next1.jpg

30/7
發現記者影相,唐詩詠同洪永城都十分愕然,表現得相當尷尬。

娛頭

唐詩詠上門餵貓拖地 洪永城冧晒:佢難能可貴

Ads by Google

雖然唐詩詠對洪永城早已由觀望到接受追求,但二人對外卻未肯大方承認拍拖,情侶關係發展一日千里,洪永城更由港島東鯉景灣搬到西貢匡湖居,與住清水灣半島的女友唐詩詠進一步親近。
據知洪永城希望二人世界,經常搵機會開口要求女友同居生活,但唐詩詠唔放心讓父親獨居,令洪永城無從入手。
做孝順女,唐詩詠亦是個稱職女友。本刊發現揸住男友屋企鎖匙,自出自入的她,上門幫洪永城餵貓拖地,咁抵得諗!邊度搵?難怪洪永城發表冧爆宣言:「她的確係個可以分享生活、難能可貴嘅女仔。」

 


搬近氹同居
經過半年死纏爛打,又多番公開 like爆示愛,洪永城終於將無綫頭號女筍盤唐詩詠追到手,二人即使未正式公開情侶關係,亦不時隔空打情罵俏,是被認定一對。
拍拖甜蜜蜜,洪永城為拉近與女友的距離,最近專登由西灣河鯉景灣,搬到去西貢匡湖居一個約七百呎單位,與住清水灣半島的唐詩詠,約十五分鐘車程,更有指洪永城此舉是想氹對方一齊住。

原本打算去西貢開餐,但一發現有記者,洪永城即跳返上車離開。

在車上洪永城用除塵轆黐走身上的貓毛。
「 Tony(洪永城)對 Natalie(唐詩詠)好認真,佢改變咗好多,戒咗煙又唔會好似以前咁,對其他女仔口花花。但兩個都要拍劇,好少時間見到面,所以 Tony搬近啲,又專登搵個私隱度高啲嘅屋苑,諗住方便 Natalie過嚟一齊住。
「不過因為 Natalie同阿爸一齊住,媽咪唔喺度,佢唔想丟低老豆一個人,所以唔肯答應;不過 Tony都照俾咗套屋企鎖匙 Natalie,認定佢係女主人咁話喎。」洪永城身邊人說。

傍晚洪永城去到中環拍外景,但唔識路要搵人問路,拍完兩場動作戲,在晚上九點四十五分收工。

 

之後洪永城搭港鐵去到將軍澳,再會合唐詩詠,玩到凌晨十二點由女友送回家。
西貢拍拖斷正

7/8
半夜時分,唐詩詠單拖去到洪永城屋企餵貓,更揸住支地拖幫男友清潔屋企。

上月尾,唐詩詠做司機揸車去到匡湖居,接埋洪永城一齊到西貢市中心拍拖搵食,但洪永城一落車就發現有記者,於是雞咁腳跳返上車,唐詩詠立即開車走人。
同時間,坐在車上的洪永城攞住個膠紙轆黐走身上貓毛,記者落車硬影,拍拖斷正,尷尬唐詩詠以笑遮醜,洪永城就 keep住 cool樣同記者打招呼,之後兩人極速駛向九龍方向。
同日晚上,洪永城要去中環樂慶里埋位拍新劇《實習天使》,但他行到擺花街唔識路,用電話睇地圖再問了兩個人,終於知道集合地點正確位置。拍外景仲有動作場面,打燈轉機位時間長,等埋位時,只見他多數同工作人員傾偈,又或者行埋一邊篤電話,甚少同其他女演員如梁靖琪、阮兒等接觸。
縮短距離


縮短距離
自唐詩詠與洪永城撻着後,二人頻頻見面,男方為拉近距離,不惜搬近唐詩詠香閨,根據地圖顯示,洪永城由以前鯉景灣搬至而家免過海的匡湖居,足足慳咗 3.5公里之餘,仲慳埋廿五蚊東隧費用,一舉兩得。
上門做阿四
未夠十點,已經收得工,洪永城行落中環港鐵站搭港鐵,戴住耳筒聽歌的他保持警覺,成日周圍望;去到北角站轉車,又刻意讓其他乘客行先,確定冇人跟尾,才拖慢腳步,到對面月台轉車。
搭到將軍澳站落車,洪永城全程傾住電話,在 Pop-Corn商場左穿右插,最後不知所終,但唐詩詠的坐駕早已停在商場附近。晚上十二時,約好收工一齊醫肚的洪永城和女友兩人一同離開商場上車,唐詩詠送對方回匡湖居,便揸車返清水灣半島,沒有留低過夜。

