全知言

開學喇喂!校園電影邊套最經典?

 

Ads by Google

開學喇,開學喇!之前楊千嬅孭飛嘅《五個小孩的校長》人人 like爆,個個睇完變喊包,仲千叮萬囑記得準備大量紙巾備用,同時票房仲高達 4千萬,最緊要成本低賺大錢笑到 gap gap聲!
其實歷年來都有唔少校園片爆出過,遠嘅有星爺套《逃學威龍》系列,近有女神陳妍希成名作《那些年,我們一起追的女孩》,各有各賣點,搞笑同催淚元素缺一不可,就算事隔咁耐再回帶,都一樣好青春㗎!

 

 

《不能說的秘密》
YouTube畫面

雨僑:
我最喜歡嘅校園片係《不能說的秘密》,因為裏面有我最喜愛嘅周杰倫,佢彈好多琴又好學生哥,我嗰陣都係讀緊書,完全投入咗。因為呢套戲都會專登去彈裏面啲歌,不過周杰倫已經結咗婚娶咗老婆生咗仔,我已經冇希望㗎啦!印象最深刻係有音樂室嗰幢樓要拆,(周杰倫)趕住要穿越時空嘅時候就彈得愈來愈快,終於可以畀佢穿梭時空去到桂綸鎂出現嘅年代,嗰一幕好深刻、好感動、好清新同好感人嘅愛情校園片!
張建聲:
梗係《逃學威龍》啦,因為裏面星爺嘅精湛演出影響咗好多我呢啲 80後好多!自己最鍾意第一集,嗰個粗糙感係非常之好睇!最深刻梗係佢畀人掛咗係學校門口,同埋掟粉擦,呢啲都好歷歷在目!

《逃學威龍》
YouTube畫面
石詠莉:
我最喜歡校園片莫過於今年非常之 hit嘅《五個小孩的校長》,由幾個小朋友去演,同埋楊千嬅係我好喜歡嘅歌手,呢套戲正正可以道出一啲社會問題,其實由楊千嬅當初話要撇開一切,要做佢哋校長嘅時候,我已經覺得好感動!

《五個小孩的校長》
YouTube畫面
陸永:
應該係《逃學威龍》,一路以來我嘅中學生活,打得最好關係都係同啲校工,而《逃學威龍》嘅達哥吳孟達就真係「嘩」,史上最好校工嘅典範,即係可以同你做任何喺學校唔應該做嘅嘢,真係好難忘一套戲嚟嘅!

《逃學威龍》
YouTube畫面
龔慈恩:
我最鍾意嘅校園片梗係《五個小孩的校長》,第一自己有得參與,第二非常之有意義嘅電影。小朋友好得意,其實我有參與,真係認識嗰幾個小朋友,非常之 professional,有好多感覺都好真,同埋重點係套戲非常有意義!

《五個小孩的校長》
YouTube畫面
林愷鈴:
我最鍾意嘅校園片係《那些年,我們一起追的女孩》,因為幾真實,而自己就特別鍾意放天燈嗰一幕,因為我同細佬真係去過攝影場地,嗰度真係好靚好有 feel,最後仲同媽咪去咗飲咖啡添!

《那些年,我們一起追的女孩》
YouTube畫面
另類選擇 街坊:《等一個人咖啡》好特別
街坊們各有各心水,至於票房之冠嘅《五個小孩的校長》同樣佔一席位,唔知續集幾時有得睇呢?


Vincent:
最鍾意嘅校園片係《逃學威龍》,因為星爺喺呢部片嘅校園生活比較得意,例如佢有時會被晾係衣架上,有時仲會整蠱老師,場面幾得意,呢啲場面係𠵱家港產片嚟講比較少見。


Angela:
我最鍾意嘅電影係《五個小孩的校長》,因為都係在學期間比較能夠感受到嗰種感受,同埋比較貼近自己生活。印象最深刻係楊千嬅拒絕補習社高薪厚職嘅邀請,繼續教番 5個小朋友嘅幼稚園。


Hilary:
最鍾意嘅校園片係《等一個人咖啡》,因為故事好特別、好感動,同埋男主角真係好大隻!印象最深刻就係男主角着住比堅尼踩 roller,我從來未見過咁嘅事,好有趣,最後結局亦都好感人!
即時報料 facepop
熱線: 9222 0828
電郵: facenews@nextmedia.com
facebook: Face Magazine inbox
line、 we chat id: facemagazine

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()