me.jpg

 

Kary Ng
粉紅併粉藍色格仔恤衫$499
藍色洗水 711 Asia Skinny
牛仔褲$799
both Levi's
金色手鈪
金色戒指
白色尖釘高踭鞋
all stylist's own

cover face

吳雨霏 不撒嬌也好命

Ads by Google

吳雨霏,好命到不得了。
由 Cookies年代開始,九變四,四變一,最後能在香港樂壇立足到的,反而是當日未被看好的她。
更甚是,女人最終事業──結婚,率先跑出的,也是她。
而眼前新婚不久的她,雖然難掩甜蜜幸福之情,但明顯一副「唔志在」心態。
「冇諗過結婚,原本打算三十歲後先諗。但當你遇到啱嘅人,大家又可共患難,真係好難得。」
沒錯,女方本身無意,只是男方 Brian盡顯愛妻工夫,就連求婚,也投其所好。
「我唔係童話式嗰種女仔,冇諗過求婚要好大件事,而佢求婚過程竟然都好簡單,只係得我哋兩個人,好真誠,令我好 appreciate。」
七月初,在意大利舉行婚禮,她在 Instagram寫上「 The best day of my life。」
婚後不急於相夫教子,仍然一副工作至上的戰鬥格。
「我唔想用小鳥依人去形容我同佢嘅關係,應該係互相遷就吧,好彩佢真係幾遷就我。」
不撒嬌,也得到丈夫如此疼愛,喂,唔係唔親授御夫之術給一眾姊妹嘛!

 

 

其他影片
好友親爆 吳雨霏同 Brian無散過

Profile
 

Kary Ng
紅併藍色橫間 tee$499
軍綠色多袋 jacket$1,299
淺藍色洗水 710 Super Skinny
牛仔褲$899
all Levi's
橙紅色尖頭高踭鞋 stylist's own

Kary Ng
原名:吳家穎 出生日期: 1986年 6月 9日(雙子座) 
出生地:香港 身高: 5呎 4吋 體重: 100磅 語言:廣東話、普通話及英語。
簡歷: 15歲,參加叱咤 903的 Clean& Clear手牽手大行動,被發掘並安排加入 Cookies組合。
04年,另組樂隊 Ping Pung。 06年,開始個人發展。
11年 9月,加入環球唱片旗下的新藝寶唱片至今。
15年,與香港網球手洪立熙(曾奪香港傑出青少年運動員)結婚。
主要作品:《殺她死》、《愛是最大權利》( 04),《座右銘》( 06),《逼得太緊》( 07),《分手要狠》( 08),《 Here We Are》( 09),《我本人》( 11),《告白》( 12),《就有就有》( 13)《 Across》( 14)《艷羨》( 15)。
Instagram: ngk

告別慘情歌
 
吳雨霏的好命,其一是成為神級歌手林憶蓮的首位嫡系徒兒,幫她今年推出的唱片《艷羨》做 vocal監製,簡直令人艷羨。
「喺錄音室傾歌時,我仍然唔相信呢件係事實。」
吳雨霏力讚師傅是好榜樣,讓她明白前輩成功是有原因的:錄音前已開好聲,熟讀歌詞,閒時練聲,做瑜伽、跑步等等,令她也檢視自己的不足。
「以前唔係唔緊張嘅,但唔會深入了解,依家學多咗好多技巧去運用自己把聲。」
林夕曾說,林憶蓮是最難捉摸的歌手,今次為她做監製時,要求高嗎?
「可能佢對自己歌曲有第二種要求,但佢好 loud and clear同我講要求啲乜嘢。
「佢會每首歌每一句都 go through一次,點樣運聲,每個段落要點樣完結,都會好仔細用心話我知。
「可能仲有恭碩良(林憶蓮男友)同另一監製一齊錄,過程好 enjoy。」
之不過,是次監製只此一次,正籌備的新專輯竟沒再找這位恩師幫忙。
「冇咩特別原因,我覺得佢教咗好多,需要時間過濾,始終唔係一朝一夕嘅事。等我慢慢去磨練,進步咗先再搵 Sandy。」
另外,最大原因是吳雨霏心態改變了。
「過去幾年唱咗好多好慘嘅情歌,想試吓第二種 approach(因為結了婚?)又唔係,我又唔係要好幸福好甜嗰種,只係想帶正面訊息俾大家啫。」

