王祖藍狂賺人仔換磚頭,億二買樓送俾李亞男,冇手軟!

探熱針

先睹為快 有口齒 王祖藍送李亞男億二複式樓

Ads by Google

今年初,王祖藍與李亞男拉埋天窗時,已開出期票,表示會努力儲錢,買多層樓送給老婆;新婚才半年,祖藍已達到目標,出手更非常闊綽。今個月中,王祖藍豪擲一億二千萬,購入大埔逸瓏灣頂樓連私人空中泳池複式單位,物業由李亞男個人持有,王祖藍錫老婆錫到燶。 


半年進賬五千萬

當日同場睇樓的,還有老友趙雪英。

矮仔多計!五呎三吋的王祖藍,亦有本事追掂華裔小姐冠軍李亞男,為鋪路娶女友過門,一三年他以一千三百多萬買入大埔雅景花園築愛巢,由於當時李亞男未正式做王太,物業由祖藍持有。
今年二月,「長短腳之戀」開花結果,愛妻號祖藍,答應老婆會努力賺錢,買多層樓送給她。
「亞男個人好純,唔追求物質,平日著衫都好樸素,最貴嘅珠寶,都係祖藍送嘅(三百萬鑽戒),就好似啲人唔明佢點解揀個矮自己咁多嘅一樣,佢根本唔在意外表嘅嘢,性格好統一!」知情者說。
近一年,大部分時間留在內地工作的王祖藍,收入可觀,過去半年,已賺過五千萬。
「祖藍喺內地鋪路已經有一段時間,佢有份嘅《奔跑吧,兄弟!》好受歡迎,係佢事業一個高峰,好多 job主動搵上門,多到做唔切,而家拍一集真人騷收百二萬人仔,雖然想多啲時間陪老婆,但有咁多搵錢機會,佢冇理由唔搵,唯有盡量就,有空檔就返香港!」王祖藍身邊人說。
六個經紀候駕
搵到錢,王祖藍婚後半年,已經可以兌現送樓給李亞男的承諾。
「兩公婆開始計劃生 BB,所以想買個大啲嘅單位,而家住緊嘅雅景花園就留俾媽咪同細妹住,不過祖藍一定要搵番大埔區,方便返去探媽咪!」
今個月中,在內地拍新劇《哪叱》休假返港的祖藍,孖住老婆約埋好友趙雪英出動睇樓。下午二時多,三人兩車到達大埔逸瓏灣,六名地產候駕,浩浩蕩蕩走入屋苑。

 

王祖藍在內地拍《哪吒》,留守香港的李亞男在微博透露吃車仔麵當一餐。
四千萬變億二
據地產界經紀指,王祖藍和李亞男其實早於三星期前,已去過逸瓏灣睇樓,當時兩公婆對其中一個面積二千呎,叫價四千萬的單位表示有興趣,再去睇多次,就落訂扑槌。
但當日地產經紀再推介屋苑另一個豪華複式單位,祖藍更一睇就鍾意,即時拍板,一億二千萬,照買!
「之前睇四千萬嗰個單位,亞男已經非常滿意,但祖藍鍾意個複式嗰個多啲,單位實用面積有二千八百呎,另加二千八百呎天台連私人空中泳池,一百八十度海景,億二其實都有啲貴,但最緊要係心頭好!」

「長短腳之戀」修成正果,結婚當日二人就嘴得肉緊。

唔在乎物質,但戴住祖藍送贈的三百萬求婚鑽戒,李亞男笑到呢!

王祖藍為住近媽咪,買樓堅持不離大埔區。

祖藍過檔邵氏自組公司,隨時簽埋李亞男,夫妻檔拍住上。
寫老婆個名
豪買過億物業,單是首期已經六千萬,但據知單位並不是夫婦聯名,而是李亞男個人持有。
「祖藍覺得自己遇到亞男,係佢人生最幸福嘅事,錢財身外物,佢諗都唔諗,就決定將呢間屋送俾老婆,講得出,做得到!」王祖藍身邊人說。

李亞男揸車送奶奶到馬鞍山恒安邨探朋友,之後再到觀塘工作室會合祖藍,新抱同老婆兩個崗位,一樣稱職。

 

扮嘢了得的王祖藍,主持內地真人騷《奔跑吧,兄弟!》收 120萬人仔一集,認真和味。
月供三十多萬
在內地搵真銀的王祖藍, 13年斥資一千三百萬購入雅景花園獨立屋,早前再郁手,購入一億二千萬逸瓏灣氹老婆,首期五成六千萬,餘款依照現時按揭利率 2.15%,若分二十年還款期,每月須供約三十多萬,另外印花稅及律師費亦超過五百萬,好重磅。

複式單位面積加加埋埋近 6,000呎,近日已有工人在單位內裝修。

正面睇
17樓實用面積 2,800呎,客廳非常闊落。

後面睇
單位的廚房及工人房。

私人泳池設在 17樓平台。

新居有 180度海景,與現居的雅景花園只一海之隔。
仲有陳奕迅
娛樂圈有不少「愛妻號」,但未必個個都大方到投資磚頭一定預埋老婆一份,財政獨立,你還你,我還我,錢銀唔撈亂多的是,好似王祖藍咁愛嘅,仲有陳奕迅。


郭晉安
06年與歐倩兒結婚,先後育有一子一女,郭晉安手持五個物業包括匡湖居,全部都冇老婆名。


鄭伊健
與邵美琪拍拖時,有部分物業是聯名持有,分手後,伊健焗同前度分身家;經一事長一智,就算同蒙嘉慧結埋婚,磚頭唔關老婆事。


劉愷威
結婚前,已一擲三千萬購入半山蔚皇居,當時未婚的楊冪都有名。


李克勤
與盧淑儀拍拖期間,旗下公司已與女友各持一半股份, 06年結婚後,克勤更將壽臣山曉穎花園、龍湖別墅等大部分物業加埋老婆名。


陳奕迅
投資磚頭唔算頻密的陳奕迅, 14年以 2.3億購入壽臣山道獨立屋,豪宅寫老婆徐濠縈名,早前二人再掟一億,以公司名義連掃黃竹坑三個商廈單位。
撰文、攝影、攝錄:娛樂組
nextplus.nextmedia.com

, ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()