為救妻將積蓄使到七七八八的艾威,希望靠演技在影圈有出路。

探熱針

超級黑仔 救妻花光百萬積蓄 艾威現紅色警示

Ads by Google

港視攞唔到牌,已約滿的艾威失業,加上太太割掉十四磅重子宮巨瘤後病情告急,隨時需要換肝換腎保命,艾威禍不單行,撞埋車!有出冇入,靠積蓄度日的他為保住老婆條命,三次大手術使清百萬積蓄,艾威坦言,生活已發出紅色警示。

為咗老婆頂住

低處未算低的艾威,大條道理怨天怨地,但他仍然一笑置之,全因要集中意志陪老婆捱過一關又一關,根本不容被環境挫折打敗。
「之前有套電影搵我,有成四十組戲,返內地拍三個月,諗住正呀!點知劇本出第二稿,監製話個角色 cut咗唔好意思!要數有幾黑仔,真係由一數到十都有。心情的確有一下子沉一沉,但我有個信念,就係一切嘅挫折,都係上天安排,要令我變得更加強大,用最正面態度去面對挫敗。」艾威仍然笑得出。







去年底本刊發現艾威嫂個肚,大到似八個月身孕,原來當時她子宮患有巨瘤,接受手術後,她又面對其他後遺症,捱了三次刀保命。


艾威在電影《我們停戰吧》的戲份也全遭剪掉。頭頭碰着黑,但他夠豁達:「錢都收咗,過程滿足就得啦!」

兩年來,靠積蓄生活,更為保住老婆條命而傾盡所有。
「太太個病真係估計唔到,人算不如天算,半年喺私家醫院做咗三次大手術。我有諗過,遲唔發早唔發,點解係呢個時候,所有嘢同一時間發生,個天竟然同我開個咁大嘅玩笑,但就算點唔開心,為咗老婆,我一定要撐住。
「嗰段時間,日日煲湯帶去醫院,撲來撲去。做完割瘤手術後,老婆個肝發大了三、四倍,腎臟亦脹大一倍,醫生話最壞打算係換肝換腎。當刻要做嘅,係我一定要身體健康,就算冬天我都堅持朝朝跑沙灘;第二要保持心情開朗,唔可以愁眉苦臉,仲成日扮電話鈴聲氹老婆笑。嗰陣我架車泊喺醫院停車場都可以俾人撞爛,但院方睇番錄影片,又話冇發現有人撞我架車,黑到爆,老婆同車都入廠。」

整車都冇錢

一關一關捱住過,只要老婆執番條命,艾威說錢財身外物。威嫂最後選擇中西合璧,逃過換肝換腎危機,已逐步康復。
對於花盡積蓄,艾威說:「同港視一樣,已發出盈利警告。老婆三次大手術使咗過百萬,以前有兩架車,其中一架十幾年(開篷 Benz),壞咗都唔再花錢整,劏咗就算。生活質素降低啲,唔約朋友食飯,買少件衫飲少杯酒,希望唔好差到要賣樓呢一步,我信個天唔會俾條黑路我行!




鋪鋪甘離開三十年的安全地帶(無綫),畏高的艾威與劉玉翠為拍港視節目,攀爬全球最大的越南洞悉,之後又出書自救,甚至全裸上陣拍電影。為出路,可以去到好盡。








雖然拍好的戲份最後被 cut,但艾威仍樂於替林文龍出錢投資兼做主角的電影《我們停戰吧》宣傳。


過檔港視後,他初嘗男主角的《三面形醫》收視好,總算替自己同港視攞番個尾彩,爭番啖氣。 


港視作品將播完,求生的王維基近日大力催谷網購,不惜落場送蜜瓜做勢。拚搏到底的不死精神,也是艾威的借鏡。(《蘋果日報》圖片)

「呢幾年咁灰,我諗起王維基曾經同我哋講,人要離開安全區,喺舒適環境下生存會毫無鬥志。但我心諗,都唔好咁辛苦要捱咁耐,俾我舒服番少少都得啩!」頂住呀!

撰文、攝影、攝錄:娛樂組
場地:華星冰室
服裝: Zalora HK
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()