faec.jpg

細仔 Quintus病咗入院,霆鋒就算忙到踢晒腳都要抽時間探病,最後仲同前妻栢芝短聚咗 30分鐘,父母同場,最開心嗰個實係 Quintus啦!
多得栢芝媽懂人情世故,特登製造機會畀栢芝同霆鋒相聚,講到尾始終都係一家人嘛!

封面

冇同王菲慶生 陪高燒細仔 霆鋒栢芝養和團圓

Ads by Google

老竇謝賢 79歲仲有火,係火爆爺爺,阿仔謝霆鋒就賣溫情,做暖男爸爸。鬼叫強國呢期興!
有見《 12道鋒味 2》大把觀眾受,霆鋒強力打造療愈系暖男形象。上週獨自留港陪完謝賢過大壽,戲肉係上週三為高燒細仔上演過氣夫妻醫院大團圓!現任女友王菲 8月 8日一個人歐遊過生日好大件事咩?

 


呢個 8月,謝家最忙!謝老四發老火宣傳《四個小生去旅行》、謝霆鋒出盡力拍《 12道鋒味》第二輯、仲要 8月集齊爺孫仔三代生日,難怪一樣喺 8月生日 46歲的女朋友王菲,都要被霆鋒擺埋一邊,自己約閨蜜趙薇飛去法國、意大利搞親子慶生團。

得知 Quintus入院,張崇德同老婆劉美娟特登送上由仔仔親手畫嘅慰問卡,心意十足。網上圖片

網上圖片
病房共度半小時
難得留港、女友歐遊,又撞啱栢芝三母子帶仔回流升學,鋒芝離婚 4年來首遇破冰良機。月初(6日)為反駁週刊報導,自 11年離婚後再度發出聯名聲明;上週三(12日),即是《四個小生去旅行》記招謝賢火滾出手摑曾江當日,霆鋒靜靜雞現身養和醫院,探望因為氣管問題而發高燒入院的細仔 Quintus。你以為咁就叫慈父?原來都未算!為個仔肯同火溝油前妻同一屋簷下至叫能耐!中午時份,栢芝自駕從梅道寓所趕到醫院,呢頭上房同霆鋒共處,嗰頭就見柏芝媽識做落樓,成功爭取過氣夫妻與 Quintus共處將近半粒鐘!

上週三( 12日),霆鋒全日都喺醫院陪住細仔 Quintus,認真廿四孝老竇。《蘋果日報》圖片

拉姑當日夜晚先到醫院探乖孫,探完一臉愁緒!

栢芝媽為咗製造機會畀栢芝同霆鋒,特登走落樓下食煙,直到收到電話先上番樓㗎!

Quintus入院當日,四哥正出席節目《 4個小生去旅行》記招,並出手怒摑曾江,修哥仲被撞到飛甩眼鏡,好火爆!《蘋果日報》圖片
芝媽識做落樓煲煙
晨早流流入院照顧外孫,適當時候離場為鋒芝製造機會,栢芝媽為個女在養和大樓外煲煙煲足半個鐘,認真唔話得!《 FACE》仲聽到芝媽興奮告知友人:「佢見到碗叉燒飯幾開心吖!」睇嚟 5歲 Quintus病情已經好咗大半,食慾亦都返晒嚟!煲煙吹水直到點半,霆鋒離開病房在助手表哥陪同登上保姆車,芝媽才識趣回到病房。不過,兩家水溝油又點只霆鋒栢芝吖?晚飯後霆鋒帶着拉姑再次折返醫院,今次栢芝一早車埋芝媽離開,又一次避免兩位前親家、及前婆媳產生磨擦。

寶貝仔 Lucas本月初 8歲生日,栢芝為佢大搞生日派對,唔係主角嘅 Quintus亦玩得好開心!網上圖片

網上圖片
王菲孤獨慶生
都係為咗搞食搞上癮,開完曲奇店又搞網購刀具,霆鋒為生意難得留港,趁機做孝子,陪 8月 9日 79歲的謝賢切完蛋糕、又再做慈父入院探發燒 Quintus,分身無術難免冷落同樣 8月生日的王菲。
復合一年,竟然不在正日 8月 8日滿 46歲的女友身邊。好彩大日子有人陪,王菲被發現同閨蜜趙薇帶埋囡囡搞親子團歐遊,繼生日前後現身巴黎羅浮宮後,最新動向已經同團友移師至威尼斯。個幾月冇得見一樣自在享受行程,而霆鋒又玩緊同前妻大團圓,呢段世紀三角戀,睇怕都有排糾纏!

