蹈底好跳得,不過喺無綫咁多年,○九年出過唱片就一直再冇機會,舊年公司為咗說服佢留低,係咁意俾子珊同胡鴻鈞合唱一首歌,但又唔似得吳若希咁,俾行力去谷。伍健雄知道子珊回復自由身,咪叫佢玩吓,子珊即刻就應承。」知情者說。
促使徐子珊不再賣身無綫另一個原因,是○七年第一次拍戲已經得「最佳新人獎」的她,對電影亦有一份期望。
「佢同公司講明,續約條件係想拍好戲,不過公司唔係好積極,《使徒行者》電影版本來話九月開,但今年都唔知搞唔搞得成,就算開得成都未必一定俾到個有發揮嘅角色佢,加上見到無綫而家只會將啲資源擺去捧新人,子珊惟有自己搵路。」知情者說。

徐子珊未埋位前,宣萱、麥潔文以及盧巧音先後上影樓拍宣傳照,盧巧音更帶埋老公 Sammy幫手。

 


電視劇《以和為貴》是徐子珊在無綫最後一部劇集。

○七年拍電影《跟蹤》,徐子珊已奪「最佳新演員獎」,不過之後卻拍膠劇居多,更被網民指樣貌也愈來愈膠。
紛紛作反
無綫稍為有實力的小生花旦買少見少,全因泊大碼頭有運行的概念已不合時宜,被合約綑縛,仲要由感情事到工作全方位干預,離巢放手一搏,隨時更有發展。


胡杏兒
在無綫多年聽教聽話,但有指當年難頂前度黃宗澤偷食分手,無綫大細超勸她「硬食」,不要公開訴苦,讓胡杏兒留下不愉快感覺,加上外面搵錢機會多,杏兒決心不再受綁。


苟芸慧
被指介入郭富城和熊黛林後,苟芸慧不斷受公司壓力,更因甲狀腺問題暴肥而被打入冷宮,俾人抽 job和「被放假」,心灰意冷的苟姑娘已決定滿約後不再續約,甚至連假都唔請,跟朋友合作開點心店,轉行做點心妹。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()