me.jpg

Myolie Wu
紅色扭紋針織冷衫$6,890
黑色雙排金屬鈕短褲$4,990 both Isabel Marant
METROPOLIS銀色鏈袋$3,890 Furla

cover face

胡杏兒愛得高調

Ads by Google

如果我話,今年係杏兒的變革年,相信冇人會反對。
離巢外闖,下海經商開婚紗店,升呢做老闆娘,仲盛傳跟才俊男友李乘德( Philip Lee)年尾拉埋天窗,杏兒一聽,立時觸動神經。
「所有嘢都係傳媒寫,唔係我講。」雖則對婚事三緘其口,但一向把感情事低調處理嘅杏兒,罕有地在 instagram公開晒幸福,似乎已認定對方是真命天子?
「其實都係正常人咁拍拖,不過我哋唔再係十八廿二,唔想嘥時間,依家拍拖唔會好似以前諗咁多。」
一反常態,愈愛愈高調,足見愛情魔力何其大,不禁要問句,最愛男友哪一點?
「依家俾咁少時間我,三言兩語好難講得晒喎,總知好多啦!」
嘴角泛起一絲絲甜笑。嘩,幸福到呢,隔幾條街都 feel到!

 

 

其他影片
愛得高調?胡杏兒唔再玩玩吓

Profile

 
Myolie Wu
出生日期: 1979年 11月 6日(天蠍座)
出生地:香港
身高: 5呎 7吋
體重: 110磅
語言:廣東話、普通話及英語。
簡歷: 19歲,參選香港小姐得季軍及活力風采獎,馬上休學,簽約無線。
02年,憑《流金歲月》奪得飛躍進步女藝員獎。 11年,憑《萬凰之王》奪視后。
主要作品:電視劇《流金歲月》( 02),《衝上雲霄》( 03),《我的野蠻奶奶》( 05),《肥田囍事》( 06),《萬凰之王》( 11),《怒火街頭 2》( 12),《衝上雲霄 II》( 13),《醋娘子》( 14)。電影《 72家租客》( 10),《奪命金》( 11)。
專輯《 Evolve》( 08),《 Love Holic》( 09)。
Instagram: myoliemyolie

親力親為

 
從娛樂圈演員身份跳到商界女強人,不只我,連她自己也意料不到。
「今次由決定到開鋪,只係三、四個月嘅事,依家一腳踢,由 design到 mark價都要兼顧。其實我唔叻做生意,覺得最難係捉客人心理,不過做演員成日接觸唔同人,都有幫助。」明星身份有利生意嗎?
「咁要多謝傳媒幫手宣傳!但亦擔心有人誤以為明星開鋪就賣明星價,其實我哋啲婚紗同晚裝有 custom made,亦可以租,價錢唔特別高,大家不妨嚟認識吓個品牌、睇吓啲手工。」我好奇杏兒點解揀做婚紗生意,盛傳好事近的她,莫非因為即將係用家,所以特別感興趣?
「其實一直有興趣做生意,我又鍾意時裝,拍檔 Kev提議搞婚紗生意,好自然就開始。我一直有著開 Kev設計嘅衫,我哋品味同理念好似,好信大家,我好欣賞佢嘅設計,想俾多啲人知道。」好一招四兩撥千斤,成功轉移話題。
「未來會做多啲內地嘅 promotion,希望可以衝出亞洲。」有晒全盤計劃喎!

細個個樣同依家一樣咁 sweet,證明天然靚樣冇加工。

不時在社交網站公開晒幸福,杏兒直言二人好夾,感情相當穩定。

婚紗店開業當天,「胡說八道會」姊妹團齊腳到場,十足婚禮預演。

自己話事

 

