Eason特別向公司請假停工,抽時間陪女兒放暑假,享受天倫之樂。

探熱針

先睹為快:停工一個月 陳奕迅放暑假搬大屋

Ads by Google

去年初,陳奕迅( Eason)豪掟 2.31億買入壽臣山 Shouson Peak獨立屋,物業持有人得老婆個名,豪送結婚八周年大禮。
有指現時 Eason每月孭住七十萬樓債,要不停唱巡迴,唔介意做樓奴,但七月尾開始,放假一個月,原因係生日週、陪囡囡康堤放暑假兼搬屋。點知新居裝修未搞掂,亂了 Eason如意算盤。

 


有音樂天分
今個月七日晚,康堤要出席一個音樂表演,一早攞定假的陳奕迅同老婆雙雙現身上環文娛康樂中心捧場。
「嗰晚係 Musical Kidz Studio 4th Anniversary Summer Music Night,康堤喺音樂方面好有天分,兩公婆亦好支持個女有唔同興趣,康堤演出佢哋都一定會到,原本今年暑假都想出埠,不過康堤喺香港有好多活動,所以先冇出去玩。」知情者說。

Eason與阿徐原來是支持康堤的兒童合唱團公開表演,表演完畢後,舉家返回曉廬。

新屋收傢俬
超過二億的獨立屋裝修半年有多,據知原定七月底入伙,但因早前不停落大雨,影響進度,令入伙日期一改再改。
「六月已經聽 Eason講話間屋就快搞掂,應該七月中可以搬,仲話到時搞個 house warming;點知早排落咗好多場大雨,間屋有啲手尾拖到而家先搞掂,仲要放傢俬同大清潔, Eason話九月前先搬到入去。」
上週二(十一日)中午,本刊發現陳奕迅的司機揸住老闆娘架 Audi,車住外傭從曉廬出發往壽臣山新居,未幾,就有架搬運傢俬的大貨車,停低門前落貨。

7/8
Eason與阿徐在上環文娛康樂中心出現,同行還有一位女友人。

發現記者後, Eason板起臉,並秒速上車。

康堤與阿徐同樣穿上黑白橫間,母女裝束很 sweet。

11/8
有師傅在門前砌傢具。

2.3億新居
獨立屋的後花園種了棵大樹,剛好遮着新居的落地玻璃,傳媒一定偷拍不成。

搬運公司陸續將舊居物件搬入大屋。

學玩 X game
上月二十七日, Eason四十一歲生日,原本打算在新居搞 party兼慶祝新居入伙,亦因裝修未完工,生日派對變成簡單飯局。
除了準備搬屋, Eason最近因為康堤同阿徐愛上玩風帆,唔想甩轆冇話題,要老婆帶埋佢一齊去玩。
「阿徐係玩得幾 OK,但仲未夠班教 Eason,佢兩母女其實都係跟王合喜學, Eason放緊假跟住一齊去,但佢唔玩風帆玩 X game SUP,成家都有啲運動細胞, Eason好快上手,阿徐同康堤亦玩得幾叻。」

7.27是 Eason的 41歲生日,老婆阿徐約埋班朋友與他食飯慶祝,食飽飲醉又有生日卡收, Eason很滿足。

放假鍾意陪老婆的 Eason,約埋朋友同阿徐一齊踩單車。

康堤跟王合喜學風帆,阿徐與 Eason陪愛女一齊上堂, Eason冇學風帆,改學 X Game SUP。

Eason

阿徐

Eason一早答應為梁漢文做個唱嘉賓,所以就算放假中,仍抽空出席。阿徐則約埋成班老友齊齊捧場,又幫杜如風揸機與老公合照。

二萬五跳起
由拍拖到成家立室,陳奕迅同徐濠縈共歷廿載。二人愛巢亦由月租兩萬五的單位,演變至今日住億萬豪宅。


愛巢蟠龍苑
老豆陳裘大曾是房屋署高層,出身中上家庭的 Eason, 95年同徐濠縈拍拖初期,就算未唱出錢途,一樣有能力月租二萬五跑馬地蟠龍苑同居。


置家嘉崙臺
幾千萬身價過檔英皇後, Eason開始買磚頭。 00年以二千二百多萬買入渣甸山嘉崙臺,同關之琳做鄰居。 04年愛女康堤出世, 06年同徐濠縈結婚,一住八年,最終以三千五百多萬賣出,賬面賺咗千三萬。


暫住大鵬閣
售出嘉崙臺,又未搵到心水屋, Eason 09年一家三口搬到月租十三萬的司徒拔道大鵬閣暫住。


貴租曉廬
在大鵬閣住了超過一年, Eason聽老婆話事, 11年租住廿萬一個月,出名風水好的司徒拔道曉廬,與李嘉欣、林青霞為鄰,直至 13年,再出手買億萬大宅。
撰文、攝影、攝錄:娛樂組
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()