王菲孖住好姊妹趙薇到法國「濕平」,一張紅色鬆身裙並隨即惹來大肚嫌疑。網上圖片

王菲一向有鋪「旅行」癮,最新一站就到威尼斯的著名建築物繼續遊覽。網上圖片

王菲帶住細女李嫣到法國遊玩,順便慶祝自己 46歲生日,不過同行就唔見男友霆鋒蹤影。網上圖片

最新一集《 12道鋒味》搵嚟楊冪作嘉賓,二人並於節目中製作豆腐,女方仲話霆鋒係自己偶像喎!網上圖片

《 12道鋒味》節目中,霆鋒唔只力 sell個人品牌曲奇餅,仲出刀具畀網民選購,好有生意頭腦㗎!網上圖片

單親遊學團
自從 11年栢芝同霆鋒兩公婆離婚,一對囝囝 Lucas同 Quintus就跟住媽媽做咗遊牧民族,一時去加拿大買屋探路、一時又話移民新加坡落地生根,話就話想對仔避狗仔隊開心成長,其實咪又係因為父母水溝油、栢芝又同拉姑冇兩句!今年暑假三母子回流搬返世紀大廈,表面上話因為成功考入基督教國際學校,實情就係兩公婆關係緩和,返香港近爸爸多啲,點都好過一個人帶住兩個留落異鄉!

13年暑假,失驚無神又話移民新加坡,一住兩年,三母子極為融入當地生活。網上圖片

今年突然回流,為囝囝落實入學後,自己亦重新投入本地社交圈,上週 fit爆同圈中教友玩滑水。網上圖片
感情線上
分分合合、結完又離,邊個話離咗婚就再冇下文?霆鋒同栢芝呢一對,離婚後四年嘅感情走勢一樣貼住大市上落不停!

網上圖片

冰河時期
婚變初期,栢芝𢱑爛塊面,借友人把口數臭霆鋒,搞完離婚手續,一度同謝家勢不兩立,索性帶埋兩個仔遠走加拿大密謀移民。


保持距離
遊走加拿大一年,關係有緩和,栢芝軟化,移居新加坡拉近與前夫關係,又積極返教會、在當地認識新朋友,展開人生新一頁。

《蘋果日報》圖片

急轉直下
去年九月鋒菲世紀復合,栢芝再受打擊,一時入院一時又傳結新歡出招反擊,最後在港接受訪問表示祝福前夫。
回暖跡象
周旋四年總算有定案,夫妻協議俾兩個仔仔回港入學,亦為反駁報導再度發出聯名聲明,首次站在同一陣線。

霆鋒同栢芝關係有好轉有跡可尋,早前仲出聯合聲明指責有關失實報道。

再見亦是父母

網上圖片

可以為兩個仔升學問題聯名發聲明、亦可以為細仔發燒入院共處一室,雖然離咗婚,不過為下一代和平共處嘅,除咗鋒芝仲有好多例子。

網上圖片

王菲 李亞鵬
又關霆鋒事,現任女友王菲同上任老公李亞鵬離婚兩年,今年 5月又係為咗個女生日,再次齊齊整整切蛋糕。

網上圖片

狄波拉 謝賢
謝霆鋒唔只廿四小時 on chok,仲有糾纏不清嘅感情瓜葛一樣得父親遺傳。謝賢同狄波拉離婚 20年,一家四口仍然定時合家歡。

《忽然 1周》圖片

劉天蘭 岑建勳
先後同劉天蘭、謝寧離婚,岑建勳最叻係同女兒關係依然密切,亦都因為女兒關係和兩任前妻繼續友好。


沈殿霞 鄭少秋
當年鄭少秋同沈殿霞結婚一年後已經另投官晶華懷抱,離婚後關係極差。不過到咗欣宜中學畢業同正式出道,一樣可以為個女再度合體。
採訪、撰文:娛樂組
攝影:娛樂突發組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()