Myolie Wu
彩色花卉圖案織錦連身裙(未定價) Carven
DIANA紫色鑲金屬角牛皮長鏈袋$5,690 Furla

今年約滿舊公司,現為自由身的杏兒,感覺特別輕鬆?
「舊公司合約出名辣,藝人極受保護,的確好多事都唔使操心,但依家冇咗保護網,反而睇嘢多咗,我覺得係好事嚟。總算儲咗十幾年經驗,就算走出 comfort zone,都唔會話驚。」聽聞有多間公司開出高價向你招手?
「有消息會向大家公佈。」嘩,官腔到呢!
「依家最緊要做得開心,錢一定唔係我首要考慮事項,最緊要有自由,可以自己話事,角色啱自己先接,唔會為拍而拍。」
儲夠本錢,冇大樹遮蔭亦淡定。對於舊公司花旦相繼離去,作為過來人,又點睇?
「其實係好正常嘅現象,前輩唔走,新一屆花旦又點會有位上?」一副大家姐口吻,對未來仲有晒計劃。
「依家中港兩邊走,兩地市場都重要,分配大約一半一半吧,我知有人可能會以荷李活電影為最終目標,但我覺得中國電影都好犀利。」全球重心東移,杏兒早着先機,大有前途。

甜蜜宣言

 

Myolie Wu
淡粉紅色絨布 biker jacket$7,999
MCQ by Alexander McQueen from I.T
白色壓褶 ruffles花邊雪紡背心$6,590
同款半截裙$6,190
both Isabel Marant
金色綴閃石金屬手鈪(未定價) Furla
金色閃粉高踭鞋$3,999 Kurt Geiger

年尾跟金融才俊 Philip Lee拉埋天窗之說甚囂塵上,今勻做訪問又點可以唔提?原以為有戀愛趣事聽吓,誰知她一句。
「所有嘢都係傳媒寫,我冇講過任何嘢。」聽到都失望,但見杏兒經常被影到跟男友甜蜜拍拖,又在 Instagram上載與男友手拖手的背影照兼發表愛的宣言,似係打風都打唔甩喎!
「我哋已經唔係十八廿二,大家都唔係玩玩吓。」
「都係正常咁拍拖,依家全民狗仔隊,個個拎起部手機都影得,咁我都有自己生活,唔可以話驚俾人影到就唔出街。」但明顯比以往愛得高調,會唔會係另一半俾到安全感,所以特別有信心?「其實唔關事,咁以前大家都係圈內人,唔想轉移工作焦點,所以比較低調處理。」你覺得他最吸引你的是甚麼?
「你俾咁少時間我講唔晒喎(奉上一陣甜笑)!我哋好夾,從價值觀到生活細節,好多事諗法都一致,相處得好舒服。」哪最浪漫的回憶是甚麼?
「佢浪漫在生活細節位,唔係帶我去食燭光晚餐或送花嗰隻,而係當我唔舒服時會提我食藥,過馬路又叫我行入面嗰種。」雖然杏兒對婚事不願多談,但沐浴於愛河中的她,全程笑不攏嘴,戀愛中的甜蜜幸福,從她的笑容表露無遺。

後記

 

Myolie Wu
杏色羊絨併綠及白色 mohair大褸$6,399 MSGM from I.T
深藍色彈性 tube top$9,500 Monique Lhuillier from Harvey Nichols
PIPER併色牛皮手袋$6,190
Melody黑色蝴蝶形太陽眼鏡$1,800 both Furla

訪問前,杏兒經理人十分緊張訪問的內容,還溫馨提示叫我唔好問有關男朋友嘅嘢,但開心事點可以唔提?結果帶我遊咗幾個維園,一聽到結婚等字眼,更大為緊張,身旁的經理人更落閘護駕。其實拍拖結婚都係人生必經階段,唔使咁緊張嘅!
Shop List
Carven尖沙咀海港城海洋中心 102A號鋪 2735 9172
Furla中環國際金融中心 1055號鋪 2234 7148
Harvey Nichols金鐘太古廣場 L1 130、 L2 238號鋪 3968 2668
Isabel Marant中環安蘭街 4-6號地下及 2樓 2505 9238
I.T金鐘太古廣場 252號鋪 2918 0667
Kurt Geiger銅鑼灣百德新街 53號地下 A及 C鋪 2881 1090
形象:黃健華
撰文: Bel Chow 
攝影: Ray Siu
化妝: Miko Wong@Cyrus Lee Team
髮型: Aaron@Hair Culture
鳴謝: Furla

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()