next1.jpg

巨胸女拖住謝天華,身邊的長髮女全程掩護。

娛頭

夜場搵食 老婆湊 B睇唔實 謝天華拖走 Big波女

Ads by Google

上個禮拜,胡杏兒男友 Phil有份投資的夜場 PLAY搞六周年慶祝派對,一班圈中蒲友現身撐場,接近凌晨時分,老婆 Tina留守屋企照顧半歲大兒子天天,人父謝天華甩身,約埋傅明憲、莊思明到場「搵食」。機不可失!離開時,謝天華果然有斬獲,拖走 36D大胸女。

 


守齋三年
上週四(八月二十日),夜場 PLAY搞慶祝P,忠實蒲友傅明憲孖住莊思明和清洪契仔巫翊鳴,約埋曾經在夜場出過事,近年少蒲的謝天華,以大會黑白 dress code到場。玩到凌晨三點幾,謝天華撇低蒲腳, high住拖住一名 36D大胸長髮女子離開。
「嗰次(五年前)喺 Basement偷食王璐瑤(三級女星),搞到老婆入院出晒事,之後天華就好小心,幾乎絕跡夜場。點知三年前同袁嘉敏拍劇又衰咗,俾個女仔唱佢戲假真做,之後 Tina都有出嚟幫佢講說話;所以呢兩年,天華都好謹慎,冇乜行差踏錯,個仔出世後佢仲不停 po啲 B相,等人覺得佢做咗爹哋後以家庭為重。」知情者說。

上次食女事件後,近年謝天華愛孖住老婆出席活動。

兒子天天出世後,謝天華經常上載「父子樂」照片公諸同好,搏命洗底。

12年跟三級暴乳動物袁嘉敏合作電視劇後,被踢爆戲假真做,老婆出來解畫力撐。

09年被踢爆在夜場溝三級女星王璐瑤兼玩頭貼頭合照,翌日老婆被激到要救護車送入院,謝天華即做好老公全天候照顧。

搵人掩護
守行為三年,難得有機會又「美食」當前,謝天華速戰速決,兩粒鐘內搞掂當晚在 PLAY玩得豪放的 36D巨胸女。
「食」慣的謝天華離開時已經飲咗唔少,但一出到門口,警覺燈自動着,任由巨胸女拖實落樓梯,扮被動!行到街口等的士,又自動波企開啲,保持少少距離。
上車時,謝天華先上車,巨胸女緊隨他坐入車廂,而全程陪住二人做掩護的另一長髮女,亦識做自動波鬆人,但卻被叫住要她一齊上車,擾攘一輪,長髮女坐上車頭,做戲做埋下半場。

謝天華警覺性高,全程扮被動,但雙眼卻喪𥄫對方。

行落斜路,醉爆謝天華右手拖住巨胸女,左手扶住欄杆。

之後佢同大胸女齊齊跳上的士,另一女友被迫坐車頭做掩護。

等的士期間,二人突然愈挨愈埋,謝天華更一副含春樣。
露大半球
至於被謝天華丟低的傅明憲,亦不愁寂寞。
跟拍拖七年的富二代莊家彬分手後,唔係出埠就醉爆夜中環的她,當晚離開時,與蒲腳劉晨芝亦各執一件獵物。兩位醉娃先由個混血樣「 mix男」扶住落樓梯,企都企唔穩的劉晨芝吊帶戰衣跌到見心口,露出大半球。
傅明憲的獵物是 Phil的拍檔 Micah Cheung,但對方卻刻意走前,搞到要扶住欄杆先行到的她詐晒型。之後 Micah雖返轉頭扶住傅明憲,但行唔夠幾步又走咗去。

傅明憲同蒲腳劉晨芝,當晚各執一件獵物離開。見獵物 Micah態度冷淡,爛醉的傅明憲飛身撲向箍實他。

但無論傅明憲如何熱情送抱,獵物 Micah只顧住玩手機,完全零反應。

Micah不理她,愈行愈快,搞到爛醉嘅傅明憲追唔上步伐,向前仆一仆。

入場時,單身傅明憲孖謝天華、巫翊鳴及莊思明到步,蒲完各有所得。
幾乎仆街

甩拖後,傅明憲同夜蒲鐵腳劉晨芝去希臘享樂,仲大晒 G奶。

見劉晨芝有「 mix男」細心繑住行,傅明憲於是採取主動,一個飛身,撲上前從後熊抱 Micah。可惜一手擔住煙,一手玩手機的 Micah毫冇反應,仲愈行愈快,攬住他的傅明憲步伐跟不上,落斜路時差點仆街。
獵物唔受溝,無癮的傅明憲唯有收隊,截的士走人。
我阿爸未定性
男人成家立室,有埋下一代,唔等於從此定性。尤其娛圈多姿多采多誘惑,不少圈中人父,照蒲照食女,搞到家庭震盪,累己累人。


王浩信
11年同陳自瑤結婚的王浩信,竟在婚前爆出偷食𡃁模 Cammi,但因為陳自瑤有咗,無力還拖!婚後王浩信依舊唔定性,繼續夜蒲唔黐家更頻傳婚變,年初又與同劇的黃心穎玩得好埋,緋聞不斷。


周焯華
澳門賭場猛人周焯華有錢又有勢,更加玩得勤力!先後跟 Mango、藍莓劉俐、陳雅倫等傳緋聞,去年與 Mandy Lieu撻着,搞到正印同女友一齊大肚,今年五月,兩女為她分別誕下女兒,創下娛圈兩週抱兩的光榮紀錄。


周永恒
曾被控藏毒判處 18個月感化令的周永恒, 10年與不離不棄的阿 Yu(趙頌茹)奉子成婚,婚後育有兩女,不懂珍惜的他去年與助手 Ruby搞婚外情兼爆家暴傷老婆,一手摧毀頭家。
蕊蕊又有新仔
夜場大 P,「男女食家」齊出動,謝天華、傅明憲外,早前傳出男友金剛賭波欠債過百萬的 36C陳蕊蕊,亦有蒲頭𠝹仔搵人傾心事。當晚陳蕊蕊跟揸波子、 MK打扮的男友人由 PLAY孖住走人,她更攞住男伴的車匙,自己做埋司機。

未爆金剛欠波債百萬前,陳蕊蕊已經常蒲蘭桂坊,早前被拍到另一型男對她抽水掃背。(《蘋果日報》圖片)

拍拖未幾,金剛經常帶住陳蕊蕊周圍去,愛得相當高調。

陳蕊蕊新仔叫杜沚諾,曾經客串電影《壹獄壹世界》。他當晚睇完首映,會合蕊蕊蒲老蘭。

跟波子男同朋友 say bye後,陳蕊蕊即跳上車,做司機載對方離開。

撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()