03年
Cookies 02年出道, 03年得番 4個留低,當時 Kary仍然被忽略。《壹週刊》圖片

13年
與 Brian分開後,與余文樂曾經公開拍拖,更曾合作拍 MV。

07年
自細是憶蓮粉絲,能夠得偶像幫自己唱片做監製, Kary話:「真係發夢都估唔到,好開心。」

15年
籌備婚禮只用了六個月時間,只想邀請好友出席兼聚舊。

浪漫小型婚禮
 
今年一月才訂婚,七月便結婚,相比時下港女動輒計劃一年以上,勞師動眾筵開百席,我更欣賞她的率性。
「每個人做法都唔同,我只想簡單、隨心。
「我哋都想有個難忘婚禮,之前同佢去意大利旅行時,已經對呢個地方着迷,而婚禮冇打算請好多人,咪決定搵間細酒莊,大家一齊住吓玩吓食吓囉。
「婚禮嘉賓只得五十人,嚟得嘅都係最 friend。我只想好 private,大家可以 close啲聚舊。到晚上婚宴時,指定幾位好友發言,講吓對我同 Brian嘅感受。」
她有個從加拿大來的好友,當知道要致辭,便翻查家中相簿,然後發現由 07年開始,每張有吳雨霏的照片,身旁都總有 Brian在附近。這天吳雨霏複述時,語帶甜絲絲。
「無論睇戲或食飯,喺加拿大、美國定香港, Brian都喺左近,終於搵到張相唔見佢喇,只得一班姊妹,諗諗吓,原來大家係喺 Brian屋企。
「意思係注定我哋永遠都喺埋一齊,係朋友先留意到呢啲細節位。」
然而一直有傳,會回港搞婚宴來跟同行歡聚一吓,誰知吃了閉門羮。
「香港唔會搞啦,只係因好多親戚未能請去意大利,簡單一個 lunch就算。」
講真,當婚宴變成電視節目,我更體會吳雨霏的堅持。

婚後更自由
 

Kary Ng
黑色 biker褸$899
黑白色橫間 tee$399
黑色 710 Super Skinny牛仔褲$899
all Levi's
黑色闊邊絨帽
粉紅色金屬手鈪
杏色漆皮高踭鞋
all stylist's own

當上洪太,感覺會否煥然一新?
「頭嗰幾日改唔到口,仲係叫佢做男朋友,哈哈!我諗要時間適應。
「其實都冇咩分別,我 enjoy同佢相處方式,亦冇需要因為結咗婚而改變。」
洪太說,洪生很多年前已想組織家庭,他想法簡單,都是愛回家煲劇、食飯,周末出外逛逛,這也是她一直嚮往的生活。
「大家都鍾意搵新事物,好似去旅行咁,咁就 keep到好 fresh嘅感覺。
「其實佢已經好遷就我,始終我做呢行好多限制,或者佢會唔慣;反而結婚後會 free啲,冇咁多 restriction。」
即是,以前還會擔心被偷拍,以後順理成章可甜蜜行街放狗,而難得男方亦讓她繼續幕前工作,這種尊重,她心領神會。
「工作方面,我係好識 take care自己嘅人,所有決定我會搞得掂。依家身份唔同咗,會懂得顧及另一方感受,我以前唔覺得有呢個需要㗎。
「所有事係 together,唔再係 myself。」
有報導說吳雨霏仍想享受二人世界,並不急於生 BB組織家庭,這天,她的答案仍然沒變。
「我同佢都鍾意小朋友,但唔想有壓力,唔使下個月就一定要有 BB,大家仲後生,慢慢嚟囉。」
確實才 29歲,時間還是有的,吳雨霏大可慢慢來。

後記
 

Kary Ng
淺灰色洗水牛仔褸$1,099
淺灰色 501 CT洗水牛仔褲$899
all Levi's
白色棉質 tee
白色尖釘高踭鞋
both stylist's own

話說這對新人, 07年相識到現在,期間離離合合,中間亦穿插另一男神余文樂在其中。最後,舊情復熾,我便問是否習慣了和對方一起生活之故。
豈料,她很大反應:「如果因慣咗先喺埋一齊,咁就唔應該喺埋一齊!
「真係經歷咗呢幾年後,仍然咁珍惜對方,呢樣先係最珍貴。」
然後,她說大家「最後一次」碰面,是在教會見到,並非刻意相約對方,那一秒從對方的眼神,就知道緣份是擋不住的。
「我諗係上天安排,有佢嘅旨意,真係擋唔到㗎!」
Levi's 銅鑼灣時代廣場 622號鋪  2506 3505

撰文:黃鑑江
形象:黃健華
攝影: Ray Siu
化妝: Arris Law
髮型: Kate Shek@Hair Culture
鳴謝: Levi's

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()