探熱針

企硬 飛車唔俾戴頭盔 岑麗香錫身拒埋位

Ads by Google

上週五(八月二十一日),岑麗香同洪永城在赤柱碼頭開工拍新劇《實習天使》,其中一個飛車鏡頭,香香提出戴頭盔上陣,但導演認為頭盔會遮住香香個樣,拒絕她要求,點知錫身香香企硬唔就範,最終要搵替身頂上。


嚟真笠晒水

其中一場二人坐電單車衝向海邊再煞停,導演要求香香親身上陣,但洪永城就有替身代勞。

明明係水兵鬥海軍,但岑麗香因為演技太浮誇,同洪永城合作拍《實習天使》期間,因為經常 NG累街坊,曾被對方當眾鬧爆:「你咁咪唔 natural囉!」
上星期,劇組到赤柱碼頭拍飛車戲,唔想對手再扯晒火,著住牛仔短裙的香香不斷刨劇本好用功。導演先拍二人近鏡熱身,只見香香從後攬實洪永城喪嗌,交足驚恐表情。
三十五度高溫拍外景, take一個 shot,香香已經妝都溶埋。
拍完近鏡,再嚟一個《天若有情》式場面,導演要二人坐電單車衝向海邊再煞停,香香知道要嚟真,突然臨場笠水,要求戴番個頭盔埋位,不過導演認為冇需要,香香又企硬,雙方爭持不下。
「場戲要 take到香香個樣,佢要做表情交戲所以唔可以戴頭盔,但香香話飛車危險唔想搏,同埋洪永城都可以戴,點解自己唔戴得?」一名劇組人員透露。

撞啱另一新劇《警犬巴打》在附近拍跳海戲,濕晒身的朱千雪收工時專程同香香打招呼。

臨時搵人頂
經過一輪拉鋸,香香始終堅持,唔戴頭盔唔拍,最後導演提出香香親身上陣拍一個飛車 shot,其餘就由替身頂上。導演讓步,香香亦勉強接受,面燶燶埋位。
「香香最後拍咗海邊煞停嗰個 shot,因為一定係拍正面,唔可以用替身,其他飛車鏡頭,臨時搵咗個訓練班嘅女仔做。不過咁,話晒真係要飛車,又冇做安全措施,香香唔肯自己嚟都正常,如果意外整花咗塊面整親手腳,搵鬼可憐!」劇組人員說。

劇組臨時搵訓練班出身的曹思詩,頂替香香拍危險場面。

朱千雪著短褲,象腿現形。
撰文、攝影、攝錄:娛樂組
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()