在新劇《實習天使》做女二的吳若希,恃住有人撐被重用,就算公司下禁令,一樣當耳邊風。

探熱針

若無其事:抗無綫禁令 吳若希繼續開心 share

Ads by Google

惹火的吳若希將自己在新劇《實習天使》中護士造型相 post上網,惹來醫護人員投訴,鬧爆「似制服誘惑」、「有損護士專業形象」。事後無綫以公司版權所有,禁止藝員上載戲服造型照上網;但累街坊的吳若希就當冇事發生,繼續開心 share!

 


恃住有人撐
無綫新姣花吳若希,將穿著護士裙坐在病床晒腳的照片放上網同粉絲 share,結果惹來業內人士抨擊,無綫立即下令,嚴禁藝人再私下發布戲服造型相,但「親生女」吳若希就若無其事繼續 po相,其他被連累但又唔敢犯規的二、三線演員,私下怨聲載道,認為公司厚此薄彼。
「公司落呢個 order,擺明係衝住 Jinny(吳若希)俾人投訴而嚟,不過都只係嚇窒啲二、三線 artist,好似佢呢啲有人撐嘅,又或者唔諗住續約嘅例如 Bosco、梁烈唯,就話之你照放相。」一名無綫人透露。

連續 NG幾次後,吳若希一味傻笑扮無知,難為攞住拍攝器材熱到流晒汗嘅工作人員, take完又 take。

等埋位,吳若希左手一部,右手一部電話,仲忙過啲股票經紀。

被指是高層何哲圖( Herman)頭號愛將的吳若希,被拍得同 Herman搭膊頭去撐枱腳。
留力谷獨家
據了解,此舉除了杜絕不必要的麻煩,禁令最大作用是保留彈藥,力谷無綫即將推出的娛樂 app,落閘自製獨家。
「而家開工一定有部 cam跟住,跟埋入化妝間甚至喺開工車都影住,話要拍多啲獨家花絮片,真係好唔方便,尤其係培養情緒嗰陣,俾部 cam影住點都會有影響,所以好多 artist都唔係咁鍾意。」劇組工作人員說。
早前吳若希拍住洪永城、岑麗香等,一同在石硤尾球場拍外景,被彈戲屎的她,等埋位時全程拎住兩部電話搏命篤,同其他演員零交流;到正式拍攝,又連環 NG累街坊,但吳若希繼續扮無知,一招若無其事,好使好用。

明年約滿走硬的 Bosco亦唔理咁多,繼續上載戲服相。

無綫已下令藝員唔可以放造型照上網,但吳若希話之你,抗旨冇有怕。

吳若希穿護士制服坐病床,被網民指似「 AV」,惹來醫護人員不滿。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()