兩公婆 cap帽 look出動,孭住囡囡的張家輝仲戴埋口罩,如果唔係身邊有關詠荷,都好難認到。

探熱針

廿四孝 張家輝摩打腳 孭 9歲女夜行

Ads by Google

自從連環掃獎做影帝後,張家輝片酬由○八年二百萬港紙,至今二千萬人仔起跳,狂升超過十倍,一樣接到冇停手,就連今個暑假都因為開工,冇份同老婆關詠荷和囡囡 Brittany去美國旅行。趁《賭城風雲Ⅲ》有半日假,四十七歲得一粒女的張家輝孭住九歲 Brittany行夜街,補番數。 


孭到氣喘
上週日(八月十六日),晚上九點幾,戴 cap帽口罩的張家輝冇通告,可以一家三口外出晚飯,食飽散步。
其間關詠荷發現記者,兩公婆加快腳步,張家輝吩咐女兒用外套遮樣,兼自言自語:「早知頭先唔行,上車咪好囉!」關詠荷見老公摩打腳過馬路,都忍唔住笑。
雖然張家輝有做運動習慣,不過十二月滿四十八歲的他,孭住手長腳長的 Brittany疾走,都喘晒氣。行到去黃泥涌道口,張家輝走入 Crowne Plaza酒店,同親友飲杯嘢先返屋企。

未發現記者,關詠荷繑住老公行, sweet。

見記者拍照,張家輝怨到出口:「早知頭先唔行,上車咪好囉!」關詠荷忍唔住笑。

張家輝吩咐 Brittany用外套遮住自己個「小家輝」樣。

唔返屋企住,一家三口直入酒店,原來約了親戚飲嘢。
三缺一
今個暑假,因為趕拍一六年賀歲片《賭城風雲Ⅲ》,令逢有長假必帶囡囡出埠玩的張家輝要缺席美國之旅。
「家輝好重視暑假或者聖誕呢類長假期,次次都會搵地方去家庭樂,但七月佢要埋位拍《賭城Ⅲ》,又要為自導自演嘅《陀地驅魔人》做後期,美國旅行要三缺一, Brittany知道爹哋要做嘢冇唔開心,加上平時黐關詠荷,所以反而開口叫媽咪陪佢多啲,唔好做咁多嘢。」知情者說。

 

張家輝再做導演的《陀地驅魔人》正在做後期,影片計劃十一月上映。

有份冧庄的張家輝,在賀歲片《賭城風雲 III》與周潤發、劉德華、張學友、劉嘉玲等合作。

成為 Adidas代言之一,張家輝示範 ab roller,勁 man。
善心媽咪


13年復出拍無綫劇《情逆三世緣》後,關詠荷便再無接劇,專心湊女,只偶然參與慈善工作, 12年為「 AEA教育基金會」做過助學大使,踏足柬埔寨探訪街童、貧困社區和殘障兒童外,今年亦以奧比斯兒童大使身份,前往山東臨沂進行探訪。
撰文、攝影、攝錄:娛樂組
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()