70歲鼎爺一向好火,今次鬧完大台亦被大台工作人員數番轉頭手腳唔乾淨,不過收到本刊記者電話,鼎爺就拒絕回應:「我未約滿,公司規定唔可以接受你哋訪問!」

真面目

多隻手 劇組怕晒佢 李家鼎專撻拜神雞

Ads by Google

大台精神出名是是旦旦,今次連自己人都有火!效力大台 40年,鼎爺李家鼎上週冒住被炒危險,都不吐不快,上電台節目狂數膠劇製作求其、呃神騙鬼,真係好正義、真係好敢言吖!
不過咁,出得嚟數就預咗俾人數番轉頭!有工作人員爆大鑊,原來鼎爺都有鋪「偷雞」癮,逢開鏡必然大量摷走拜神雞、燒肉同生果。其實冇人係聖人,貪小便宜都係人之常情,不過係攞都等人拜完神先吖嘛! 


邊個話做人年紀大就要收晒火? 79歲謝賢同 70歲李家鼎就親身示範一把年紀一樣可以有中氣又好火候,講唔掂郁埋手都仲得!不過四個郁完手順手推爆節目《四個小生去旅行》,鼎爺鬧完大台就反而俾工作人員數番轉頭手腳唔乾淨。

上週任新城《娛樂旗艦店》嘉賓,接受露芙、董敏莉訪問,未同大台滿約的鼎爺無懼被炒,都要狂數無綫劇集製作求其。《蘋果日報》圖片

本刊致電《愛•回家》同鼎爺最多對手戲嘅演員,林師傑話:「唔知喎!」,趙永洪就話:「冇聽過!」,否認鼎爺相關傳聞。《蘋果日報》圖片
「啲水果攞嚟餵狗!」
眾所周之,影視製作屬於偏門行業,擇個好日開鏡拜神、求順風順水又可以叫齊演員同傳媒齊齊整整大合照係指定動作。
正常嚟講影完大合照上完香,燒肉切雞同生果都係台前幕後分嚟食,不過就有工作人員爆響口話多年來鼎爺都興又食又拎,現場唔執輸醫飽肚,還隨身自備大袋,次次袋滿生果同燒肉離場,尤其隻拜神雞係鼎爺至愛,試過等唔遲拜完神斬埋件,一切就緒唯獨全隻拜神雞不見踪影,搞到劇組破費臨時再買過雞,下次亦都醒水搵專人𥄫實隻雞同鼎爺。
《 FACE》致電《愛•回家》拍檔林師傑同趙永洪,兩位後輩有口德,異口同聲話「冇聽過」,鼎爺本人就以大台禁制為由拒絕接受訪問。不過知情人士自稱親口問過鼎爺為乜又食又拎,鼎爺話大條道理:「電視城好多流浪狗,啲水果攞嚟餵狗!」啲生果係餵狗,咁隻雞呢?

自備膠袋入貨
有傳鼎爺又食又拎,愛大量打包拜神雞、燒肉同生果,有圖有真相, 03年《翻新大少》開鏡拜神,鼎爺確係手持大袋生果,當時前度新抱楊思琦亦在場。《壹週刊》圖片

《壹週刊》圖片

雀籠都唔放過
除咗拜神食物,據悉次次拍完戲,道具雀籠亦被鼎爺據為己有。《蘋果日報》圖片

入行 50年,鼎爺、太太施明、孖仔仲有前度新抱楊思琦都效力大台,不過現時未離巢的只剩鼎爺和細孖李泳豪。《蘋果日報》圖片
得個吉

鼎爺係香港電影電視御用馬術教練,圖中學員係江若琳。《蘋果日報》圖片

李家鼎由龍虎武師做起, 20歲開始學馬術,高峰時得到過二百個馬術大獎,亦是影視圈指定馬術指導和教練,教過唔少天王天后騎馬。不過馬術運動器材貴、消費高、近年大台古裝製作少亦慳皮,鼎爺拍劇以外收入大減,入行五十年名下亦沒有物業。
愛生事家庭


呢頭數人,嗰頭俾人數,其實李家唔只得李家鼎一個奇人,前妻和一對孖仔一樣有逸事!


鬼眼施明
除咗係李家鼎前妻、同李泳漢、李泳豪兄弟母親,施明最出名係天生有對陰陽眼,講足多年鬼故,至今仲係有線《怪談》主持。


細孖李泳豪
小時候係矚目童星,長大後反而越撈越霉。本來威威有個港姐出身花旦女友楊思琦, 11年女方卻失驚無神移情別戀仲大埋肚,上演互數鬧劇。


大孖李泳漢
六歲開始做童星,外形精靈可惜行徑難以捉摸。曾經單戀阿嬌話係對方前世夫君、又試過苦戀王喜同疑似有易服癖,近年脹爆走晒樣。
採訪、撰文:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()