陳婧熙 Louise
香港大學對外英語教學碩士
城大 Louise高考英文拎 B,英文系學士畢業,「我鍾意同學生之間嘅互動,加上自己又鍾意英文,所以想讀埋個碩士,將來做老師幫人!」

U花 U草

一個索女去旅行 港大碩士陳婧熙獨闖俄羅斯

Ads by Google

間間大學都有男神女神 fb專頁,有人沾沾自喜被 tag做女神,亦都有人冇乜感覺。將升讀港大碩士的陳婧熙( Louise)說:「有朋友話我上咗女神 page我都好 surprise,有人讚自己靚當然開心啦,不過我覺得靚係好主觀,內在美更加重要!」

 


25歲的 Louise有學識靚女之餘仲好獨立,「我鍾意自己一個去旅行,去旅行嘅節奏都可以自己控制。以前試過自己去澳洲、日本,都有漢字睇,溝通冇咩問題,但前年去俄羅斯就好難忘,條街好少有英文翻譯,好多嘢都要隨機應變。例如去到目的地先發現原來酒店比我嘅地圖係錯,我去錯咗地方,要重新再搵間酒店嘅正確位置,但張地圖全部都係俄文,加上嗰時已經係下晝,夜晚一個女仔會好危險,我就迫自己要冷靜!我只好用最原始嘅方法,就係數站數落車,落到車發現酒店仲有段距離,要不停問途人,咁當然係雞同鴨講,用手勢搭夠,好辛苦先去到酒店!」 Louise夠勇氣,仲叻過啲裙腳港仔啦!

Louise笑言自己鍾意「相機食先」,「我好鍾意試新嘅 cafe,之前仲特登學咗影相,買咗部單反相機影靚相!」

雖然巴黎出名多扒手,但 Louise都冇有怕,前年獨自去巴黎旅行,「艷遇?搭車嗰陣試過俾外國人讚我靚,但我都係講句多謝就算喇!」

身為兼職模特兒的 Louise喜歡挑戰各種拍攝工作,「每次客戶嘅 art direction都唔同,滿足到客戶要求自己都有成功感!」
撰文:葉浩婷
攝影:范仲良
化妝及形象: Kika Wong
鳴謝: Model Genesis

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()