涉嫌醉駕的 DaDa,畫緊人體彩繪時依然一臉愁容。

真面目

早知今日 涉醉駕等上庭 紅血 look復工  盧頌之 DaDa Lo:覺得自己好恐怖

Ads by Google

曾以周秀娜師妹之名出寫真的 25歲 DaDa Lo(盧頌之),上月 25日涉嫌醉駕炒車被捕,兼撞毀 DBC數碼電台主持陳達仁細佬的 40萬 Audi。
雖然男友趙勁皓( King)拍心口話會幫手諗計賠錢,但要面對一連串官司及賠償,冇個錢傍身點得?潛水 3星期, DaDa終於復工。週一( 24日), DaDa以一身血紅色人體彩繪拍攝藝術短片。難得有工開, DaDa當然想盡快走出醉駕陰影︰「控制唔到情緒,我覺得自己好恐怖!」 


DaDa上月尾涉嫌酒後揸車送 DJ陳達仁返屋企,點知途中愈揸愈快,最後在荃灣青山公路新汀九段自炒。陳達仁細佬的 40萬 Audi撞到 total loss,而陳達仁亦因手臂骨碎裂留院兼停工。

首次玩人體彩繪, DaDa好緊張效果,不時拎手機照鏡及自拍留念。

DaDa只收友情價拍片,但態度都好認真,經常向導演表達意見。

當日 DaDa炒車,整個過程被影低,事後更被公開。網上圖片

日前 DaDa到黃大仙,為受傷的陳達仁祈福。《蘋果日報》圖片
接 job打官司
醉駕分分鐘要坐監, 9月要再返警署報到的 DaDa唔可以講太多詳情,只係表示好內疚好後悔。據知陳達仁唔使 DaDa賠錢,但如果陳達仁向保險公司索償,保險公司有可能會向 DaDa追討損失!
與前公司 GME已完約,自由身 DaDa要靠自己接 job搵錢打官司。逐步復工的 DaDa,週一( 24日)為一條藝術短片玩人體彩繪,鬼節流流將自己油到血紅色,仲要只收友情價,賺得幾多得幾多!

自閉近 3星期, DaDa日前難得放鬆玩 Slide The City。網上圖片

有傳 King不滿 DaDa太唔成熟而分手,事後兩人澄清仍然係情侶, King仲幫女友拆掂問題。
考教練牌搵出路
除了拍短片, DaDa即將參加 now TV一個辯論比賽真人騷,爭取曝光。工作量不多, DaDa話男友其實建議佢轉行,「我同 King感情冇變過,呢件事發生後,佢一直喺我身邊陪住我,仲俾咗唔少建議,例如叫我考健身教練牌,等我多條出路!」
有個貼心男友,但 DaDa坦言一度因醉駕事件抑鬱,「接近兩、三個星期冇出街,夜晚(抑鬱)嚴重啲,會突然崩潰痛哭,心跳加速同手震,完全控制唔到自己嘅情緒,嗰刻覺得自己好恐怖!」所謂經一事長一智,難得男友不離不棄, DaDa真係要生性喇!

因一時貪玩搞到一鑊粥,連累陳達仁(右圖)受傷兼炒咗細佬架車。網上圖片

《壹週刊》圖片
舊 8模搞緊乜?
09年出道的 8模,當年出過寫真《 Girls' Look Book》,大賣過萬本!不過唔係個個都似大師姐 Chrissie咁成功,可以轉型北上賺人仔!

盧頌之(DaDa)

今年初做過音樂劇《血染謎情》,其餘工作不多。

陳嘉寶(Anjaylia)

8模中最成功,有得拍戲拍劇拍廣告,新作係鄭嘉穎謝安琪套《殭》。

裴殷(A.Lin)

現改名為朱麗玲,間中接拍電影,早前有份拍《花街柳巷》。

吳燕安(Annie G.)

曾簽約 nowTV做娛樂主播,約滿後為有米男友 Henry未婚大肚。

陳俞希(Hailey C.)

轉型做 nowTV觀星台主持,亦有開 blog寫美食。

蔡穎恩(Evelyn)

一度獲睇中做歌手,最後同監製意見不合出唔成碟。
失蹤人口

賴慧敏(Isabel)

溫雅妍(Crystal)
採訪、撰文、攝影:娛樂組

,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()