face.jpg

麥明詩學歷屈機,才藝表演無敵,人氣又高,唯一弱點係事業線,瘦到連胸骨都現埋。

封面

贏到盡 姊妹杯葛 麥明詩追擊陳凱琳

Ads by Google

十優港姐麥明詩週日以大熱姿態成為港姐冠軍,天生擅長考試,由面試到決賽當晚,麥明詩繼續發揮其優良 DNA,其他佳麗都只係陪跑,就算宿敵龐卓欣亦只能屈居亞軍。人生勝利組麥明詩,戰績繼續亮麗。
麥明詩以 166,654票當選,贏得觀眾投票,唔等於贏得佳麗歡心,直播所見麥明詩當選冠軍後,竟然冇其他佳麗祝賀,只有 Do姐、志偉哥識做上前握手。同期冇個 friend,但大台又急於想推佢做第二個陳凱琳,據知下月的節目巡禮已預佢一份,想用佢人氣幫手吸客。冠軍未坐穩,就想挑嘉穎嫂機,人哋當年 171,478票多過你㗎。

 


23歲麥明詩以無敵姿態成為今屆港姐冠軍,其實由面試當日爆出麥明詩為女拔十優狀元,父親為林護紀念中學副校長,加上校董十哥林棣權為殼王陳國強老死,內外兼備加上屈機條件,未正式選,麥明詩是冠軍已經呼之欲出。

喺《 2015香港小姐傳奇[!99D8]生》節目上,司儀以玩笑形式問邊位佳麗成日遲到,有唔少佳麗都指向麥明詩,有幾 friend睇呢啲最清楚!電視畫面

問到人緣差、冇佳麗上前祝福,麥明詩(左)就話:「係咩?我哋在心中嘅!」反應快,果然係冠軍,期間更全程捉住龐卓欣。
跳舞搶鏡
結果大台亦冇令觀眾失望,成個騷幾乎係麥明詩個人表演,以前甚少出現,或者喺選旅遊大使先出現嘅「天才表演」,決賽當晚竟成重點。一生贏盡考試嘅麥明詩當然發揮所長,表演現代舞技驚四座,觀眾亦樂於睇佢表演,平均收視 27點,最高 31點;而麥明詩亦得到 166,654票支持,成為首位「真正」民選港姐。
不過參選冇人想做陪襯,一眾佳麗自知是「茄哩啡」亦不是味兒,所以當麥明詩成為冠軍後,成班絲打並冇上前祝福,反而亞軍、季軍龐卓欣、郭嘉文有成班佳麗圍住,有冇人緣一睇就知。

好優美
才藝表演環節,麥明詩表演現代舞,除咗亞軍龐卓欣表演唱歌劇有得鍊之外,其他佳麗盞獻醜。

成功奪冠,麥明詩當然識做,喺自己 ig找數講多謝。網上圖片

好勝狀元麥明詩好勝㗎,決賽前喺 ig上載自己 12歲時候嘅相,話想要個真后冠。網上圖片
鋪路吸客
麥明詩做冠軍冇 friend,但大台見佢有 16萬幾選票,僅少過 13年冠軍陳凱琳少少,即刻急急揾佢幫手。據知 10月底拍攝嘅節目巡禮,大台已經預咗麥明詩一份,希望以佢人氣幫手吸客,更加想佢複製陳凱琳上位方程式,準備狂谷佢拍劇,以挽救劇集收視。據知麥明詩參選只為自己人生成績貼金,有大志根本不只想成為大台姐仔,不過大台鋪好晒路又真係機會難逢,麥明詩挑戰完大台選美,再挑陳凱琳,唔知佢下一步想挑戰乜嘢呢?
週一( 31日)麥明詩同一眾得獎港姐到灣仔食飯,問到冇佳麗上前祝賀,她說:「係咩?我哋在心中!(大台想你即拍節目巡禮吸客喎?)唔知呀!哈哈!」

冇人攬
頒完后冠一眾落選佳麗出場,麥明詩真係冇人上前祝賀㗎,反而亞軍、季軍成堆人。電視畫面

出埋字幕,都仲係一個佳麗都冇埋過麥明詩身,直頭當佢透明咁款。電視畫面

麥明詩由面試到決賽,表現完美,麥父麥母當然功不可沒,二人當晚上台祝賀愛女。
票數未贏到陳凱琳

電視畫面

冠軍麥明詩以 925,173分奪冠,大會計法係冠軍有 5分,亞軍有 2分,季軍有 1分,所以投票俾麥明詩嘅有成 166,654票,都贏第二位成條街㗎!


