苟姑娘做 marketing好上心㗎,除了到場招呼客人外,仲成日帶明星好友王君馨、李亞男嚟撐場。網上圖片

真面目

生招牌 時裝猛人撐腰 苟芸慧入股做潮點心妹

Ads by Google

因為甲狀腺問題要長休嘅苟芸慧,𠵱家除了玩賽車,原來仲做埋「點心代表」老闆,同時間又殺出莊思敏出嚟,話自己攞咗七位數字入股,大家鬥認老闆。
苟姑娘喺微博還擊莊思敏,但莊思敏竟然冇還拖喎,因為真正幕後大老闆,原來係潮牌 2%創辦人陳維明 Herbert,投資近千萬進軍飲食界。他說:「兩位做 Marketing都好好,不過苟姑娘煮嘢食好有天份,嚟緊佢會出自己設計嘅點心。」苟姑娘明顯得老闆力撐,唔怪得莊思敏「笠水」啦。

 


31歲苟芸慧因甲狀腺問題要向大台請半年假,除咗醫病,苟芸慧相當積極,到過珠海玩賽車,仲失事炒車,最近更做埋「點心代表」老闆,被拍得在鋪頭幫手;那邊廂莊思敏亦撲出來話自己都係老闆,更話唔知苟姑娘有份,苟姑娘亦在微博隔空回應,令二人好似不咬弦。

「點心代表」 6月開幕,請嚟 Super Girls同張致恒剪綵,老闆 Herbert性格低調,反而企喺後面。網上圖片

網上圖片
「佢煮嘢好有天份!」
正當巴打買定花生等睇兩大美女駡戰,莊思敏上週四(20日)出席《猛龍特囧》首映禮時,又突然話:「我們股東之間有共識,不可以再提,盡量保護其他股東私隱,不會再評論,最重要是生意興隆。」

落力宣傳
苟姑娘一有時間就落鋪頭幫手,仲不時喺微博宣傳,所以大老闆都讚佢落力。網上圖片

除了做 marketing,苟姑娘仲入埋廚房學整點心,整埋梳乎蛋形點心,又潮又有 gimmick喎!網上圖片
突然收口,據知因為幕後大老闆想和氣生財,原來「點心代表」真正大老闆係潮牌 2%創辦人陳維明 Herbert,從事服裝生意 20年,今年開始進軍飲食界,揼成千萬搞「點心代表」。據知苟姑娘雖然只係小股東,不過經常到鋪頭打點,又入埋廚房學整點心,令大老闆 Herbert都好欣賞。他說:「苟姑娘一早識㗎喇,但唔算好熟,知佢近來時間鬆動啲,我就話不如大家合作啦,我就負責廚房,佢同莊思敏就負責 media,同埋佢煮嘢好有天份,嚟緊我哋會特別為佢做件入廚戰衣,佢仲會推出兩至三款自己設計嘅點心!佢同莊思敏冇嘢喎,點會唔知大家係股東呀?」

苟姑娘 6月拍完《 EU超時任務》就正式放假,據知去到 10月就結束,要諗定去向!

有傳被大台追半年騷錢,成 6位數字,不過苟姑娘在同樂大媽喺「點心代表」鋪頭合照闢謠,證明關係良好。網上圖片

除咗做老闆又學埋整點心,苟姑娘仲玩埋賽車,雖然炒到凌空 4周半落地,但絲毫無損。
幕後大老闆:做點心仲好賺!
「點心代表」大老闆陳維明 Herbert為 2%潮牌創辦人,最近投資過千萬賣點心,佢話原來好賺過賣衫喎。他說:「 2%我賣咗喇,我條條揈咗幾個月,之後讀 EMBA,然後計過點心原來仲好賺,毛利原來咁高,講真,好賺過賣衫好多。」

Herbert身為老闆都會親身入埋廚房學整點心。網上圖片

2%當年搵 Janice Man同 Angelababy做代言人,二人亦因此而爆紅。《蘋果日報》圖片

張詠恩 Jan之前為 2% Marketing team,現已跟 Herbert過檔去做「點心代表」 marketing,開幕當日搵埋胞弟張致恒做剪綵嘉賓。網上圖片

Herbert大讚莊思敏同苟芸慧,他說:「佢兩個做得好好,日日都有唔少明星嚟幫襯。」網上圖片
鬧交當宣傳
早前莊思敏同苟姑娘爭認老闆,鬧出唔少是非,但 Herbert就大讚兩位做 Marketing好稱職,他說:「佢兩個吸引到好多明星朋友嚟,佢哋有是非,我都係聽廚房啲師傳講先知,最緊要生意好啦。」大家咪當宣傳睇囉。

莊思敏將會 9月先入股,不過上星期已經急不及待以股東身份現身鋪頭。《蘋果日報》圖片

被莊思敏話唔知佢係股東之一,苟姑娘即在微博還擊,不過一齊賺錢,轉頭唔記得啦。網上圖片
採訪、撰文:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()