多得男友開導, Evelyn就算患上抑鬱唔使睇醫生都可以痊癒,睇佢笑到咁就知有幾開心啦!

全知言

出唔成碟  Evelyn抑鬱想自殺

Ads by Google

出道時有「翻版張栢芝」之稱嘅蔡穎恩 Evelyn, 2年前響晒鑼鼓話會出碟,又傳過簽 Eason陳奕迅做老細,但碟未出到, Evelyn率先壓力爆煲,早前更對本刊自爆 2年前患上抑鬱,「工作上同 partner有啲 argue!諗住出碟,不過同監製( Gary Tong、 C.Y. Kong)喺發展同創作上有分歧,有啲位 work out唔到,自己就話不如算啦,但大家仲 keep住友好關係!」期間病情嚴重到有自殺念頭,她說:「覺得有啲嘢做咗之後,係咪永遠都唔使再煩呢?有一、兩下會咁諗,但自己好快又會醒番!」

 


事業出問題,問到同前度 Tom有冇關, Evelyn好激氣咁話:「唔關事!關咩事!黐線!人哋開心點會變為自己嘅唔開心呢?」她又話感謝現任攝影師男友開導:「佢係曾國祥介紹,一路以 message聯絡,同佢傾偈會忘記唔開心!識咗半年先第一次見面,見咗兩個禮拜就一齊,不過感覺就似識咗半年!佢係好特別,喺佢身上學到好多嘢,𠵱家係正能量大使!」

Evelyn視 Eason為偶像,對於無故被冠上 Eason師妹嘅名銜,佢話已經向 Eason致歉。網上圖片

Evelyn同監製 Gary Tong提前完約,但就話仲保持友好關係㗎! 網上圖片

Evelyn同攝影師男友各有各忙少見面,但感情卻有增冇減,仲大讚佢畀足安全感,兩人就算分開好遠都感覺好近喎! 《蘋果日報》圖片

Evelyn同前度 Mr.成員 Tom感情已逝,男方現有老婆「陽光妹」 Leanne同囝囝杜杜,而女方就有個廿四孝男友,各有各幸福!

Evelyn坦言𠵱家以拍戲為主,唱歌出碟就順其自然,早前孖住好姊妹 Anjaylia擔任新店剪綵嘉賓。
即時報料
有料、有相、有片即刻 send?啦!
熱線: 9222 0828
電郵: mailto:facenews@nextmedia.com
facebook: facemagazine inbox
line、 we chat id: facemagazine

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()