呢篇文章圖文並茂,並有路線圖又指有育嬰室可以餵 B,搞到唔少科大同學信以為真!

U人攻略

fb惡搞科大 Hall 9 設育嬰室餵 B?

Ads by Google

𠵱家係人都可以做記者,只要 fb開專頁,報導吓新聞,就可以叫自己做網媒。
同樣大學都有唔少由同學自發組成監察校方嘅專頁,定時報導一啲校園新聞或資訊,而早前有好多科大同學瘋傳一段名為「科大宿舍秘密育嬰室,震驚八千學生」嘅 po,內容指科大 Hall 9竟然暗藏育嬰設施,有文又有圖!文中仲提到,「目前約有十人使用育嬰設施,一半為無家可歸的海外學生;父母會輪流照顧嬰孩,並於課餘時間哺乳。」
記者問過好多宿生,佢哋都冇聽過有關育嬰設施,為求真相, Spy第一時間去咗了解,發現育嬰室入口只是社交室,有關社交室亦上了鎖,所以得啖笑!

 


暗寸學校施政
以為只是惡搞文章,有知情同學就爆另有內情:「其實呢篇惡搞文章係出自一個叫『蝌大震廁』嘅 fb專頁,只知由一班關心科大嘅同學管理,佢哋會定時貼文或上載改圖,目的係寸爆校方一啲唔公平或者荒謬嘅校政,好似呢單宿舍育嬰室,用意就係想寸爆校方無故長期鎖上地面社交室,令宿生冇得享用。」蝌大震廁淨係聽名已經覺得係搞笑,負責管理該專頁的科大同學表示:「我哋選擇以惡搞暗寸方法,將校方唔啱嘢講出嚟,同學會更加關注,轟校方唔一定得示威、集會嘅!只要同學瘋傳,一樣有用!」

Van工商管理系 Yr.2
本身都有少少懷疑,再睇係「蝌大震廁」,就知道一定係假。
真實對白

宿舍走火道
文章指宿舍有育嬰室, Spy到科大睇過,實情只係宿舍後門走火通道。

抗議社交室長關
Spy發現 Hall 9的社交室確實長期上鎖,連宿生都不能內進,難怪 fb有惡搞文章。
撰文:校園版
攝影:何榮亮

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()