自從與唐詩詠拍拖後,洪永城修心養性,一收工就返屋企,又自己去超市買餸,十足住家男人。

拍外景期間,洪永城同戲中一眾女演員(岑麗香、吳若希)都保持距離,自己坐埋一邊睇劇本。

冧爆回應
記者經 WhatsApp問洪永城回應。他表示:「近日都喺度工作,佢幫我手照顧啲貓。(發展到乜嘢關係?)我哋發展得好好,她很關心同照顧身邊嘅人。(女友對你咁好,你會有乜表示?)她的確係一個可以分享生活、難能可貴嘅女仔。」
上星期一(八月十日),記者與洪永城面談。

一提到唐詩詠,洪永城就情不自禁流露一副冧樣,更一輪嘴狂讚女友。

洪永城對唐詩詠有讚冇彈,愛得痴纏。
壹:壹週 洪:洪永城

壹:唐詩詠去得你屋企好密喎!
洪:(尷尬笑)係咩?哈哈哈……
壹:搬去西貢係要搬近唐詩詠?
洪:近返公司啫應該係,(都好近佢屋企)因為佢(唐詩詠)屋企近公司,最緊要係返公司啫。
壹:見到唐詩詠幫你拖地
餵貓。
洪:因為近期開工比較忙啲,所以佢幫手餵貓。
壹:視佢為結婚對象?
洪:當然佢係一個好好嘅女仔啦,佢幫我照顧貓貓。
壹:會點報答佢?
洪:咁要搵日幫佢拖番地,或者打掃番。
壹:幾時結婚呀?係咪想試婚先?
洪:(冧笑)哈哈……未有打算住, thank you!

唐詩詠同洪永城拍《載得有情人》一嘴撻着。

以前同崔建邦拍拖,因為男方被停牌,唐詩詠都有做司機載男友。
必經階段
TVB近幾年不停製作膠劇,但亦撮合了唔少小生花旦,戲如人生,先同居試婚,幾乎係必經階段。


陳豪 陳茵媺
11年,陳豪被踢爆搭上陳茵媺,拍拖三個多月,已在深井碧堤半島開始同居生活。 13年,陳豪豪擲 3,300萬購入大埔比華利山別墅,有樓揸手,正式娶陳茵媺過門。


陳智燊 宋熙年
二人早年在明珠台合作做主持, 12年陳智燊拍《法外風雲》時傳馬賽介入,宋熙年為全天候監控男友,急搬到男方君傲灣寓所,宣示主權。今個月中,陳智燊在 Instagram宣布求婚成功,結束 6年的愛情長跑。


羅仲謙 楊怡
自 12年公開戀情後,一直屢傳婚訊,羅仲謙經常被拍到出入女方寓所。去年,大隻謙正式搬入女友日出康城香閨同居,為免走甩事業愈來愈順的謙仔,有傳楊怡答應嫁,結束同居生活。
心甘情願
無論天王天后,阿哥阿姐,都係人一個,有時為了另一半,做菲傭做咕喱,都冇計!


黃翠如
同蕭正楠拍拖一年感情穩定的翠如 BB,今年 5月被影到在男友家露台打掃做家務,搬搬抬抬執雜物,「得閒上去幫吓手,冇乜所謂。」黃翠如說。


許志安
13年, Sammi被大業主逼遷,許安打蛇隨棍上,氹掂女友先搬到他名下的干德道寓所暫住,由於當時 Sammi正忙於為電影《盲探》宣傳,許安於是同外傭夾手夾腳,自動波幫女友搬屋。


梁烈唯
曾自爆廿歲後只愛溝女、換畫,從不做家務,直至認識現任妻子 Tina,抹地、洗碗、洗衫、洗廁所,一百八十度改變。
撰文、攝影、攝錄:娛樂組
插圖:朱桂葉
nextplus.nextmedia.com

,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()