探熱針

廣收新兵 同 24歲嫩草玩埋 鍾嘉欣瘟仔抱抱

Ads by Google

今年二月與伍允龍結束八年情的鍾嘉欣,有陳展鵬做觀音兵,閨密胡杏兒又經常介紹筍盤外,早前在內地拍劇更密密收兵,包括只有二十四歲的內地演員丁野,二人拍劇以老公老婆相稱,過三張的嘉欣 BB更與對方豪玩抱抱,完全放低伍允龍。 


七夕祝福前度
箍煲失敗!伍允龍早前公開表示,跟鍾嘉欣已有一段時間沒有見面,嘉欣 BB則在中國情人節七夕回禮,以「祝福佢開心同順利」將前度降呢成為普通朋友。
斬斷八年情後,身邊不乏追求者的鍾嘉欣,廣收中港兩地觀音兵,來者不拒。
「早幾個月嘉欣喺橫店拍電視劇《哪吒與楊戩》,大熱天拍古裝,啲演員寧願坐定唔敢周圍行,免得流汗整花個妝,不過嘉欣就周圍同人傾偈,心情好到大家都唔信佢啱啱同男友分手,所以外面啲人仲會話佢同伍允龍係假分手。」知情者說。

在片場玩抱抱,甩拖後的鍾嘉欣變成好玩得。

跟陳展鵬合作以來經常傳緋聞,男方更被指拍劇期間,為女方揼骨。

90後丁野只有 24歲,在國內拍了不少劇集,但都是三、四線角色。
出雙入對玩抱抱
據劇組工作人員說,鍾嘉欣跟劇中對手、只有廿四歲的內地新星丁野玩得特別埋,兩人在片場肆無忌憚以老公老婆相稱,過往在香港拍劇,經常坐埋一邊唔多出聲的嘉欣 BB,忽然變 open。
「丁野讀大學時已經係風頭躉,仲入選全國十大校草,嚟緊十二月先滿廿五歲,細嘉欣六年有多,但佢好明顯係對嘉欣 BB有意思,會摺紙花送俾佢,又會叫人買大堆零食俾嘉欣,總之每日都會有新花款。橫店出名熱過人,大家著住古裝熱到冇晒心機,但嘉欣同丁野照玩照抱抱,完全唔覺得係一回事。

今年會拉埋天窗的胡杏兒,自己有着落後,也經常介紹男友給鍾嘉欣。

自言跟前度分開後少有見面,不過鍾嘉欣在七夕正日,大方公開送上祝福。

新劇《城寨風雲》,伍允龍跟「情敵」陳展鵬有對手戲,真係要對打。
「丁野早排本來要嚟香港探嘉欣,但臨時接到 job,唯有取消行程。嘉欣喺劇組好受啲仔歡迎,埋位冇幾耐,已經有個男演員送咗把風扇俾佢,獻晒殷勤。」知情者說。
內地有觀音兵服侍,香港又有陳展鵬隨時候命,加埋好姊妹胡杏兒幫手撥大葵扇,三十一歲鍾嘉欣不愁出路。

有指得王祖藍推薦,鍾嘉欣才有機會在王晶監製的內地電視劇演出。

鍾嘉欣在新劇《警犬巴打》跟舊拍檔黃宗澤做情侶,二人在開鏡時,已經「玩」得十分投入。
重新出發
娛圈工作時間長,選擇範圍有限搵對象難,尤其女藝人,認定目標後,往往一拖十年八載,一旦發現對方原來不是 Mr. Right,再重新出發,亦青春不再。


胡杏兒
嚟緊十一月滿 36歲的胡杏兒,跟黃宗澤拍拖八年,早視對方為結婚對象,可惜男友經常被拍到偷食,杏兒終於爆發, 12年 7月,公開認主動分手,去年在朋友介紹下遇上夜店老闆 Philip,拍拖唔夠一年,盛傳二人年底拉埋天窗。


唐詩詠
唐詩詠 05年開始跟崔建邦傳出緋聞,多年來二人關係糾纏不清,有指在身邊人力勸下,三心兩意的唐詩詠 11年決定斬纜,其間亦傳馬國明有意力追,直至去年,洪永城主動出擊,苦追半年,唐詩詠終於放膽再闖情關,發展新戀情。
撰文、攝影、攝錄:娛樂組
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()