大佬孝邵仲衡唔知講咗咩嘢,珍妹笑到幾乎跌落地。

探熱針

廿年合體 李麗珍拖大佬孝邵仲衡回春

Ads by Google

韋家輝神劇《大時代》重播帶起「大佬孝」,邵仲衡正式回歸狂接騷搵銀,更有機會跟舊拍檔「方婷」李麗珍,相隔二十三年合體,在葉念琛執導的新片《紀念日》再續前緣做情侶。之前復出拍無綫劇被彈呆滯甩對白的珍妹,今次有「大佬孝」傍住,拍通頂戲,愈夜愈生猛。

 


幫口平反
上週四(八月十三日)晚十一點,新片《紀念日》在銅鑼灣開夜班,拍攝鄧麗欣( Stephy)跟飾演母親的李麗珍,重遇拋妻棄女的邵仲衡,兩父女在街頭嗌大街的場口。
劇情有火藥味,相隔廿三年再合作的「大佬孝」及「方婷」,表現有默契,復出拍劇被指遊魂的珍妹,意外地生猛,只見她拖住「大佬孝」手傾偈,甚至興奮到挨落對方身上。
再有機會跟李麗珍做對手戲,邵仲衡賣花讚花香。

拍呢場嗌交戲時,珍妹好多時都黐住大佬孝。

Sweet拖手

邊拍邊自拍
「佢(李麗珍)係好演員,有明星風采,做戲有自己一套節奏,電視劇未必啱佢,所以出嚟令人會覺得有少少奇怪。如果大家 back to square one,諗番一個好演員應該係要令人意想不到,或者係做到人哋預計唔到嘅嘢出嚟,咁反而可以激發其他對手有火花,我同佢合作冇問題。」

自從六月重播《大時代》後,大佬孝人氣急升,更試過拍住珍妹一齊出席活動搵真銀,而落雨擔遮一幕,也是二人在《大時代》入面的經典拍拖場面。
抽四哥水
想令對手有驚喜,邵仲衡亦唔執輸,抽四哥水,借用他摑曾江的「×你老味」金句,在戲中爆粗。
「導演放心俾我加對白,我貪得意借咗四哥嗰件事,好似我以前都會講『胡椒噴霧』(電影《點對點》對白),而家就用『乜乜老味』。嗰場戲講阿 Bob(林盛斌)搞大姜麗文個肚,我叫佢對阿女好啲,如果唔係就『一巴星你埋牆』,之後我整多句『乜你老味』,不過導演話佢啲戲老少咸宜,無限制等級,咁即係唔講得啦。」邵仲衡說。

當晚一班演員跟導演合照,除方力申跟 Stephy一對外,也有近日在夜店被大胸女纏身的阿 Bob,在戲中同姜麗文飾演情侶。

在室內休息,兩個人繼續玩自拍,大佬孝仲扮錫,突然變番少女嘅珍妹。

珍妹前年俾面曾志偉接拍電視劇《 M Club》時,被指遊魂唔記得對白,開工時更鍾意坐埋一邊好少出聲。
愈舊愈爆
無綫新人上唔到,舊人由蔣志光、邵仲衡,到江華、曾江,一蒲頭就成為焦點,翻熱能力,強。


曾江
絕跡無綫十六年,早排幫大台拍《四個小生去旅行》,因為辣㷫謝賢被對方郁手摑,但卻誤中胡楓,一幕滑稽開拖,令曾江熱爆,加上他主演的神劇《誓不低頭》深夜重播,贏晒人氣。


江華
52歲江華因腰患淡出幕前五年有多,今年三月忽然轉行做保險, chok爆上堂再惹人注目,就算家住沙頭角,依然有粉絲搵上門,住所變成觀光點,江華食住個勢公開要搵投資者開戲!


蔣志光
去年在無綫劇《老表•你好 hea》以「高音哥」一角跑出的蔣志光,被網友翻閹經典作《相逢何必曾相識》,當新星咁捧,又連擸無綫男配角及專業演員獎,連老麥都搵佢拍廣告。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()