13年陳凱琳由評判同觀眾投票產生,當年陳凱琳觀眾投票得分為 32.06即係 171,478票,如果咁計,即係佢當年受歡迎過麥明詩㗎。

電視畫面

雖然麥明詩將會追擊陳凱琳,不過陳凱琳當晚亦坐喺麥明詩選區為佢打氣。


陳凱琳喺大台上位快,當選後即被安排拍節目巡禮,之後劇接劇,今年 1月拍新劇《殭》,更同男主角 45歲小生鄭嘉穎拍拖。
落選佳麗 fb寸冠亞軍


11號楊苡汶週一喺自己 fb,鋪上自己準備好嘅 4強自白原稿,當中話自己輸在起跑線冇 10A,唔識唱女高音,明寸冠亞軍。


楊苡汶當晚才藝表演,竟然係表演做戲。雖然又仆又喊,但未足以挑戰麥明詩囉。
亞軍龐卓欣全家蒲老蘭
亞軍龐卓欣同麥明詩由細鬥到大,雖然當晚表現出色,同佳麗關係又好,可惜選美期間,不斷有夜蒲攬仔相流出,大台咁鍾意入屋,當然好難俾冠軍佢啦,不過其金融才俊父親龐寶林就力撐話:「好滿意,超出我哋預期,係差少少,但我哋都一路支持佢,冇失望。」之後成家連埋男友一齊夜蒲慶祝,有家人、愛人支持,輸冠軍都唔會唔開心啦。

龐卓欣愛夜蒲眾所周知,就連家人都支持,當選後成家去蘭桂坊夜蒲慶祝。

龐卓欣性格鬼妹仔,由面試開始不斷被人揾出唔少夜蒲相,但佢 ig依然不會刪相維穩,貫徹真我性格。網上圖片

龐卓欣當晚表現淡定,身材又 fit,表演歌劇亦唔輸蝕畀麥明詩,可惜只攞亞軍。
大熱勝出未必贏到尾

麥明詩美貌智慧並重,家人書香世代,又有人氣,啱晒大台力谷,星途應該冇得輸。

麥明詩以屈機姿態封冠,完美履歷表唔等於喺娛樂圈發展一樣玩晒,歷屆唔少人氣冠軍,喺圈中發展都麻麻,淨係睇上年冠軍邵珮詩就知啦,網民都唔記得咗佢係冠軍,你估嗰個係李嘉欣咩?

94譚小環轉賣魚蛋《蘋果日報》圖片

譚小環當年大熱勝出,更被力捧做女一及同鄭伊健合唱〈如果天空要下雨〉,可惜最後同排舞師 Sunny Wong拍拖兼離開大台,及後分手。回巢後就多做二、三線角色, 11年結束同大台合作關係, 07年同任職保險嘅蔡強榮結婚,現在喺銅鑼灣開設渣哥一九九六賣魚蛋。

01楊思琦變身媽咪《蘋果日報》圖片

楊思琦當年為屋邨港姐出身,成為唔少屋邨妹夢想,可惜之後發展麻麻,更同吳帥未婚生女,𠵱家已脫離大台。

05葉翠翠老公離過婚《蘋果日報》圖片

葉翠翠當年見報率超高,幾乎日日都有佢新聞流出,可惜做戲麻麻,多年來都冇代表作,但新聞依然多,同過哭腔李逸朗、又同過趙薇老公黃有龍拍拖,終於在今年同建築師周曉東結婚,不過周前妻 Grace Lam就生活費問題鬧上法庭,更喺葉翠翠婚後 5日上庭打官司,仲禁止葉翠翠喺庭上出現。

88李嘉欣最撈得掂《蘋果日報》圖片

最成功嘅港姐之一,當年由頭帶到尾,緋聞暢旺,大劉、黎明,最後 08年與許晉亨結婚。事業拍過唔少劇集,電影拍過星爺嘅《鹿鼎記 II神龍教》,又拍過王家衞嘅《墮落天使》,商業同藝術都有,恨死一眾港姐!當然嫁個有錢人又家庭美滿,最令人羨慕啦!
採訪、撰文:娛樂組
攝影:娛樂突發組

,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()