冇大 job,沈震軒上週日( 16日)去咗馬鞍山出席卡通人物活動,芭蕾舞都要跳埋!

真面目

形象花弗都係罪 沈震軒乞洗米華憎冇運行

Ads by Google

幾時都話做人要識睇老闆頭。
沈震軒( Sammy)自 13年加入太陽娛樂後,事業算係一帆風順,又拍戲又拍劇仲出埋唱片添!可惜沈震軒得不到大老闆洗米華歡心,即使係 Paco愛將,無奈老頂開到聲唔鍾意,話佢「形象花弗」喎,搞到要收埋一排避風頭。
早前出碟零宣傳,電影、電視劇全面停拍,沈震軒閒時惟有去吓旅行,喺公園唱吓歌,等機會囉! 


加入娛圈快將 10年的 32歲沈震軒( Sammy), 13年得太陽娛樂老闆黃柏高( Paco)賞識簽約,即安排拍電影出唱片,加上大台的《使徙行者》、《衝線》等劇集連環出街,曝光率即時爆燈。

街邊賣唱
上月沈震軒就同老友去咗赤柱街頭唱歌,放心,只為興趣,絕不收費。 網上圖片

去年喺沈震軒微博中見 Paco周不時帶佢去食飯,今年過咗大半仍未再有飯局。 網上圖片

4月出碟冇聲冇氣,沈震軒惟有自 po同發哥合照谷吓! 網上圖片
老闆下令停工
Paco十分重用沈震軒,認為他可作歌影視三方面發展, 13年簽約後, Paco多次帶沈震軒四圍識人,令他得到更多演出機會。
但據知今年初大老闆洗米華周焯華忽然嫌沈震軒形象花弗,要求 Paco暫時停用沈震軒,經 Paco多番游說,沈震軒亦只可完成已傾好的工作,但暫不會安排新工作。 4月推出首張個人大碟,公司只求其安排幾場簽名會,連派台都慳番!

去年孖住蔡思貝拍《衝線》成功做到男二,期間傳過力溝蔡思貝,結果沈拍完此劇就未有新工作。 網上圖片

拍劇溝女
去年被踢爆撻着龔嘉欣即被大老闆下令收埋,反而龔嘉欣就爭到個《愛.回家》主角做吓! 網上圖片

沈震軒最近只係在大台節目《夜宵磨》中做吓嘉賓。 電視畫面
3年撻着 4女
其實沈震軒除了形象花弗之外,實際上緋聞亦傳過不少。繼去年中被爆溝掂龔嘉欣之外, 12年曾與 JJ賈曉晨同居於將軍澳居屋,去年拍電視劇《衝線》時又指與蔡思貝撻着,早前拍電影《碟仙碟仙》時又話同對手莊思敏鬧緋聞,「形象花弗」估唔到成為死罪,唔通要學大老闆咁「專一」?
對於被公司雪藏一事,沈震軒表示「未能回應」,而 Paco則至截稿前亦未有回覆。

《喜愛夜蒲 2》沈震軒貴為男二,同劉羽琦有唔少床上戲,可惜夜蒲形象太深入,反而害咗佢。 網上圖片

開戲勁減
早排完成電影《碟仙碟仙》,話就話男一,不過戲份其實不多。 網上圖片

同連詩雅拍《溝女不離三兄弟》終於做到男一,可惜老闆冇睇好佢呢!
Paco重女輕男
自 11年太陽娛樂成立後, Paco不斷召回以前金牌大風嘅舊星嚟重組王國,至今已經招攬番許志安、方力申、小肥等人。不過講搵錢就幾時都係女星行先啦,今年 Paco就勁捧以下三位喇!

網上圖片 薛凱琪
12年以 600萬簽約 3年轉投 Paco懷抱, Paco仲講明無限資源力捧,即時為 Fiona搞唱片兼搞出道 10週年嘅紅館個唱, Paco又安排 Fiona拍多部電戲,打造 Fiona成為「歌影天后」。

網上圖片

鄧麗欣
當年都係 Paco一手帶佢入行,雖然 Stephy唱歌技巧大家都知咩事,不過拍戲都叫睇得吓,算係長拍長有,近期就孖住男友方力申拍緊《紀念日》。

網上圖片

As One
由吳思佳( Shin)、陳苑澄( Nata)、蘇皓兒( Chloe)、陳嘉茵( Kayan)組成嘅 As One出道 3年,雖然換咗成員加入,但人氣一樣唔弱,今年 Paco仲幫佢哋開拓埋韓國市場添!
採訪、撰文:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()