方詠琳熱愛打籃球,是現任悠悠女子籃球隊員,剛剛勝出了一場康文盃初賽。訪問當日琳琳亦表演了打籃球,想睇琳琳轉身射個 3分波,下載 FACE Pop啦!

爆 Like王

靚女又堅識打籃球  3分女神琳琳:打波相仲多人 like

Ads by Google

籃球友成日呻香港打波冇靚女,不過最近本地籃球界終於有位美女出現,佢叫琳琳(方詠琳)。她既是悠悠女子籃球隊隊員,亦是網友新寵,做過不少模特兒工作。
因為靚女,她除了效力籃球隊之外,亦負起宣傳球隊及籃球運動的任務,拍海報、招募廣告等等;但不要以為琳琳想紅想出風頭,她在訪問中不斷提倡籃球和健康,只係想利用自己去推動籃球運動啫! 


F:點解鍾意打籃球?
琳: F.1嗰陣諗住發育時期可以高啲,但原來冇用嘅,𠵱家 163cm,女仔算正常冇特別高囉!中學時滿足感大啲,因為當時係學校籃球隊,打青訓、青苗,基本上早、午、晚都打波,感覺上勁啲,滿足感咪多啲囉;𠵱家冇咗細個嗰陣好堅決要贏嗰團火,𠵱家係輕鬆打,雖然都係打悠悠(香港女子籃球隊),但心態唔同咗!我有份正職係賣首飾,都會盡量抽時間打波,每個禮拜打一次,球隊每兩個禮拜就練一次波。

F:點解喺自己 fb同 ig宣傳球隊多過 po靚相?
琳:因為我發現無論喺邊,就算我放啲好似好靚、化晒妝、高炒笑晒嗰啲(相),反而啲 like仲少過我真係打緊波、射波啲相,面容扭曲嗰啲更加多 like,我諗啲人鍾意睇我打波多啲!最近 UBL地下聯賽搵我影海報,因為搞 UBL嘅都係朋友,所以幫下手宣傳下,我覺得張海報好型呀!

悠悠早前奪得冠軍,周柏豪來頒獎,琳琳說:「遲啲會同啲明星合組男女子混合球隊,到時會公布!」網上圖片

琳琳話除了打籃球同掟鏢,最愛是水上活動,不過佢話:「但我唔識游水,落水會着番件救生衣,但我鍾意水上活動。」

UBL聯賽暫時只得男子隊比賽,但都搵琳琳影宣傳海報,可想而知琳琳幾有號召力。網上圖片
F:點樣入行做 model?
琳:係呢一年內嘅事,都係朋友搭路。係時代廣場高達模型 35周年,幫 Road Show拍咗短片喺巴士播,再喺時代廣場着住阿寶套衫,教人上網買產品。出寫真好似唔太啱我,如果關於運動都會,嚟緊有啲 job我會揀啲同運動有關嘅!因為宣傳咩運動都係好事,我鍾意做運動嘛!不過做 model唔會長久,要有一份好穩定嘅工作,我份人比較穩陣啲,所以要有份正職。

琳琳上年開創網上商店 LILA fashion,專售韓國服裝,自己做埋生招牌試着時裝拍照,請 model錢都可以慳番。網上圖片

早前時代廣場高達展覽,琳琳一身 cosplay短裙現身,吸引唔少粉絲捧場。網上圖片

最近又為 City’ super拍了平面廣告,但琳琳表示拍廣告只係幫補下,無意做全職 model。網上圖片
F:有冇興趣拍電影?
琳:其實拍過呀!做過替身喺《辣警霸王花》替香香公主,影我背面跑嚟跑去完全冇對白,好似因為嗰日佢有嘢做趕唔切嚟,但又開始拍,我朋友負責幕後,就臨時叫咗我去,當日其他女主角都喺度。如果第時有機會再拍戲,拍籃球或者掟鏢都幾好,微電影應該幾好玩!

F:揀男朋友係咪一定要籃球員?
琳:我鍾意 sporty啲,唔打籃球都得嘅!做其他運動都鍾意,齋跑步都 ok,因為鍾意運動嘅人,會有活力過成日匿喺屋企打機呀、睇書呀,唔係話睇書唔好,但做下運動會健康好多囉!
F:《 FACE》 
琳:琳琳
攝影:吳崇基

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()